JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ANA PESSOA HAKFODAK SAI SASIN BA KAZU GASTÃO SOUSA  BISPU DOM BASÍLIU LA IHA KUÑESIMENTU

ANA PESSOA HAKFODAK SAI SASIN BA KAZU GASTÃO SOUSA  BISPU DOM BASÍLIU LA IHA KUÑESIMENTU

Eis Prokurador Jeral da Repúblika, Ana Pessoa Pinto, hakfodak kuandu Tribunal Distrital Dili (TDD) notifika nia sai sasin ba kazu krime pekulatu, administrasaun danoza no falsifikasaun dokumentus ne’ebe deskonfia involve eis Ministru Obras Públicas Transportes e Comnicações (MOPTC), Gastão de Sousa, padre Martinho Gusmão, inklui Gastão de Sousa nia oan Jordão Maria de Jesus da Silva Sousa, Ferlio Afonso Bado Loi da Silva Sousa no funsionariu públiku iha MOPTC, Diogo da Costa.

Iha audensia tribunal, sasin Ana Pessoa hakfodak, tanba nia kunhesementu ba kazu ne’e indereta.

Ana Pessoa konta tuir ba tribunal katak,  iha sidadaun ida mak hato’o informasaun ba nia atu halo denunsia, tanba sidadaun ne’e tauk. Maibe bainhira tribunal husu Ana Pessoa atu haruka sidadaun ne’e mai sai sasin iha tribunal, Ana Pessoa rezeita, tanba lei testamunha bandu nia atu fo sai sidadaun ne’e nia indentidade, tanba nia tenki proteje sidadaun ne’e.

Alende ne’e tribunal mos liu husi juiza prosesu lee sai deklarasaun eskrita Bispu Diocese Baucau Dom Basílio do Nascimento hanesan sasin katak, nia parte la iha kunhesementu kona ba kareta ne’ebe arguidu Martinho Gusmão hetan husi arguidu Gastão Sousa, tanba la hetan informasaun, inklui Diocese Baucau mos la hetan relatóriu kona-ba atividade serimonia Paroquia Santo António Manatuto.
Bispu Basílio dehan tan serimonia ne’e paroquia nian, tuir loloos Diosece tenki hetan relatóriu kopia ida.

Hafoin rona sasin Ana Pessoa ho Bispu Basílio tribunal mos halo acariasaun ba sasin Fernando hanesan funcionáriu logistik iha Ministériu Obras Públicas Transportes e Comnicações ne’ebe servisu hamutuk ho arguidu Diego da Costa.

Acariasaun ne’e ligadu ho deklarasaun arguidu Diogo ne’ebe deklara nia hetan autorizasaun ba ense mina Estadu ba nia kareta privadu husi sasain Fernando, maibe sasin Fernando nega katak, nia la fo autorizasaun.

Lee hotu :   Membru F-FDTL involve kazu Maliana, Lere haruka detein tan iha sela PM

Antes ne’e Ministériu públiku akuza no rekere julgamentu iha prosesu komum bazeia ba artigu 236 no 48 númeru2 alínea d, kódigu prosesu penál hasoru arguidu  Gastão Francisco de Sousa, altura ne’eba sai Ministru Obras  Públicas Transportes e Comnicações (MOP), Diogo da Costa nu’udar funsionáriu publiku ne’ebe iha altura ne’eba sai xefi Gabinete MOP, Jordão Maria de Jesus da Silva Sousa ne’ebé  koñesidu ho “Jordy Sousa”, nu’udar oan husi Gastão de Sousa, Ferlio Afonso Bado Loi da Silva Sousa koñesidu ho “Viali”, funsionário Públiku iha Ministériu Negosiu Estranjeiru no Kooperasau (MNEC) no Martinho Gusmão saserdote katóliku iha paroquia Santo António Manatuto.

Iha loron 28 fulan Fevereiru 2010 asina akordu entre Governu RDTL ho Asian Development Bank (ADB), projetu finansiamentu  ho montante orsamentu hamutuk $ 46.000.000 ne’ebé atribui ba fundu ba reabilitasaun no konstrusaun Estrada.

Projetu refere remata iha tinan 2012 no tenki entrega fila fali osan hosi fundu ne’ebe la utiliza ho montante $ 82.776,77 dolares Amerikanu inklui viatura 8.

Entre viatura hirak ne’ebe MOP simu konsta viatura ho matrikula  18-948 TLS ho marka toyota land cruiser  no viatura ho numeru matrikula 19-754 TLS ho marka toyota kijang innova ne’ebe entrega ba arguido Diogo da Costa.

Na realidade fo konesimentu de’it ba viatura rua seluk ho matrikula 18-723 TLS ho marka toyota rav 4 no viatura 18-947 TLS ho marka  toyota land cruiser prado.

Hafoin simu viatura hirak ne’e, tuir instrusaun verbal hosi arguidu Gastao de Sousa, la fo konesimentu ba departamentu logistika no MOP kona-ba simu viatura hirak ne’e.

Konkordansia no kolaborasaun hirak ne’e ho intensaun hodi oinsa bele halakon rejistu viatura rua ne’e hanesan partimoniu estadu nian.Tuir planu ne’ebe sira halo ona maka iha loron 24 fulan Setembru 2012, arguido Gastao komunika ba ADB kona-ba nia desizaun atu atribui viatura rua ho matrikula 18-948 no 19-754 ba unidade jestaun projetu nian inklui manutensaun no abastesimentu kombustivel ne’ebe finansia hosi ADB.

Lee hotu :   Júlio Hornay: Tuda arbiru lider istóriku, sei kaptura

Maibe realidade hatudu katak viatura ho matrikula 18-948 rai hela iha Gastao de Sousa nia rezidensia iha aldeia Becusi bawah, suku Becora.

Arguidu Gastao de Sousa mos permite arguidu nain rua Jordy no Viali hodi utiliza veikulu ba titulu pesoal durante sira nia paseiu iha sidade laran.

Iha data ne’ebe la konkretu, iha final fulan Abril ka meadu fulan Maio 2014, arguidu Martinho Gusmao solisita verbalmente ba arguidu Gastao Sousa hodi husu ajuda viatura ida ba preparasaun serimonia komemorativa tinan 200 paroquia Manatuto nian no iha loron 13 fulan Maio 2014 arguidu Gastao Sousa entrega pesoalmente viatura ho matrikula 19-754 TLS ne’ebe uza hela ba titulu privadu hosi arguidu Diogo da Costa.

Arguido Martinho Gusmao utiliza viatura refere durante tinan 1 fulan 3 no bainhira uza viatura refere Martinho Gusmao solisita dala 2 ba Gastao Sousa hodi halo manutensaun  ba viatura iha loron 14 fulan Junho 2014 no loron 28 Agostu 2014 ne’ebe uza osan husi fundu ADB nian ho montante $ 532,34 dolar amerikanu.

Bazeia ba akuzasaun hirak ne’ebe iha maka konsidera katak bens no ekipamentu hirak ne’ebe sira uza pertense ba Estadu, mezmu nune’e, sira aproveita patrimoniu publiku ba benefisiu propriu maski hatene katak aktu sira ne’e prezudika Estadu.

Nune’e, arguidu Gastao de Sousa hetan akuzasaun primeiru,hosi MP ho krime pekulatu kontra artigu 295 no. 1& 3 ba autoria material ho arguidu Diogo da Silva, segundu, krime pekulatu ida seluk maka kontra artigu 295 no. 1, 41no 34 ba autoria material ho arguidu Jordy Sousa no Viali, terseiru maka krime administrasaun danoza kontra artigu 274, no 2 & 3 ba kumplisidade ho arguidu Martinho Gusmao.

Lee hotu :   Hafoin formasaun Governu, Komando retira Polísia husi munisípiu

Arguidu Diogo da Costa MP akuza ho primeiru, krime pekulatu, iha artigu 295  no. 1& 3 ba autoria material ho arguidu Gastao de Sousa, segundu nafatin ho krime pekulatu hosi artigu 295 no 41 no terseiru maka krime falsifikasaun dokumentu  kontra artigu 303 no 1 alinea A no 41.

Arguidu Jordy sousa no Viali komete iha co-autoria material ne’ebe MP akuza ho krime pekulatu kontra artigu 295, no 1, 41 no 34 ba autoria material ho arguidu Gastao de Sousa.

Arguidu Martinho Gusmao komete ba kumplisidade material ne’ebe MP akuza ho krime administrasaun danoza kontra artigu 274, no 2 & 3 ba kumplisidade ho arguidu Gastao  Sousa.

Julgamentu ne’e adia fali ba loron 24 tuku hat loraik hodi tama ba elgasaun final, audensia julgamentu ne’e prejidi husi juis koletivu, Albertina Neves, Antonio do Carmo, Zumiaty Freitas, Ministeriu Publiku reprezenta husi prokuradora Lidia Soares ho Jacinto Babo no arguidu sira hetan asistensia legal husi defensor publiku Fernando Carvalho, Estaqui Guterres ho Câncio Xavier. nia

Add to Comments Here!!!!

error: Content is protected.
Secured By miniOrange
You might also like:
FUNSIONA MAKINA ESTADU, GOVERNU HALO ALTERASAUN BA REJIME DUODÉSIMU

Governu da-ualu (VIII) ne’ebé xefia husi...

VICTOR RAMOS: ” PREPARASAUN ATLETAS BOXE TL SUFISIENTE ONA”

Treinador selesaun nasional Boxe Timor-Leste (TL),...

VOLEIBÓL PRAIA TL NA’IN HAAT SEI PARTISIPA ASIAN GAMES 2018

Atleta selesaun nasional voleiból praia Timor-Leste...

Close