JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Suspeitu soe bebé iha Becora no Tasitolu seidauk identifika

Suspeitu soe bebé iha Becora no Tasitolu seidauk identifika

Polísia Nasionál Timor-Leste (PNTL) parte Forensik seidauk identifika suspeitu nain rua hanesan  inan lolos soe bebé iha Becora no iha Tasitolu ne´ebé mak akontese iha fulan  kotuk.

“Kazu ema soe bebé akontese iha fulan kotuk. Iha kazu rua, ida iha  Becora no ida iha Tasitolu, bebé nain rua autopsia tiha ona,   maibe ita seidauk identifika inan husi bebé nain rua ne´e,“esplika  Komandante Sub Xefe Servisu Investigasaun Kriminal Inspetor Xefe Polísia Mouzinho  Correia, ba GMN Tersa (21/08/18), iha edifisiu Forensik Kuartel Jeral PNTL, Díli.

Maske nune’e ekipa investigasaun tenta nafatin buka informasaun  husi komunidade hodi buka hatene paradeiru suspeitu.

“Prosesu  investigasaun  la´os fasil ita  presiza maneira barak foin ita bele identifika suspeitu, por ezemplu kazu pasadu bele to’o tinan ida ita foin identifika suspeitu sira ne´e, liu-liu relasiona kazu ema soe bebé, presiza izame DNA no mós ita presiza buka informasaun iha Aldeia ka Suku laran para ita hetan informasaun. Tanba  ne´e mak ha´u sempre hato’o ba komunidade para fornese informasaun,“dehan Mouzinho  Correia.

Entretantu Maria Imaculada Jerónimo mak hetan bebé ne’ebé ema deskoñesidu soe iha nia uma oin iha Aldeia Bekusi Kraik, Suku Bekora, Postu Administrativu Kristu-Rei, Munisípiu Díli.

Maria Imaculada hetan bebé ne’e iha Segunda tuku 10 dader  ho kondisaun isin lolon metan hotu no hakotu ona nia iis.

Hafoin hetan bebé ne´e, Maria informa kedan ba Polísia Eskuadra Bekora hodi informa  kontinua  ba Polísia Servisu Investigasaun Nasional ne´ebé iha oras balun nia laran to’o iha fatin hodi halo observasaun direta no halibur dadus.

Tuir informasaun, komunidade deskonfia ema deskoñesidu soe bebé ne´ebé ho identidade mane ne´e  desde Domingo kalan.

Lee hotu :   DOMINGU, JULIE BISHOP VIZITA TL ■ PNTL LA AUTORIZA MANIFESTASAUN

Autroidade lokal suku Bekora promete sei servisu hamutuk ho parte polísia hodi buka tuir ema deskoñesidu ne’ebé laiha responsabilidade hodi soe bebé ne´e.avi

Add to Comments Here!!!!

error: Content is protected.
Secured By miniOrange
You might also like:
TL lakon amigu bo’ot Kofi-Annan

Eis-Sekretáriu Jeral Nasoens Unidas, Kofi-Annan, husik...

Mate isin feto ida soe iha Subaun, família seidauk hatene

Mate isin feto ida ne´ebé deskonfia...

Telkomcel mantein fibra ótika

Telkomcel promete ba Primeiru Ministru (PM),...

Close