Membru Tránzitu tula nia oan la uza kapaseti

Membru Polisia Nasional Timor -Leste (PNTL) husi seksaun Tránzitu Munisipiu Dili ho farda  servisu no   uza motor  Tranzitu tula estudante ida kotuk,  maibe la uza kapaseti. 

“Wainhira  ema posting iha facebook, horseik (horbainrua), ami reniaun ami sempre haree buat sira hotu, nune’e ami hare’e se mak halo buat sira ne’e, ternyata ami identifika membru ami nian mak halo buat hanesan ne’e,” esplika Komandante PNTL Munisipiu Dili, Superintendente Xefe Pedro Belo,  ba jornalista sira  Kuarta (24/10/18) iha Kuartel PNTL Dili.

Pedro Belo agradese ba komunidade ne’ebe mak hasai ona membru Tranzitu ninia fotografia hodi posting iha facebook hodi nune’e komando hatene.

“Signifika ita nia komunidade preokupa ba servisu PNTL,” Pedro Belo.

Ho akontesimentu ne’e Pedro Belo dehan,  ajenti Polisia Tranzitu rekonese nia a’an nia sala, tanba nia tula nia oan feto,  maibe nia oan ne’e la uza kapaseti.

Maibe nia haluha tiha ema foto hela nia husi kotuk. Tanba  ne’e mak akontese, nia rekonese nia sala nia mos ba selu ona multa iha banku. Agora atu  ba oin prosesu disiplinar oinsa ne’e komando sei haree fila-fali.

Entretantu sae motor la uza kapaseti kontra  artigu 76,  numeru 2, tanba  ne’e motorist sei selu multa $ 6 to’o 30. avi