JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu kansela rekrutamentu membru foun PNTL

Governu kansela rekrutamentu membru foun PNTL

Primeiru Ministru, Taur Matan Ruak, deside kansela rekrutamentu ba membru foun Polísia Nasional Timor-Leste (PNTL)  520 iha tinan 2019, tamba Orsamentu ba tinan oin ultrapasa tiha plataforma.

Komandante Jerál Polisia Nasional Timor Leste, Komisariu Polisia, Julio Hornai, hato’o lia hirak nee ba jornalista sira hafoin reuniaun ba revizaun orsamentu estadu 2019 nian, Kuarta (24/10) iha Ministeriu Finansas.

“Primeiru Ministru fo ona ordem katak rekrutamentu ba PNTL no mos F-FDTL membro foun iha tinan 2019 seidauk bele halo, tanba orsamentu, orsamentu ne’ebe iha ultrapassa tiha ona plataforma, ne’ebe sei halo fali iha tinan seluk, kuandu iha ona osan,” hateten Komisario Jeral, Julio Hornai iha salaun Ministeriu Finansas, Aitarak-laran, Dili.

Komandante Jerál PNTL hatutan  rekrutamentu ba membro foun PNTL hamutuk 520 ne’ebe maka sai mos planu prioridade PNTL nian iha tinan 2019, maibe kasela tamba la prevé iha orsamentu.

Lideransa masimu PNTL ne’e dehan, rekrutamentu ba membro foun PNTL presiza tebes hodi reforma efetivus iha terenu, li-liu iha área operasional.

“Ba rekrutamentu tuir institusaun PNTL nian importante tebes atu reforsa efetivus sira iha tereno, tanba efetivus sira iha tereno hau bele dehan katak to’o agora sei minimu tebes li-liu ba eskuadra sira, tanba ofesial polisiamentu suku ne’e lolos sira nia misaun permanenti iha suku, maibe tanba efetivus iha eskuadra oitoan, entaun sira ba vizita deit suku no tenke fila fali mai eskuadra, tanba sira mos hanesan membro eskuadra nian, entaun bazeia ba ida ne’e maka PNTL nesesita halo rekrutamentu hodi reforsa servisu operacional iha tereno li-liu iha área tranzitu no polisiamentu komunitaria,” dehan Julio Hornai.

Lee hotu :   Deskunfia, envolve autoridade seguransa balun iha kazu kontentor 9

Dadaun ne’e VIII Governu ne’ebe lidera husi Primeiru Ministru (PM), Taur Matan Ruak konvoka reuniaun hodi halo revizaun ba Orsamentu Jerál Estadu (OJE) 2019 ho montante US$ 1. 2. Billiaun.

Iha reuniaun ne’e, kada ministério no instituisaun Estado hotu ida-idak aprejenta ninia orsamentu. Tanba ne’e iha loron Kuarta –feira nee instituisaun Polisia Nasional Timor-Leste (PNTL) mos partisipa iha reuniaun nee.

Entretanto, iha tinan 2019, instituisaun PNTL propoin osan hamutuk US$ milliaun 30. Total orsamentu ne’e gasta ba nesesidades instituisaun nian, li-liu operacional hanesan konbustivel, alimentasaun, sosa viaturas hodi reforsa operasaun iha tereno, patrulhamentu tranzitu no unidade especial.

Daudaun ne’e, membru PNTL hamutuk 3000 resin ne’ebe destakadu iha eskuadra no postu seguransa sira inklui ofisial polisia suku iha territoriu tomak. mia

Add to Comments Here!!!!

error: Content is protected.
Secured By miniOrange
You might also like:
HABURAS VIDA ESPIRITUAL GMNTV Edisaun 43

City Fetures GMNTV Edisaun Especial Atauro Island

Membru F-FDTL tuir teste moras TBC

Funsionáriu Ministériu  Saúde  no  Migrasaun  Saúde...

Close