JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Inaugura uma OPS iha Bauro, Julio Hornay husu atu kuidadu

Inaugura uma OPS iha Bauro, Julio Hornay husu atu kuidadu

Komandante  Jeral  Polísia Nasionál Timor-Leste Komisariu Julio Hornay, inaugura uma ba Ofisial Polísia Suku (OPS) iha Suku Bauro, Postu Administrativu Lospalos,  Munisípiu Lautem.

Seremonia inagurasaun ne´e hala´o, Segunda  (15/10/18), iha fatin lokaliza Suku Bauro, Postu Administrativu Lospalos, Munisípiu Lautem.

Uma  Ne´e harii mai husi planu  Polísia Nasionál Timor-Leste (PNTL) no finansia  husi Governu Nova-Zelandia,  ho montante orsamentu rihun tolu nulu resin rua, dolar Amerikanu.

Konstrusaun  Uma OPS Suku  ne´e, hahú Fulan Novembru 2017, no termina Marsu tinan 2018. Osan  refere aloka ba ba operasional  rihun ida atus lima no ba  infraestrutura rihun tolu nulu resin ida. Balansu  ne´ebé mak sei iha banku dolar lima nulu resin sia. sasan sira mak iha uma laran mak hanesan kama, armami, kadeira.

Komandante Jeral PNTL Komisariu Julio Hornay  hateten, uma  ne´e PNTL nian. Tanba  ne´e, membru OPS, ne´ebé mak okupa  ne´e hodi hela ténki kuida sasan  no uma ne´e.

“Uma  ne´e nia funsionamentu ba OPS ho ninia família. OPS bele nia oan, fen mai  hotu iha uma  ne´e, mas fen ne´ebé mak kazadu ne´ebé mak los, labele lori sel-seluk mai hotu iha ne´e. Xefe Suku toma atensaun ba ha´u nia OPS   ne´ebé mak hela iha uma ne´e“,esplika Komandante Jeral PNTL Komisariu Julio Hornay, liu husi diskursu iha seremonia inagurasaun uma ba OPS iha Suku  Bauro Munisípiu Lautem.

Julio Hornay, mós husu  komunidade atu kontribui ba paz no estabilidade atu nune´e  dezenvolvimentu bele la´o.

Entretante Xefe Suku  Bauro Sidalio Freitas, senti kontente no orgullu,  maske iha Munisípiu Lautem iha Suku 34,  maibe Suku Bauro mak hetan projetu  ne´e  hodi harii uma OPS.

Lee hotu :   Membru VII Governu selebra Natal hamutuk ho Prizioneiru

“Ne´ebé ho esforsu tomak  komunidade nian ami bele finaliza obra ida,“dehan  Xefe Suku  Bauro Sidalio Freitas.

Uma Sarjentu  Elisio Dias Quintas, nu´udar OPS Suku Bauro, nia mak uza hodi hela, atu nune´e  bele garante Seguransa ba komunidade sira.avi

Add to Comments Here!!!!

error: Content is protected.
Secured By miniOrange
You might also like:
Tane dignidade KAK, FRETILIN-CNRT tenki diálogu ■Prefere figura majistradu

Deputadu bankada PD, Mariano Asanami Sabino...

PNTL sei tau postu PNTL iha Bugira-Laga

Komandante Jeral Polísia Nasionál Timor-Leste (PNTL),...

PR simu kredensial husi embaixadora Malaysia

Prezidente Repúblika (PR), Francisco  Guterres ‘Lu...

Close