JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL buka tuir autor soe bebé • Amo Herminio: “Susar kombate aktu ne’e”

PNTL buka tuir autor soe bebé  • Amo Herminio: “Susar kombate aktu ne’e”

Polisia Nasional Timor Leste (PNTL) kontinua buka tuir autor nebé mak soe bebé tanba aktu nebé autor komete ne’e krimi.

Iha fulan rua ikus ne’e, kazu soe bebé dala rua ona. ida mak soe iha area Becora nian no ida sewluk mak soe iha area Marconi nian. Tanba ne’e, Segundu Komandante Jeral PNTL, Komisariu Faustino da Costa afirma, Polisia hola medidas ona hodi loke investigasaun profunda atu bele identifika no kaptura uaotir sira soe bebé inosenti ne’e.

Komisariu Faustino da Costa, ba Jornalista sira iha Palasio Prezidensial Nicolau Lobato, Kinta (06/09/2018), afirma katak, atu identifika autor sira soe bebé ne’e servisu polisia nian, tanba ne’e polisia loke hela prosesu no investigasaun ba kazu ne’e.

Iha parte seluk, Direktur Justisa e Paz Dioeseze Dili, Padre Herminio de Fatima Gonçalves dehan, lá fasil atu kaptura autor ne’ebe mak soe bebé, tanba autor ne’e bele subar án iha uma laran ou halai subar ba fatin seluk.

“Ha’u hanoin seguransa iha sira nia metode rasik, maibe sira defisil ituan atu detekta, hanesan ema ne’e subar án projemplu nia partus tiha bebé semana ida ka rua ou fulan ida ka rua nia lá sai iha uma laran deit ou husi aktus ne’ebe nia halai tiha fatin seluk ne’e bele akontese,” hateten Padre Herminio de Fatima Gonçalves.

Maske nune’e, Amo Herminio fiar katak, polisia iha metode rasik atu bele detekta autor sira soe bebé.

Nia dehan, atu kombate total aktu soe bebé ne’e sei difisil tanba povu Timor ohin loron moris iha pluralism sosiedade.

“Ba hau proteja ita nia situasaun  ohin loron ne’e,  liberdade mai ho derepenti, ema komesa mai ho ninia aktus, tuir nia hakarak atu implementa nia domin  ho ema seluk, ikus mai ema la responsabiliza, dalan ikus nia foti hodi taka nia moe no nia stress mak soe bebé ne’e,”  hateten Amo Herminio.

Lee hotu :   Alegasaun subornu iha Ministeriu Turismu, Ministru Manuel Vong “ezonera” Miguel Lobato

Nia hateten, ema nebé hili dalan soe bebé ida ne’e nia foti dalan ida laos positivu, maibe hili dalan negativu, tanba bebé inosente soe no oho leet deit.

“Ita nia lei ne’ebé liberal tebes ikus mai nia kauza ba sosiedade ne’ebé haluha a’an no la hatene a’an  laos tanba liberal ne’e mak situasaun ne’e akontese maibe  la iha  konsiensia no la iha ona sentimentu pekadu,” hateten Amo Herminio. eus/ety

Add to Comments Here!!!!

error: Content is protected.
Secured By miniOrange
You might also like:
Blokeia opozisaun, FRETILIN-PD retira proposta OJE 2018

Debate Orsamentu Jeral Estadu (OJE) tinan...

Funsionariu ADN balun ‘’riku matak’’

Reprezentante povu iha Parlamentu Nasional (PN),...

F-FDTL presiza osan ba sira nia nesesidades

Instituisaun FALINTIL-Forsa Defesa de Timor Leste...

Close