JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AITAHAN MATAK HO ANGELA FREITAS SAI ARGUIDU

AITAHAN MATAK HO ANGELA FREITAS SAI ARGUIDU

Tribunal Distrital Dili (TDD) halo’o julgamentu ba kazu krime alterasaun Estado de direito no krime abuzu sinais ka uniforme, ne’ebe involve arguidu António da Costa “Aitahan Matak” no Maria Angela Freitas da Silva.

Tuir akuzasaun Ministeriu Públiku katak iha aktividade illegal sira lao iha fatin bar-barak iha país ida ne’e, hanesna iha Dili, Baucau ne’ebe lidera husi matebian Paulino Gama no Antonio “Aitahan Matak’’.

Grupu hirak ne’e maka Conselho Revolucionáriu do Povo Maubere (CRPM) no Conselho Popular de Defeza ou Conselho Popular Domocrática (CPD-RDTL), maibe la rejista no mos la legaliza.

Iha fulan Fevereiru tinan 2014 hatudu katak, grupu hirak ne’ebe lidera husi matebian Mauk Moruk no António Aitahan Matak sira hatais farda militar ho bandeira, kilat balun, dala ruma iha Dili no dala ruma iha Baucau konvoka imprensa hodi fo saida maka sira sei halo, aktividade sira ne’e laiha rekunhesementu  husi Estadu no mos la legaliza tuir ezijensia legal.

Entre arguidu sira nia reinvendikasaun oin-oin hanesan atu halo suspensaun ba KRDTL, demite Governu, obriga atu disolve parlamentu no eleisaun antisipada no vigora hikas fali konstituisaun tinan 1975 nian.

Ho difuzaun programa sira hosi grupu CRPM no CPD RDTL nian, sira nia mentor maka matebian Paulino Gama, arguidu sira António Aitahan Matak, José dos Reis Lemos  ho Angelia Freitas, ne’ebe dezempenha kargu nudar asesora konselleira ka sekretariadu jeral CRPM nian.

Komunidade sira iha país ida ne’e  hahu tauk no iha sinal katak sira nia objetivu atu halo asaun perturba paz no social hodi afeta funsionamentu normal orgaun soberanu sira nain, ne’ebe demokratikamente eleitu no dezignadu.

Arguida Angela Freitas, halo parte mos iha atividade hotu-hotu husi grupu ne’ebe lidera husi matebian Mauk Moruk, prende tiha nia USB ida ne’ebe iha fixeiru ho naran Komandante no Angela ho liafuan hanesan tuir mai ne’e, ami povu maubere hakarak suspende imediata konstituisaun RDTL ne’ebe la refleta povu Timor-Leste nia interese nasional, desolve parlamentu, eleisaun antesipada parlamentu no Governu unidade nasional nian.

Lee hotu :   Deskonfia oho Tan Lin Xue, TDD aplika prizaun preventiva ba arguidu LJ no AF

Hafoin sira rekruta ema sira ne’e, sira fo hatene ba ema sira ne’e katak sira sei forma forsa foun iha Timor-Leste, matebian Mauk Moruk hateten katak nia maka sei sai komandante ba forsa foun ne’e iha Timor-Leste atu forma forsa foun ne’ebe nia maka sei komanda rasik hodi troka fali Falintil-FDTL.

Ba saida maka sira hakarak, grupu CRPM, nudar dinamizador principal maka matebian Mauk Moruk, José António dos Santos Lemos, Komandante Labarik Maia, ida ne’e maka sei fo treinu no fahe farda, no Angela Freitas, kompostu ema hosi distritu sira, hahu sira nia terenu, formatura, desfile ho uniforma militar, sira sempre prezente iha konferensia de imprensa ne’ebe fo hosi matebian Mauk Moruk.

Sekuensia hosi aktividade illegal hirak ne’e, CRM no CPD-RDTL afirma katak bainhira la atende sira nia ezijnsia, ita forsa tun.

Ami CRM kaer ukun hodi tau iha kauza estabilidade no paz no sosisal no Estadu de direitu demokrátiku

Iha fulan Februari no inisiu fulan Marsu tinan 2014 nian, iha Dili no Baucau matebian Mauk Moruk arguidu sira komandante labarik no António Aitahan Matak mosu fardadu hodi kordena elementus sira seluk hodi grupu ne’ebe hanaran CRPM no CPD-RDTL 200 resin (atu rua resin) uza farda boinha mean ho promote katak loron ida sira maka sei hanesan efetivu militar Timor-Leste nian lolos hodi hamosu konfrontu fo forsa no polisial sira.

Aproveita grupu ho ema barak barak ne’e mosu tan grupu illegal seluk hanesan nakukun ba naroman, lider maka arguidu Simão de Araújo, António Casimero no Paulo Soares hodi municipiu Ermera uza fali naran veteranu no ex Falentil sira nia tau hamutuk forsa hodi halo aktvidade, hatauk no ameasa ema hodi hadau ema sira nia osan.

Lee hotu :   PJR suspende prokurador nain hitu

Atividade kriminoza hanesan arguidu sira Adriana Atok, konesida ho kode “Laikun” no Lourenço Barreto, ho avo Loro Leki sira halo knar hanesan padre no irman uza simbolu liturziku no hatais hanesan padre ne’ebé ordenadu ona, hanesan ostia, alva katunika, lilin ho objetivu atu simu osan hosi ema, ho valor ne’ebe seidauk hatene loos, maibe superior hosi US$2000.00 (liu hosi dolar amerikanu rihun rua ).

Arguidu sira ne’ebe identifikaadu iha artigu akuzatoriu ida ne’ebe numeradu ho 1 to’o 21 sira halao ho livre, delibradu no konxientemente, halibur esforsu no hanoin tuir planu ne’ebe planeia ona hosi arguidu sira Paulino Gama no António Aitahan Matak, José dos Santos Lemos no Angela Freitas.

Arguidu Simão de Araújo, António Casimiro no Paulo Soares, hatene hela katak, bainhira ameasa ema, hadau ema nia osan, sira hetan vantajen ekonomia, hodi prejudika komunidade sira.

Arguidu sira Adriana Atok no Lorenço Barreto, hatene katak sira labele halo knar kultu relijiozu sá tan ho hahalok ida ne’e, hetan vantajen ekonomika illegal hodi prejudika ema seluk ho valor ne’ebe ultrapasa US$2000.00.

Ho faktu sira ne’ebe iha arguidu António da Costa, Maria Angela Freitas da Silva, Amaro Soares, Manuel Guterres  Correia, José no Sergio dos Santos Lemos, Rofina do Carmo, Moises do Carmo, Angelo Vicente, Joaquim da Silva, Ivo Sequeira, Paulo Parada, Manuel Gusmão Marcelino da Conceição, Gil Fernandes da Costa, José Teki Liras, João da Silva Soares, Simão de Araujo, António Casimiro, Paulo Soares, Adriana Atok, Lorenço Barreto Ho ko-autoria material ho forma konsumada no ho konkursu real komete krime alterasaun Estado de direito Artigo 202 no. 2 no krime assosiasaun kriminosa husi artigu 188 no. 1 no 2. Krime abuzu sinai ka uniforme husi artigu 194.

Lee hotu :   JULIO HORNAI: MEMBRU GOVERNU LABELE IHA SEGURANSA SIVIL

Arguidu sira Simão de Araújo, António Casimiro no Paulo Soares hamutuk halo krime extorsaun 1 husi artigo 270­­. Arguidu sira Adriana Atok no Lourenço Barreto hamutuk halo krime burla 1 husi artigu 267 Codigu Prosesu Timor-Leste.

Hatan ba akuzasaun ne’e, iha audensia julgamentu Antonio da Costa “Aitahan Matak”  deside kolia hodi rejeita katak ninia organizasaun CP-RDTL la hamutuk ho organizasaun CRM ne’ebe lideradu husi matebian Mauk Moruk, hodi inisia aktividade kontra Eestadu ne’ebé mensionadu iha akuzasaun Ministeiru Publiku.

Iha fatin hanesan, arguida Maria Angela Freitas da Silva, mos rejeita katak akuzasaun ne’ebe Ministeriu Públiku halo ne’e la los.

Tanba tuir nia, bainhira akontesementu no aktividade ne’ebe inisia husi Mauk Moruk nia rasik laiha kunhesementu tanba iha altura ne’eba nia iha hela rai liur (Singapura)

Nia mos rezeita katak, nia sai konseileiru ba organizasaun Mauk Moruk nian, tanba nia konsidera  nudar lideransa partidu ida, sempre loke dalan ba organizasun ne’ebe deit atu kompartilha intermus fahe idea ba malu, maibe fora hosi aktividade ne’ebe kontribui ba instabilidade nasaun nian.

Mesmu hanesan ne’e, Angela konsege hasai ninia deklarasaun ne’ebe hamosu konfuzaun ba Ministeriu Públiku. Deklarasaun ida katak, mesmu nia ba rai liur, maibe bainhira nia fila mai Timor, sempre hetan aprezentasaun hosi organizasaun rua ne’e konaba saida deit maka akontese iha Timor, durante nia iha liur.

Rona tiha deklarasaun husi parte rua, juiz prosesu deside marka fali julgamentu ne’e ba dia 19 fulan Julhu  hodi kontinua rona arguidu sira seluk.

Julgamentu ne’e preside husi juis kolektiva Jose Maria de Araujo, Francisca Martins ho jusai  Maria Solana, Ministeriu públiku reprezenta husi prokurador Renato Bere Nahak no Rogeiro Viegas Vicenti, arguidu sira hetan asistensia legal hosi advogadu privadu Manuel Tilman ho Defensor públiku. nia

Add to Comments Here!!!!

error: Content is protected.
Secured By miniOrange
You might also like:
DEPUTADU III LEJISLATURA BALUN SEIDAUK ENTREGA KARETA, MUTL AKUZA DEPUTADU SIRA BOSOK POVU

Movimentu Universitáriu Timor Leste akuza deputadu...

HALAKON KKN, KAK SUJERE PN DISKUTI LEI ANTI KORUPSAUN

Atu kombate Korupsaun Koluzaun no Nepotizmu...

LERE: SEIDAUK IHA FIGURA TROKA FILOMENO PAIXÃO

Xefi Estadu Maior F-FDTL Major Jeneral,...

Close