JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL prende motorizada 23

PNTL prende motorizada 23

Komandu Polisia Nasional Timor-Leste (PNTL) Munisípiu D’ili liu husi Unidade Tránzitu halo pasa revista ba motorizada sira iha Timor Plaza nian, no iha passa revista ne´e policia konsege prende motorizada hamutuk 23, tanba la uza xapa matríkula no la monta espellu.

“Total motorizada ne´ebe mak ami prende hamutuk 23, sira ne´ebe mak ami prende ne´e, ami fo bileti auto infrasaun ba sira atu nune´e bele halo pagamentu iha banku mak sira foti fali sira nia motorizada hirak ne´e”, Dehan Sarjentu Xefe Abril dos Santos, ba GMN iha Timor Plaza Kuarta-Feira (19/09/2018).

Nia esplika, wainhira selu tiha ona iha banku, sira tenke lori fila fali dokumentu, espellu no xapa matrikula ne´ebe orijinal ba mak sira foti fali sira nia motor .

“Durante ne´e ami halo observasaun katak motorizada barak ne´ebe mak halo sirkulasaun iha dili laran maioria sira la uza asesores veikulu nian hanesan espellu no mos xapa matrikula ne´ebe mak sira uza la orijinal ida ne´e mak ami hare”,afirma Abril dos Santos.

Nia dehan, operasaun ka passa revista ne´e atu halo prevensaun ba sasan sira ne´e para bainhira hetan asidente ruma ka soke mak halai ruma ita bele indentifika motorizda ne´e nia xapa  matrikula no ninia kondisaun ne´e oinsa, nune´e ita bele hatene.

Komandante ne´e apela ba motorista sira ne´ebe mak uza motor ka kareta tenke kumpri regras ne´ebe mak estabelese iha nasaun ne´e atu nune´e bele kontribui ba paz no estabilidade, nune’e atu bele minimiza númeru asidente ne´ebe mak kada loron sempre aumenta. Aes

Lee hotu :   Konfrontu iha Balide, rezulta joven ida kanek todan

Add to Comments Here!!!!

error: Content is protected.
Secured By miniOrange
You might also like:
Família estudante baku profesor Eskola desidi suspende atividade aprendijazen

Família estudante baku profesor ho naran...

Prezidenti Repúblika sei estuda OJE 2018

Prezidenti Republika, Francisco Guterres Lú Olo...

Polémika PPN vota kontra viajen PR, Arão Noe: Ha’u kumpri disiplina partidaria

Prezidenti Parlamentu Nasional (PPN), Arão Noe,...

Close