JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Semana oin, PR anunsia kandidatu ba Xefi Estadu Maior F-FDTL ■ Lei bandu idade reforma lidera F-FDTL

Semana oin, PR anunsia kandidatu ba Xefi Estadu Maior F-FDTL ■ Lei bandu idade reforma lidera F-FDTL

Ministru Defeza, Filomeno Paixão, deklara, Prezidenti Repúblika (PR), Francisco Guterres ‘Lú Olo’, sei anunsia naran kandidatu hodi substitui Xefi Estadu Maior F-FDTL, Major Jeneral, Lere Anan Timur no Brigadeiru Jeneral Falur Rate Laek ka mantein.

“Nomeasaun ne’e iha Prezidenti Repúblika nia liman, agora Prezidenti Repúblika atu fó sai ona iha semana oin, tanba tuir lolos iha loron 6 fulan Outubru tenki troka hotu ona, maibé ita atraja oitoan”,afirma Filomeno Paixão.

Ministru Defeza, Filomeno Paixão, hateten, Governu nomeia ona kandidatu rua ne’e ba Prezidenti Repúblika hodi deside, tanba tuir lolos loron substituisaun ne’e liu tiha ona iha loron nen fulan Outubru.

“Kandidatu atu troka Brigadeiru Falur Rate Laek ne’e, Governu intrega tiha ona ba Prezidenti Repúblika, tanba ita liu tiha ona Konsellu Superior Defeza Seguransa ona, no ami mós fó hotu ona ideas ba Prezidenti Repúblika ona, maibé Prezidenti Repúblika mak sei hanoin atu nomeia se”,relata Filomeno Paixão ba jornalista sira iha Palásiu Governu Kinta (18/10), hafoin hasoru malu ho Primeiru Ministru, Taur Matan Ruak.

Nia hatutan, kona ba Jeneral Lere nian mós, Governu aprezenta hotu ona kandidatu sira ne’e ba Prezidenti Repúblika, no hein de’it atu fó sai naran.

Nia hatutan, dadauk ne’e F-FDTL iha problema rua, ida kona ba se mak atu troka Xefi Estadu Maior F-FDTL, no se mak Xefi Estadu Maior.

Iha sorumutu ne’e mós, Filomeno Paixão informa ba Xefe Governu kona ba nia partisipasaun iha forum Chiang Chang ne’ebé sei hala’o iha China, iha semana oin.

“Ha’u mai hasoru Primeiru Ministru hodi informa katak, iha loron 23 fulan ne’e, ha’u sei ba China atu hola parte iha forum Chiang-Chang. Ita mós nasaun ida iha Asia, China hanesan nasaun ida ne’ebé dezde inísiu fó apoiu mai ita-nia luta libertasaun, tanba ne’e VIII Governu hola desizaun atu ha’u partisipa iha forum ne’e”,informa Filomeno.

Lee hotu :   Ema ta’a Mane nain tolu iha Díli ■PNTL duni tuir suspeitu

Nia esplika, forum Chiang Chang China ne’e, hanesan forum Shangri-La ne’ebé hala’o iha Singapore.

“Forum Chiang Chang ne’e diskuti kona ba jeo polítika, jeo estratejia, negósiu, petroleu no liga mós ba meteria estratejika ne’ebé bele influensia polítika no estratejia iha mundu”,relata Filomeno.

Forum Chiang Chang ne’e, hala’o kada tinan hodi analiza kona ba situasaun iha mundu, hodi hanoin kona ba polítika saida mak atu implementa iha kada nasaun ne’ebé partisipa iha forum Chiang Chang ne’e.

“Ba Timor Leste komu ita iha Asia, ita partisipa para ita oinsa mak China ho nasaun sira seluk hanesan Rusia, Korea do Norte no nasaun seluk iha Asia ne’e sira nia hanoin kona ba dezenvolvimentu iha Asia ne’e, la’o halo nusa, no polítika ne’e la’o oinsa”,dehan Filomeno.

Vizita Ministru Defeza nian ba China hodi partisipa iha forum Chiang Chang ne’e, sei hala’o durante semana ida.

Lei bandu idade reforma lidera F-FDTL

Organização Não Governamental Fundasaun Mahein (FM), ne’ebé mak haree liu ba asuntu defeza no seguransa deklara, tuir Leí No. 28/2016/Estatutu Militar lá atribui idade 60 ba letén atu lidera instituisaun Falintil-Forsa Defeza Timor-Leste (F-FDTL).

Tanba mandatu ba Xefe Estadu Maior Jeneral F-FDTL, Major Jeneral Lere Anan Timur nian remata ona iha loron (06/10/2018).

Adjuntu Diretor Fundasaun Mahein, João Almeida, hatete, durante nomeia ba Xefe Estadu Maior Jeneral F-FDTL iha tinan 2011, no remata iha 2015, maibe tanba polémika Governu ho Prezidenti Repúblika no solusiona iha 2016.

João Almeida hatutan katak, iha tinan 2016 extende tán tinan ida (2017) no remata ona iha (2018). Maibe seida’uk iha nomeiasaun foun ba kargu Xefe Estadu Maior Jeneral F-FDTL.

Lee hotu :   Soldadu F-FDTL ida mate, tanba soke kareta

Tuir João Almeida, iha dekretu lei No. 28/2016 primeira alterasaun ba dekretu lei 2014 nian, ne’ebé koalia iha artigu 195, koalia kona-ba membru F-FDTL ne’ebé pasa ona ba idade reforma.

“Sé bainhira sira disponibel nafatin atu bele servisu nafatin iha instituisaun F-FDTL liu-liu hanesan lideransa sira iha Xefe Estadu Maior Jeneral Forsa Armada (XEMFA) no Vise Xefe Estadu Forsa Armada (Vise-XEMFA) no komandante komponente sira. Portantu iha statutu militar nian nene’e, iha artigu 74,75 ne’e koalia kona-ba mandatu ba XEMFA ho Vise XEMFA ba tinan 4 no bele renova dala ida de’it, ida ne’e ba de’it ema ne’ebé seida’uk tama iha idade reforma, agora iha kazu Major Jeneral Lere Anan Timur kuandu pasa ona idade 60, pasa ona ba idade reforma”,hateten, João Almeida ba JN-Diário iha nia knaar fatin, Fomento, Comoro-Díli, Kuarta (17/10/2018).

 João Almeida  reforsa liutan, iha idade reforma ne’e, iha artigu 195 estatutu militar fo dalan hateten katak, bele extende tan tinan ida bainhira sira disponibel nafatin atu bele servisu nafatin iha instituisaun F-FDTL, maibe tenke iha autorizasaun husi Prezidenti Repúblika.

“Agora remata ona seda’uk halo nomeiasaun foun no diskuti ona iha konsellu superior defeza no seguransa, ne’e mak esforsu ne’ebé Governu ho Prezidenti Repúblika halo, maske nune’e atu halo desizaun nomeiasaun ka ezenorasaun ne’e kompetensia eskluziva Prezidenti Repúblika nian”,haktuir Adjunto Diretor FM ne’e.

 Nia dehan tan, desizaun iha Prezidenti Repúblika karik nomeia foun ka  rekondusaun tuir estatutu militar nian hateten katak bele halo de’it ba tinan ida, portantu Major Jeneral Lere Anan Timur, pasa ona ba idade reforma.

Lee hotu :   Lere preokupa ho situasaun F-FDTL-PNTL

Maske nune’e, Adjuntu Diretor FM ne’e hateten, oras ne’e dadauk lideransa hanesan veteranu sira sei kontinua presiza iha tempu sira agora ne’e, presiza lideransa verteranu sira-nia prezensa no involvimentu hanesan asuntu sira ne’e, atu bele fasilita tranzisaun iha F-FDTL.

Koalia kona-ba tranzisaun iha F-FDTL figura hanesan sé mak bele troka hodi lidera iha F-FDTL, João Almeida, hateten, kona-ba figura barak mak oras ne’e iha instituisaun F-FDTL, iha espriensia la dúvida, tantu iha funu, depois transforma Failintil ba Forsa Defeza sira iha kapasidade agora desizaun hotu iha Prezidenti Repúblika.cos/eus

 

Add to Comments Here!!!!

error: Content is protected.
Secured By miniOrange
You might also like:
PM Taur:Veteranus labele impede dezenvolvimentu

Primeiru Ministru (PM), Taur Matan Ruak,...

EESJ 4 Setembru sei la fó valor diak ba alunu finalista faltosu

Diretor Eskola Ensinu Sekundariu Jeral (EESJ)...

Honda Jeez soke rin eletrisidade iha Colmera

Kareta ho marka Honda Jeez  ho...

Close