JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TR fo pose ba juiz konselleiru nain rua

TR fo pose ba juiz konselleiru nain rua

Prezidente Tribunal Rekursu (TR), Deolindo dos Santos fo pose ba juiz Duarte Tilman Soares ho Jacinta Correia da Costa hodi asumi kna’ar foun hanesan juiz konselleiru, hodi reforas servisu Tribunal Rekursu nian.

Nomeasaun juiz nain rua ba konselleiru iha Tribunal Rekursu ne’e mai husi desizaun Konsellu Superior Magistratura Judisial  (KSMJ), ne’ebé hahu fulan rua ba kotuk, tan ne’e ba oin sira bele hala’o kna’ar ona iha Tribunal Rekursu hanesan mos ho juiz nain tolu iha Tribunal Rekursu.

“Agora ho juiz nain rua tan ne’e ami bele dehan rekursu sufsiente ona iha Tribunal Rekursu no prosesu sira ne’ebe mak tama mai ne’e bele ekelibru ona fahe ba juiz nain lima, nune’e bele lalais, tanba durante ne’e juiz nain tolu deit defisil atu kobre lalais servisu tribunal hotu ne’ebe mai husi tribunal distrital sira hotu no servisu Tribunal Rekursu nian tan, ’’ dehan prezidente TR Deolindo dos Santos ba jornalista sira iha Caikoli hafoin fo pose ba juiz konselleiru nain rua, Sesta (21/09).

Nia haktuir hafoin juiz nain rua ne’e muda mai Tribunal Rekursu, Tribunal Díli mak menus fali juiz nain tolu, tanba juiz ida ba tiha sentru formasaun judisial Timor-Leste, maibe ne’e KSMJ sei hare hodi apar fali prosesu sira ne’e ba juiz sira ne’ebe iha no hanesan prezidente KSMJ sei regula fali koletivu foun hodi la bele prejudika prosesu iha tribunal Díli.

Iha fatin hanesan juiz konselleiru, Duarte Tilman Soares agradese ba KSMJ ne’ebe fo konfiansa ba sira nain rua hanesan juiz konselleiru iha Tribunal Rekursu atu ajuda tan juiz nain tolu seluk ne’ebe antes ne’e hala’o ona kna’ar iha Tribunal Rekursu.

Lee hotu :   Polísia Xina deporta tan feto Timor-oan 13 mai TL

“Iha ami nia kna’ar sei halo tuir deit saida mak konstituisaun haruka no lei sira haruka la halis ba se no la tuir se nia hakarak, tanba ami tenki hatur duni kompriomisiu Estadu demokratiku  ne’ebe ejiste iha nasaun Repúblika Demokrátiku Timor-Leste

Duarte mos konsidera kna’ar ne’e hanesan responsabilidade bo’ot ida ba sira nain rua, tanba ligadu ba ema nia vida, maibe sira tenki hakruk ba lei, ema ne’ebe merese kastigu tenki kastigu duni, ema ne’ebe merese hetan sansaun mak tenki hetan sansaun no ema ne’ebe meresae hasai mak tenki sai, laos deside halo tuir grupu ida ou ema ida nia hakarak.

Hafoin simu pose, juiz konselleiru Duarte ho Jacinta husik ona kna’ar hanesan juiz iha Tribunal Distrital Díli, hodi hala’o sira nia funsaun iha Tribunal Rekursu hanesan juiz konseleiru.

Seremonia tomada de pose ne’e hetan partisipasaun husi segundu komandante komisariu PNTL, Faustino Araujo, Adjunta PGR, Zelia Trindade, Defensoria Publiu Jeral, Câncio Vaxier, juiz, prokurador, defensor públiku, advogadu privadu, korpu diplomata no funrionário Tribunal Rekursu ho Tribunal Distrital Díli. nia

Add to Comments Here!!!!

error: Content is protected.
Secured By miniOrange
You might also like:
Horta husu Xanana bolu Alkatiri ho Lú Olu

Laureadu Nobel da Paz 1996, José...

PN seidauk hatene desizaun PR ba OJE 2018 ■Kontinua preokupa ekonomia rai laran

Parlamentu Nasionál (PN) to’o oras ne’e...

PR tarde promulga OJE, Osan duodésimu sei iha milliaun US$80

Prezidenti Republika (PR), Franicisco Guterres “Lú...

Close