JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL-POLRI kaptura suspeitu AX iha Kupang

PNTL-POLRI kaptura suspeitu AX iha Kupang

Polísia Nasional Timor-Leste (PNTL), ezekuta mandadu kapturasaun husi Tribunal nune’e koopera ho Polisi Republik Indonesia (POLRI) Nusa Tenggara Timur (NTT), Kupang, hodi kaptura suspeitu AX, tamba deskonfia involve iha kazu burla agravada.

Suspeitu AX nu’udar Timor-oan ne´ebé mak PNTL ho POLRI Kupang kaptura iha fatin lokalizasaun Hotel Javanes Oesapa Kupang, iha loron 30 fulan Maiu, tanba involve iha kazu burla agravada, ne´ebé deskonfia lori ema nia osan atu halo kréditu motorizadas  halai sai husi teritoriu Timor-Leste.

Wainhira autoridade seguransa sira kaptura suspeitu nia liman rua tau borgol (Aljema) metin  hodi lori husi  Kupang mai Díli Timor-Leste, depois  aprezenta iha Komandante Jeral PNTL Komsiariu Julio Hornay, hodi realiza konferensia imprensa ba jornalista sira  iha  Kuartel Jeral PNTL Díli, remata tiha  lori ba detein iha sela detensaun Polísia Caicoli.

“Suspeitu  ne´e  involve  iha kazu burla agravada.  Ne´ebé mandadu Tribunal sai  iha loron 26 Fevereiro 2018. Bazeia ba mandadu  ne´e mak Xefe Investigasaun Kriminal Díli  husu ba Komandante Munisípiu Díli  atu haruka karta ida  mai  ha´u,  depois ha´u haruka Polísia Servisu Informasaun halo  koordenasaun  ho adidu POLRI iha Díli, nune´e ita haruka karta ba KAPOLRI liu husi adidu depois KAPOLRI haruka servisu hamutuk entre PNTL ho POLRI hodi kaptura  ita-nia maluk Timor oan iha Kupang,“esplika Komandante Jeral PNTL Komsariu Julio Hornay, ba jornalista sira Segunda (04/06/18), iha Kuartel Jeral PNTL Díli.

Julio Hornay, agradese susesu servisu ne´ebé ekipa PNTL no POLRI halao,  tanba durante semana rua hela iha Kupang hodi buka tuir suspeitu  konsege identifika fatin hodi kaptura suspeitu Timor oan ne´e iha Hotel  Javanes Oesapa.

Julio Hornay dehan,  suspeitu nain rua mak halai ba iha Indonesia, maibe suspeitu AX mak PNTL ho POLRI konsege kaptura no hela suspeitu nain ida mak  subar a´an hela husi autoridade seguransa. Maibe Komisariu PNTL ne´e garante katak, atu lalais ka tarde sei kaptura.

Lee hotu :   PGR: KAZU EMILIA KONTINUA IHA REKURSU

Alende ne´e suspeitu AX dehan, nia halai sai  husi Timor ba Indonesia durante fulan rua hodi hela ba mai iha NTT.

Iha biban ne´e adidu POLRI iha Timor-Leste, Bharata Indrayana, senti kontente kooperasaun entre POLRI ho PNTL, ne´ebé mak ho susesu kaptura suspeitu sira  involve iha kazu krimi.

“Ha´u kontente  tanba  bele ajuda PNTL hodi  kaptura suspeitu involve iha krimi sira,“dehan Bharata Indrayana.

Bharata Indrayana dehan, suspeitu nain ida ne´ebé mak sei subar a´an,  autoridade seguransa sei esforsu buka identifika nia paradeiru hodi bele kaptura atu submete ba justisa.avi

Add to Comments Here!!!!

error: Content is protected.
Secured By miniOrange
You might also like:
Deskonfia mosu familiarizmu Kandidatu traballador Australia hato’o keixa ba SEJT

Kandidatu  Trabalhadora ba Austrália  hato’o  Keixa ...

Embaixador Portugal louva maturidade povu TL

Embaixador foun Portugal ba Timor-Leste, José...

PD sei vota a favor ba programa governu

Prezidenti Partidu Demokrátiku (PD) Mariano Assanami...

Close