JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FILOMENO PAIXÃO: HA’U LA FO TOLERANSIA BA KAZU MALIANA

FILOMENO PAIXÃO: HA’U LA FO TOLERANSIA BA KAZU MALIANA

Ministru Defeza no Seguransa, Filomeno Paixão, hatete, nia parte sei la fo toleransia ba pesoal Batalhão Ordem Pública (BOP) no pesoal husi Falintil – Forsa Defeza Timor Letse (F-FDTL) ne’ebé mak envolve tiru iha  Postu Administrativu Maliana, Munisípiu Bobonaro, foin lalais ne’e.

“Kilat ne’e la’os para atu ba tiru arbiru, ho akontesimentu hirak ne’e mak nu’udar konfuzaun bo’ot ida  ba F-FDTL no PNTL nia laran, no kazu iha Maliana ne’e, kazu ba ema bulak, ha’u la fo toleransia ba ida ne’e, tamba ha’u koalia ona ho komandante nain  rua Señor Major Jeneral Lere no Komandante Jeral PNTL Julio Hornai, ema hanesan ne’e fasil  liu mak duni sai tiha, ne’e nu’udar solusaun ida ne’ebé mais fasil,”hatete Filomeno Paixão ba Jornalista sira  hafoin remata enkontru ho Prezidenti Republika Fransisco Guterres Lu-Olo  iha Palasiu Prezidensial Nicolão Lobato Bairo Pite Dili, Tersa (07-08-2018)

Tuir Filomeno Paixão, nia reuniaun ho Komandante Jeral PNTL no Major Jeneral Lere,  kazu ne’e agora submete ona ba prosesu investigasaun sériu, iha ona parte komisaun konjunta  hatun ona, no hein rezultadu oinsa  atu desidi.

Filomeno Paixão hatutan, solusaun  ne’ebé lolos mak hadia husi leten tun mai kraik, no ida lei  mak la los no regulamentu mak lalos, entaun dezautoriza fali Komandante F-FDTL no mos dezautoriza Ministru Defeza Seguransa, maibe regulamentu no Lei mak dezautoriza, atu bele hasai poder ba Ministru no Komandante sira.

“Ida ne’e mak ita tenki hadia, maibe ida fali komandu tenki toma kontrola, kuandu mosu kestoens hanesan ne’e, la bele koalia bebeik  oknum (pesoal)  para ona ho ida ne’e, horseik (horbairuak) ha’u koalia ona ho komandante rua ne’e, diak liu ba buka uluk, tinan rua kotuk ha’u hatete ona atu halo shoot atu temi dehan  Polísia no Forsa nia frakeza no forte iha ne’ebé,  para ita bele hetan los nia fukun ne’e iha ne’ebé ? no ne’e buat ruma iha kotuk,” realsa Ministru ne’e.

Lee hotu :   Kilat PNTL 10 resin lakon seidauk hetan

Filomeno Paixão mos hatutan, nia hanoin iha grupu organizadu ruma mak soran no hakarak sobu PNTL ho F-FDTL, tamba atu halo estratejia militar ho estratejia  Polísia ninian  tenki haree ameasa no risku lolos mak saida.

“Ita temi bebeik ameasa no risku ba forsa nian mak terorizmu  no ba Polísia nian  mak krimi organizadu, maibe ita haluha tiha sira nain rua han malu ne’e, nu’udar ameasa no risku ida mak ne’e, entaun agora atu halo fali mak tetu, ne’e para hasai fali lei no regulamentu para nune’e tenki iha kastigu ruma ba ema sira ne’ebé kontra lei noregulamentu,”Filomeno Paixão fundamenta.

Entretantu kona-ba kazu iha Maliana ne’e, parte Komando Jeral Polísia Nasional Timor-Leste (PNTL) liu husi Komandante Jeral PNTL Komisariu Julio Hornai hatete ona katak, sei foti medida rigorozu hasoru pesoal   Batallaun Orden Públika (BOP) no pesoal husi FALINTIL Forsa Defeza Timor-Leste (F-FDTL) ne´ebé mak involve tiru iha Postu Administrativu Maliana, Munisípiu Bobonaro.

Kazu  ne´e akontese, hafoin   autoridade seguransa sira hala´o hela knaar hodi hodi fo seguransa ba konsertu festival Bintang 2018, iha kampu  Jinaziu  Maliana  kalan  maiz ou menus  tuku  11:00  kalan oras Timor-Leste iha Maliana Villa, ne’ebé derepenti halo ema hakfodak tamba mosu tiru husi membru PNTL ho F-FDTL sa’e ba loro leten, maibe kazu ne’e nia kronolojia oinsa no tamba sa? Julio Hornai dehan, sei iha prosesu investigasaun, mak bele hatene lolos.

Relasiona ho akontesimentu ne´e parte Komando PNTL no F-FDTL haruka  ona ekipa investigasaun konjunta husi instituisaun seguransa no defeza  ba ona Maliana, Domingu (05/08/18), hodi hala’o kedas enkontru parte hotu tantu Administrador Munisípiu ho Prezidente Autoridade Munisípiu no mós parte PNTL  no F-FDTL.Oly

Add to Comments Here!!!!

error: Content is protected.
Secured By miniOrange
You might also like:
ASANAMI: HALAKON POLÍTIKA ODIU VINGANSA

Deputadu bankada PD, Mariano Asanami Sabino,...

LA FÓ SOLUSAUN BA IMPASE POLÍTIKU, CNRT AMEASA HALO IMPEACHMENT BA PR

Koordenador Partidu CNRT husi Munisípiu 12,...

Jornal Semanário GMNTV Edisaun 05 Agostu 2018

Close