JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KSDS DESIDE EZONERA FILOMENO PAIXÃO

KSDS DESIDE EZONERA FILOMENO PAIXÃO

Reuniaun Konsellu Superior Defeza no Seguransa (KSDS), Kinta (5/7/18), deside unanimidade hodi halo ezonerasaun ba Vise Xefe Estadu Maior F-FDTL Brigadeiru Jeneral, Filomeno Paixão, tamba hetan fiar hodi ba assume hikas kargu foun hanesan Ministru Defeza no Seguransa.

Asesor Polítika Prezidenti Republika reprezenta Chefe Casa Civil, Grigorio Sousa, hatete, reuniaun KSDS ne’e termina ho konkorda atu Prezidenti Republika, Francisco Guterres ‘Lu Olo’ halo dekretu prezidensial ida ba ezonerasaun Filomeno Paixão.

“Para sai Ministru  Defeza, primeiru tenki proposta Governu nian mai Prezidenti Repúblika para ezonera Filomeno Paixão, depois Prezidenti mos rona Konsellu  Superior Defeza no Seguransa. Ba unanimidade ema hotu konkorda  katak bele ezonera no  Prezidenti bele prepara dekretu Prezidensial, no kona-ba bainhira ba tomada de posse ba Ministru Defeza,  ha’u la hatene no ha’u la iha informasaun konaba ida ne’e,”esplika reprezentante Xefi Casa Civil  Grigorio Sousa ba jornalista sira Kinta (05/07/2018) iha Palasiu Prezidensial Nicolau Lobato, Bairo Pite Dili.

Entretantu Grigorio Sousa dehan, Primeiru Ministru, Taur Matan Ruak ho Prezidente Repúblika mos halo enkontru privadu ida hodi koalia kona-ba problema nasaun nian, maibe detalladu nia mos ladun hatene.

“Ohin (horseik-red) iha enkontru rua Primeiru Ministru ho Prezidenti Republika, ne’e hanesan enkontru privadu entre sira nain rua deit, no ne’e la iha informasaun ruma  para fo ba jornalista sira, imi haree ona Primeiru Ministru mos la koalia, portantu ha’u la bele fo sai rezultadu enkontru sira nian rua nian,”dehan  Grigorio Sousa.

Tuir reuniaun KSDS ne’e mak hanesan, Prezidente Repúblika, Francisco Guterres ‘Lú Olo’ (preside meza), Primeiru Ministru, Taur Matan Ruak, Ministru Negósiu Estranjeiru no Kooperasaun, Dionísio Babo, Ministru Justisa, Manuel Carceres, Major Jeneral Lere Anan Timur, Komandante Jeral PNTL Komisáriu Júlio Hornay no membru KSDS seluk designadu hosi Parlamentu Nasional no Prezidente Repúblika.Oly  

Lee hotu :   Tinan oin, Governu harii Tribunal Militar

Add to Comments Here!!!!

error: Content is protected.
Secured By miniOrange
You might also like:
Oras 1 GMNTV, Edisaun 06 Hamutuk ho Mestre André de Sousa

LERE HUSU PNTL KAPTURA BOBY

Xefi Estadu Maior FALINTIL Forsa Defeza...

Mundu ho Tétun GMNTV 29 Juño 2018

Close