JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia sona JGS, TDD aplika prijaun preventiva ba suspeitu AZ

Deskonfia sona JGS, TDD aplika prijaun preventiva ba suspeitu AZ

Hafoin suspeitu AZ detein durante oras 72 iha sela komandu Polisia Nasional Timor-Leste (PNTL), Municípiu Dili, iha Sesta (02/11/2018) Servisu Investigasaun Kriminal Municipiu Dili submete ba Tribunal Distrital Dili hodi hala’o Primeiru Interrogatório.

Iha Sábado (03/11/2018), TDD  deside aplika medida koasaun prijaun preventiva ne’ebe previstu iha artigu 183 no artigu 194 Kodigu Prosesu Penal Timor-Leste ba suspeito AZ.

Medida Koasaun ne’ebe Tribunal aplika tuir Defensor Publiku, Rui Guterres katak adekuadu, nune’e bele asegura arguido nia vida husi familia vitima.

“Tuir hau nia hanoin arguido atu sala ka la sala, depois iha akuzasaun no tama ba julgamentu produsaun prova maka hare, kona ba medida koasaun prijaun preventiva ne’ebe aplika ba nia adekuadu, tanba bele assegura mos arguidi nia vida, katak iha liur arguido nia vida ameasadu, tanba arguido komete tiha krime konsege hases an hodi ba iha estagasaun polisia, maibe família vitima sira ataka no ta nia, tuir arguido dehan katak lolos família vitima sira atu ta iha nia kakorok mas arguido foti liman ne’ebe ta kona nia liman, agora dadaun saúde arguido nian rasik grave tebes,” hateten Defensor Publiku, Rui Guterres ba GMN iha TDD, Mandarin, Dili, Sabado (03/11/2018).

Rui Guterres promete sei ba vizita arguido iha prijaun. Maske arguido iha ona prijaun, maibe arguido nafatin iha dereito atu hetan tratamento mediku, tanba dadaun ne’e arguido nia kondisaun saúde grave.

Entretantu, akontesimentu ne’e iha segunda (29/11/2018), dadesan tuku 10, iha Hali-dolar Suku Hera, Postu Administrativu Kristu-Rei, Municipiu Dili. Antes akontese vitima ho suspeitu tuur hamutuk iha vitima nia uma derepenti suspeitu foti tudik no sona vitima iha hirus  matan. Familia sira konsege transporta vitima ba Hospital Nasional Guido Valadares (HNGV), maibe la konsege salva.

Lee hotu :   Lere: Bele mosu invensaun iha kartaun eleitoral

Primeiru interrogatoriu ne’e prezide husi juiza Maria Solana, Ministeriu Publiku reprezenta husi Prokurador Bartolomeu de Araujo, arguido hetan asistensia legal husi Defensor Publiku, Rui Guterres. mia

Add to Comments Here!!!!

error: Content is protected.
Secured By miniOrange
You might also like:
Governu TL preve osan rihun US$250 Ajuda nasaun sira ne’ebé iha problema kona-ba delimitasaun FM

Governu Timor Leste (TL), liu husi...

KM aprova projetu konstrusaun estrada Baucau-Viqueque  Konstroe ho orsamentu emprestimu husi ADB

Governu liu husi reuniaun Konsellu Ministru,...

Arão Noe: Eis deputadu nain rua entrega ona prado, 30 resin seidauk

Prezidente Parlamentu Nasional (PN), Arão Noe,...

Close