JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KAZU BOBY, KOMJER PNTL: IMI JORNALISTA RONA JENERAL LERE KA LAE

KAZU BOBY, KOMJER PNTL: IMI JORNALISTA RONA JENERAL LERE KA LAE

Kazu asidente tráfegu ne’ebé involve Boby, oan mane husi Xefe Estadu Maior FALINTIL Forsa Defeza Timor-Leste (F-FDTL) Major  Jeneral (F-FDTL) Lere Anan Timur to´o oras ne´e Polísia Nasionál Timor-Leste (PNTL) seidauk halo kapturasaun. Nune’e Komandante Jeral (KomJer) PNTL Komisariu Julio Hornay, hatete, ne’e PNTL sei haree.

KomJer  PNTL la esplika detallu ba jornalista sira, wainhira husu  tanba sa mak to´o agora  PNTL seidauk kaptura Boby. Maibe Julio Hornay responde hodi hateten, “imi jornalista  rona Jeneral ka lae? Se imi rona mak ne´e ona”.

Julio Hornay hatutan, bainhira jornalista sira atu entrevista sobre kazu Boby halo appointment ho karta. “Ha´u hateten  bebeik ona imi hakerek tiha pergunta mai  para ha´u prepara dadus hodi responde,“dehan Julio Hornay.

Ho akontesimentu ne´e antes ne´e kazu  ne´e  submete  ona ba  prosesu investigasaun iha seksaun Investigasaun Tranzitu Munisípiu Díli.

Antes ne´e Xefi Estadu Maior das FALINTIL Forsa Defeza Timor Leste (F-FDTL), Maijor Jeneral Lere Anan Timur, enkoraja Polísia atu labele tauk kaptura nia oan Boby, tanba ema hotu iha lei nia okos.

Lere hateten lia hirak ne’e, relasiona ho asidente tráfegu  ne’ebé komete husi Boby iha fulan Maiu liu ba, to’o oras ne’e seidauk hetan kapturasaun husi Polisia Nasional Timor Leste.

Ho situasaun ida ne’e, mosu espekulasaun oi-oin husi públiku katak, polisia tauk atu kaptura Boby tanba Boby Jeneral Lere Anan Timor nia oan.

Maibé Lere Anan Timur, rezeita informasaun ida ne’e hodi enkoraja Polísia atu labele tauk kaer Boby ne’ebé komete ona krime, tanba ema hotu iha lei nia okos.

“Lei ne’e ba ema hotu, la’os tanba Jeneral ka Prezidenti Repúblika nia oan ne’e, bo’ot liu fali lei, hakarak kaer aban ka orsida, ba kaer de’it, se ha’u halo reazen ruma mak bele ko’alia dehan, haree, Jeneral halo ona reazen atu proteje nia oan, mas ida ne’e la’e,” katak Lere Anan Timur ba jornalista sira iha Palacio Governu, Kinta (05/07).

Lee hotu :   FOTI LAPTOP HO $100.000, ARGUIDU NAIN TOLU AKUZADU PENA PRIZAUN TINAN 8

Entretantu  Boby kondus kareta Ranger metane ho sapa matrikula 29-121 Timor-Leste soke  bus Vitoria  halai dirasaun  Dili Baucau, rezulta  Brigida Moreira ho idade tinan 50 hakotu i´is no nain  4 kanek todan. No iha momentu ne´eba vitima sira kanek ténki hala´o tratamentu saúde iha Hospital Nasional Guido Valadares (HNGV).

Kazu  Boby akontese Tersa (01/05/18) tuku  rua, madrugada iha area  kruzamentu Audian diresaun Bemori no tun ba diresaun Eskola Paulo VI Dili.avi

Add to Comments Here!!!!

error: Content is protected.
Secured By miniOrange
You might also like:
IMPLEMENTA REKOMENDASAUN CHEGA, CNC KOMPROMETIDU TULUN GOVERNU

Centro Nacional Chega (CNC) komprometidu halao...

MUTL AMEASA HALO ASAUN PASIFIKU

Movimentu Universitariu Timor Leste (MUTL) kontinua...

GOVERNU SEI HADIA MERKADU TAIBESI-MANLEUANA

VIII Governu promete sei hadia kondisaun...

Close