JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ema soe bebé ida iha Marconi ■Espoza PR Cidalia:Estadu tenki foti sansaun

Ema soe bebé ida iha Marconi ■Espoza PR Cidalia:Estadu tenki foti sansaun

Komunidade Aldeia Marconi 04, Suku Fatuhada, Postu Administrativu Dom Aleixo, Munisípiu Díli, Kuarta (05/09/18), hafodak tamba hetan bebé feto ida  ne´ebé mak ema deskoñesidu soe hela iha fatin lixu. Bebé ne´e mate ona, maibe isin lolon sei fresku, ne’ebé liman-ain kompletu.

Bebé ne´e hetan husi komunidade José Pereira,  wainhira  nia buka hela  hahan fahi nian iha lixu fatin, maibe iha nia buka ne’e hetan fali plastiku mean ida ne’ebé ema falun hela bebé ida iha laran.

Hafoin hetan mate isin ne´e, komunidade informa kedas ba Polísia Forensik  ho Polísia Eskuadra Dom Aleixo no sira to’o kedas iha Marconi  fatin ema soe bebé, hodi  rekolla mate isin  hafoin lori ba Hospital Nacional Guido Valadares (HNGV) hodi  submete ba  prosesu autopsia, maibe sei hein mandadu  husi Ministériu Públiku kona-ba nia prosesu tomak.

“Ha´u atu buka hahan fahi nian hanesan kanko kain iha fatin lixu, maibe kankn kain laiha,  depois ha´u hiit fali plastiku ida todan hela,  ha´u hanoin  karik hahan fahi nian, ha´u les plastiku  ne´e haree hetan fali bebé ida,  ne´ebé ha´u bolu tiu ida ho motor para hela besik fatin lixu ne´e, ha´u  bolu tiu-tiu mai ita rua haree ema soe bebé ida iha lixu laran ne’e, depois la kleur haree komunidade barak mak mai haree bebé ne´e. Tiu  ne´ebé mak ha´u bolu ho motor kala halai liu,“esplika sasin José Pereira, ba jornalista sira iha Marconi hafoin hetan tiha bebé  iha fatin lixu.

Kona-ba akontesimentu ne´e, Xefe Suku Fatuhada, Marcelino Soares, lamenta  ho atitude ema deskoñesidu  ne´ebé mak soe bebé  iha área Marconi. Tanba  ne´e, servisu postu saúde atu bele identifika inan sira ne´ebé mak durante ne´e isin rua, hodi nune´e bele deskobre bebé nia inan lolos hodi intrega ba autoridade seguransa submete ba justisa.

Lee hotu :   Membru F-FDTL deskonfia tiru mate joven ida iha Laga ■Família lakohi koopera ho justisa

“Ida fali akontese hanesan ne´e  ita atu halo investigasaun liu husi postu saúde klínika sira  ne´ebé mak iha, entaun ita bele hatene inan feton sira se de´it mak halo  tratamentu  postu saúde,  pois ita hatene katak kada Aldeia  ne´e feto isin  isin rua ne´e iha hira?  maibe  ita labele dun Komunidade iha Aldeia   ida ne´e  mak soe bebé, ha´u hanoin la hanesan ne´e,“dehan Xefe Suku Fatuhada ne’e.

Iha tinan ne’e, akontese ema soe bebé ba dala rua ona, primeiru akontese ema deskoñesidu soe bebé ida iha fulan hirak liu ba iha Aldeia Bekusi-Kraik, Suku Bekora, Postu Administrativu Kristu-Rei, Munisípiu Díli, ne’ebé mak hetan husi Maria Imaculada Jerónimo, no ida seluk mak iha Marconi ne’e.

Espoza PR Cidalia: Estadu labele tolera

Nune’e mos, espoza Prezidente Repúblika (PR), Cidalia Mouzinho Guterres, hatete, ema hotu iha responsablidade inklui Estadu no Governu atu buka hatene ba kauza inan-feton sira ne’ebé soe bebé arbiru, no foti mos medidas ba aktu soe bebé ne’e.

“Ema barak mak kondena hahalok soe bebé,  iha ne’e ita hatene katak tamba sa mak akontesimentu sira ne’e bele mosu hodi  soe bebé, ida ne’e mak ha’u hanoin ita hotu presiza haree hamutuk, tantu husi família, Estadu no Governu, tenki hala’o nia kna’ar ne’e hala’o didiak,”dehan espoza PR, Cidalia Mouzinho Guterres, ba Jornalista sira, Kuarta (05/09/2018), iha Palasiu Prezidensial Nicolau Lobato, Bairo Pite, Díli.

Nia afirma, inan-aman sira presiza fo nafatin liafuan ne’ebé di’ak ba oan sira, liu husi maneira família ida-idak nian, husi parte Estadu no Governu presiza foti medidas, la’os fo sansaun deit, maibe mos buka hatene problema saida mak ema hasoru, liu-liu feto sira.

Lee hotu :   KONFRONTU IHA BEMORI, REZULTA EMA 8 KANEK NO UMA 4 RAHUN

“Ita hatene katak, dala barak problema ne’ebé mosu, kuandu soe bebé ne’e nia kauza barak tebes, balun tamba ransu livre, balun tamba ekonomia uma laran, halo ohin loron ema haluha katak, buat  ne’ebé bele estraga futuru, no mos estraga saúde rasik. Tamba ne’e iha fatin barak, ha’u sempre hatete, importante tebes aktu hotu ne’ebé ita halo tenki hatene nia konsekuensia, tamba ita ida-idak mak lori ita-nia a’an oinsa atu tau ita-nia a’an ho dignu, no ita lalika hasara moris ema seluk nian, no ita moris deit naton ho saida mak ita iha,”akrsenta Cidalia.

Espoza PR ne’e realsa tan, iha feto balun tamba iha violensia mosu iha família rasik, hanesan uma mahon sira ne’ebé nia ba vizita ona, no iha ne’eba kuaze labarik barak ho idade minoria mak hetan violasaun husi família rasik.

“Ita koalia kona-ba  família primeira vez, inan ho aman nia edukasaun ne’e importante tebes, no inan-aman tenki iha koñesimentu  diak atu bele fahe ba nia oan sira, kuandu inan aman mak falta koñesimentu, entaun ita atu fo saida ba ita-nia oan sira, sai espellu diak ka sai espellu ladiak ba ita-nia oan sira, tamba inan-aman nia hahalok ne’e mak hautudu ba oan sira, maibe sé iha uma laran aman halo ninian no inan halo ninian , ita atu koalia ba sé ? ne’e oan bele hatete, apa mos halo bele no ama mos halo bele, entaun oan sira mos bele halo, no ida ne’e akontese iha uma laran sé mak atu kontrola sé? Tamba ne’e inan-aman tenki hahú hatudu jestu ne’ebé diak rasik ba oan sira, tamba inan-aman mak primeira pessoa atu oan sira banati tuir,”hatutan Cidalia.Avi/Oly

Add to Comments Here!!!!

error: Content is protected.
Secured By miniOrange
You might also like:
Sei kobra US$1.00 ba vizitantes Santuario Ramelau

Governu hasai ona regulamentus propriu ida...

Aero Dili prepara aviaun 2 hodi atende operasaun ba munisipiu

Kompaña Aero Dili prepara ona aviaun...

Kazu PNTL baku membru RENETIL, Vítima hato’o ona keisa ba MP

Polísia Nasionál Timor-Leste (PNTL) ezije  vítima...

Close