JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Joven ida ema taa iha Bebonuk

Joven ida ema taa iha Bebonuk

Vítima João do Rosário hetan taa husi suspeitu AT iha Aldeia Metin 4, Suku Bebonuk, Postu Administartivu Dom Aleixo, Munisípiu Díli. Kazu ne´e akontese iha  Domingu, loron 23, fulan Setembru ne´e, mais ou menus tuku 3 madrugada OTL.

Tuir kronolojia akontesimentu ne´ebé haktuir husi Portavoz Paulino da Costa, katak, kazu  ne´e deskonfia involve membru Konsellu Polísiamentu Komunitária (KPK)  Suku Bebonuk,  organiza grupu juventude hodi  ba asalta  vítima João do Rosário iha ninia rezidensia  no  taa kanek vítima João do Rosário ninia ulun fatuk kanek suku pontu sia no parte kabaas suku pontu 18.

Iha akontesimentu ne´e suspeitu autoridade seguransa kaptura tiha maibe detein de´it durante oras 12 iha sela detensaun Eskuadra Dom Aleixo.

Iha Tersa loron 25 fulan Setembru ne´e, komunidade vítima João do Rosário, ho komunidade sira realiza konferensia imprensa  hodi ezije ba autoridade seguransa atu detein suspetitu durante oras 72 la’os oras 12, tanba suspeitu taa kanek vítima João do Rosário.

Alende ne´e komunidade sira ezije atu loke prosesu investigasaun ba  membru KPK ne´ebé mak organiza joven hodi ba asalta vítima João do Rosário.

Vítima João do Rosário haktuir, problema  ne´e akontese iha festa kazamentu ida iha Bebonuk hodi alarga to’o vítima ninia rezidensia. Sorte a´at ba vítima João do Rosário wainhira hader atu asiste ema duni malu, maibe nia mak tama “gaiola” tamba hetan taa husi suspeitu.

“Ha´u toba hela  iha uma laran,  estrada  mós besik hela iha  ne´e mak ha´u rona barullu iha liur ha´u sai de´it ,  maibe ha´u la hatene  problema ne´e akontese tiha komesa husi festa hodi mai  fali iha ne´e. Tanba  ne´e mak ha´u sai ba liur balu tuku hela malu iha liur, ha´u sai ba liur suspeitu mai ha´u-nia sorin suspeitu lori  katana taa kedas ha´u-nia ulun no ha´u-nia kabas, suspeitu atu taa tan ha´u maibe ha´u konsege salva suspeitu nia liman hodi nune´e suspeitu taa ha´u la kona“,esplika Vítima João do Rosário, iha  Aldeia Metin Kuatru Bebonuk Díli.

Lee hotu :   SIP ho PNSIC kaptura suspeitu produs Dolar falsu • Deskunfia, envolve mos Timor Oan ida

“Ami família  vítima la simu desizaun Polísia Aimutin ne´ebé mak fó liberta suspeitu ne´ebé mak la kumpri oras 72 iha sela detensaun Polísia, maibe suspeitu detein oras 12 de´it“,dehan Paulino da Costa.

Nia mós  akuza, ema ne´ebé organiza joven sira hodi halo  krimi ne´e membru KPK ida,  ne´ebé  hodi  ba asalta vítima no  taa kanek  João do Rosário.

“Ami  lamenta  tanba  ema ne´ebé mak halo krimi  ne´e membru KPK mak organiza ema hodi mai asalta no taa kanek  ema“,dehan Paulino da Costa.

Entretantu Xefe Suku Bebonuk, Zeferino Machado, hateten, ema ne´ebé mak organiza joven  hodi  ba asalta   João dos Rosário no taa kanek vítima ne´e,  la´os membru Konsellu Polísiamentu Komunitária,  maibe nia hanesan sidadaun bain-bain.

“Iha  ne´e so iha Xefe KPK ne´e ida de´it mak Xefe Suku, Vise mak  Ofisial Polísia Suku (OPS) rasik, entaun iha Aldeia ami tau  Xefe Aldeia mak Xefe  KPK Aldeia. Agora   ema ne´ebé mak involve iha kalan iha kazu ne´e la´os membru KPK, sira partisipa iha tomada de posse, sira  hotu ténki tau kaos KPK hotu atu haree partisipante sira uniforme hotu kedas.  Nia naran la tama iha lista“,dehan   Zeferino Machado

Wainhira halo konfirmasaun via telefone ho Segundu Komandante PNTL Munisípiu Díli, Euclides Belo, atu husu kona-ba prosesu detensaun no prosesu investigasaun ba suspeitu ne´e, maibe  komandante ne´e okupadu hela ho servisu.avi

Add to Comments Here!!!!

error: Content is protected.
Secured By miniOrange
You might also like:
Hametin kooperasaun, Prezidente Tribunal de Contas CPLP vizita PN

Prezidente Tribunal de Contas (TC) nasaun...

Iregularidade iha ZEESM tenki prosesa tuir lei ■Gilman: Sidadaun hotu tenki hakruk ba justisa

Xefi bankada Partidu Unidade Dezenvolvimentu Demokrátiku...

MaJen Lere: Falur mak ba Vise Xefi Estadu Maior F-FDTL ■Outubru simu pose

Xefi Estadu Maior FALINTIL-Forsa Defeza Timor...

Close