JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

LAEN SAI ARGUIDU TANBA RAKUT FEN NIA FUK

LAEN SAI ARGUIDU TANBA RAKUT FEN NIA FUK

foto:google.com

Arguidu ho inisial FC ne’ebe hanesan lezada AR nia laen no lezadu AF nia aman sai arguidu iha tribunal tanba rakut no rasta lezada nia fuk.

Tuir akuzasaun husi ministériu públiku ne’ebe lee sai husi juiz prezide katak arguidu ho lezada forma uma kain desde tinan 1993 no iha oan nain ualu, maibe durante moris hamutuk arguidu sempre halo violensia hasoru lezada ho nune’e arguidu no lezada fahe malu tiha, maibe sira halo rekonsilia fali hodi kontinua moris hamutuk fali hanesan fen ho laen, maibe iha loron 22 fulan setembru tinan 2016 iha sira nia hela fatin Vera Cruz lezada tama ba kios laran hodi koalia no hirus nia subrinu AF hodi aruma sasan fo ba nia oan feto no mane ba fan, maibe hafoin hirus nia subriñu telefone kedas ba arguidu no mos nia aman katak lezada foti sira nia osan kios nian hotu rona ida ne’e arguidu fila ba no direitamente rasta no rakut lezada nia fuk, tanba AF hanesan arguidu nia oan mane no iha tempu ne’eba AF  hakilar ba arguidu atu labele rasta lezada nia fuk nunee lezadu AF atu ba hakalma maibe la konsege.

Alende ne’e, arguidu mos halo agresaun fiziku hasoru AF hodi lori aisar fai iha AF nia kanosan karuk tanba AF tenta atu ba hakalma situasaun.

Konsekuensia husi arguidu nia hahalok, halo lezada AR no lezadu AF sente moras iha fuk no kanosan maske la halo tratamentu iha hospital.

Ho hahalok arguidu, ministeriu publiku akuza arguidu hanesan autor ba pratika krime violensia domestika ho forma ofensa integridade fizika simples ne’ebe previstu iha artigu 145 husi kodigu penal TL.

Lee hotu :   PNTL KAPTURA SUSPEITO INVOLVE KAZU FURTU AGRAVADA

Hatan ba akuzasaun ne’e arguidu deklara faktus balun los no balun sala.

“Momentu ne’e ha’u ba tiha iha hospital momentu ne’e lezada hanesan ha’u nia fen no lezadu hanesan hau nia oan mane la hare hau e momentu ne’eba hau simu informasaun dehan sira foti osan kios ne’e mak hau mos fila mai hodi hare hau nia fen kaer hela osan no hau husu maibe nia la fo ne’e mak hau rasta nia sai hodi dudu sai mai iha liur, maibe daudaun ne’e ami diak malu ona,”deklara arguidu iha sala audensia.

Hafoin rona arguidu tribunal adia fali julgamentu ba loron seluk hodi rona deklarasaun lezada.

Audensia julgamentu prezide husi juiza singular Jacinta Correa, ministériu públiku reprezenta husi prokurador Bartolomeo de Araújo no arguidu hetan asitensia legal husi defensor públiku Manuel Exposto. Ita

Add to Comments Here!!!!

error: Content is protected.
Secured By miniOrange
You might also like:
PNTL LA TOLERA KONFRONTU IHA PONTE COMORO III

Segundu Komandante PNTL Munisípiu Díli Superintendente...

PN SEIDAUK SIMU INISIATIVA RATIFIKA FM HUSI GOVERNU

Prezidente Parlamentu Nasional, Arão Noe, informa,...

OJE 2018 BA PN, GOVERNU PREVÉ MILLAUN 9.1 USD

Iha envelope fiskal ne’ebé VIII Governu...

Close