JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

LERE HUSU PNTL KAPTURA BOBY

LERE HUSU PNTL KAPTURA BOBY

Xefi Estadu Maior FALINTIL Forsa Defeza Timor Leste (F-FDTL), Major Jeneral Lere Anan Timur, husu Polisia Nasional Timor Leste (PNTL) atu halo kapturasaun ba nia oan Boby, tanba ema hotu iha lei nia okos.

Lere hateten lia hirak ne’e, relasiona ho asidente tráfegu  ne’ebé komete husi Boby iha fulan Maiu liu ba, to’o oras ne’e seidauk hetan kapturasaun husi Polisia Nasional Timor Leste. Ho situasaun ida ne’e, mosu espekulasaun oi-oin husi públiku katak, polisia tauk atu kaptura Boby tanba Boby Jeneral Lere Anan Timor nia oan mane.

Maibé Lere Anan Timor rejeita informasaun ida ne’e hodi enkoraja polisia atu labele tauk kaer Boby ne’ebé komete ona krime, tanba ema hotu iha lei nia okos.

“Lei ne’e ba ema hotu, la’os tanba Jeneral ka Prezidenti Repúblika nia oan ne’e, bo’ot liu fali lei, hakarak kaer aban ka orsida, ba kaer de’it, se ha’u halo reazen ruma mak bele ko’alia dehan, haree, Jeneral halo ona reazen atu proteje nia oan, mas ida ne’e la’e,” katak Lere Anan Timur ba jornalista sira iha Palacio Governu, Kinta (05/07).

Lere hatutan, problema ne’e la’os tanba  Major Jeneral nia oan, ne’e mak labele kaer, maibé kuandu sala tenki responsabiliza.

 “Ida ne’e ema beik ten sira ne’e mak espekula hanesan ne’e, Boby bo’ot ona, la’os foin tinan 5 mak ha’u tenki responsabiliza, nia agora tinan 38 ona, entaun Boby ema kaer laiha problema,” katak Lere.

Kona ba Polisia Militar kaptura komunidade iha Lautem tanba sosa kilat illegal, Lere dehan, nia seidauk simu informasaun kona ba ida ne’e.

 “Ha’u foin dadauk kaptura kilat ida, mas afinal boneka, la’os kilat, dalaruma iskeru atu sunu tabaku ne’e mós ita dehan kilat,” relata Lere.

Lee hotu :   F-FDTL presiza osan ba sira nia nesesidades

Kareta  ne´ebé mak Boby kondus, marka Ranger metan  ho xapa matríkula  29-121 TL,   soke  bis Vitoria diresaun  Dili-Baucau, hodi rezulta   Brígida Moreira ho idade 50 hakotu iis, no nain haat kanek todan.

Kazu  ne´e akontese iha loron ida, fulan Maiu, tinan ne’e, tuku  rua madrugada, iha área  kruzamentu Audian diresaun Bemori tun ba diresaun Eskola Paulo VI Dili.cos

Add to Comments Here!!!!

error: Content is protected.
Secured By miniOrange
You might also like:
Mundu ho Tétun GMNTV 29 Juño 2018

Mundu ho Tétun GMNTV 23 Juño 2018

Mundu ho Tétun GMNTV 9 Juño 2018

Close