JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lúcia Lobato hetan pena prizaun tinan tolu suspende ba tinan lima

Lúcia Lobato hetan pena prizaun tinan tolu suspende ba tinan lima

Tribunal Distrital Díli (TDD) iha Kinta (13/9/18) liu husi leitura akordaun ne’ebe lee husi juiz prezide, kondena arguida Lúcia Lobato ho pena prizaun tinan tolu suspende ba tinan lima ho selu indemnizasaun ba Estadu ho montante rihun $120 dolar amerikanu no tenki aprezenta a’an mensalmente iha postu polisia durante tinan tolu nia laran.

Entertantu arguida Helena Madeira Gomes hetan pena prizaun tinan tolu suspende ba tinan tolu, la ho indemnizasaun no la aprezenta a’an ba postu polisia, tanba nia foin mak komete krime dala ida.

Razaun tribunal deside fo pena refere, tanba faktus provadu bazeia ba deklarasaun arguida Lúcia Lobato no sasin katak rehabilitasaun prizaun Gleno mai husi planu Ministériu Justisa no arguida Lúcia Lobato asina dunik proposta rehabilitasaun prizaun Gleno, maske la liu husi prosesu tenderizasaun.

Tanba arguida Lúcia Lobato hasoru malu tiha ona ho jerenti husi kompanhia ne’ebe kaer obra prizaun Glenu, United Jeneral Construction hodi husu ba kompanhia hodi hatama proposta rehabilitasaun prizaun Glenu no depois Ministériu Finansas halo pagamentu ba obra ne’e arguida Helena Madeira Gomes nafatin asina proposta foun ho objektivu atu hadia fali sasan ne’ebe a’at hanesan kakuluk no seluktan, maske antes ne’e arguida rekuza.

Ba desizaun tribunal nian, parte defeza husi arguida nain rua, Estevão Fereira Couto la simu tanba laiha faktus ne’ebe sufisiente hodi kondena ninia kliente nain rua ho nune’e parte defeza sei hatama rekursu ba Tribunal de Recurso (TR).

Antes ne’e ministériu públiku akuza arguida Lúcia Lobato relasiona ho rehabilitasaun prizaun Gleno ne’ebe deskonfia oferese ba nia família ho finalidade husi projetu ne’e laiha kualidade, maibe arguida kontinua aprova no halo pagamentu no eis direktora prizaun Gleno Helena Madeira Gomes mos deskonfia partisipa iha krime ne’e.

Lee hotu :   Aniversariu F-FDTL ba dala 17, Lere: Ita tenki investe nafatin ba futuru

Ho hahalok arguidu nain rua nian, prejuizu ba Estadu ho montante US$120,695.49 (centu e vinte mil sesentos e noventa sinco dolares amerikanu).

Tanba ne’e ministériu públiku akuza arguida nain rua ba krime partisipasaun ekonómika no negosiu ne’ebe previstu no punidu iha artigu 299 husi kodigu penal Timor-Leste.

Maibe tribunal halo alterasaun kualifikasaun jurídiku husi kodigu penal Timor-Leste ba fali lei Indonesia númeru 31/1999 artigu 3 konjuga ho kodigu penal Timor-Leste artigu 299 alina 2, no absolve arguida nain rua husi krime rua seluk tanba Tribunal Distrital Díli konsidera proposta rehabilitasaun prizaun Glenu dala ida deit.

Iha artigu 299 alina 2 hatete, kuandu konduta ne’e hamosu ba Estadu prejuizu aas liu dolar amerikanu 10.000 sei aplika pena prizaun tinan 3 to’o tinan 15, maibe hare ba sirkuntansia iha prosesu julgamentu no kolaborasaun arguida sira nian, tribunal deside pena tinan tolu, maibe suspende.

Audensia julgamentu ne’e prezide husi juiz koletivu, Jacinta Correia, Ana Paula Fonseca, Eusebio Xavier, ministériu públiku reprezenta husi prokurador Rogerio Viegas, Lidia Soares no arguida sira hetan asistensia legal husi defensor públiku. Ita

Add to Comments Here!!!!

error: Content is protected.
Secured By miniOrange
You might also like:
Jornal Semanário GMNTV Edisaun 09 Setembru 2018

Mundu ho Tétun GMNTV 08 Setembru 2018

Laiha komisariu, difikulta servisu KAK

Komisariu Komisaun Anti Korupsaun (KAK) foun...

Close