JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Situasaun la hakmatek fo impaktu ba kadoras GS mai TL

Lere: Situasaun la hakmatek fo impaktu ba kadoras GS mai TL

Xefe  Estadu Maior Jenerál Falintil Forsa Defeza Timor Leste (F-FDTL), Major Jenerál, Lere Anan Timur, hatete, ho situasaun rai laran ne’ebé aktu criminal sa’e a’as hodi halo populasaun la hakmatek,  bele fo impaktu ba dezenvolvimentu liu-liu prosesu dada kadoras Greater Sunrise (GS) mai Timor-Leste (TL).

Lider másimu F-FDTL ne’e preokupa ho situasaun rai laran liu-liu trajédia Kuluhun no manifestasaun husi Movimentu Universitariu Timor-Leste (MUTL), ne’ebé bele fo impaktu mos ba dezenvolvimentu rai laran.

“Estabilidade ho dezenvolvimentu rua ne’e tenke la’o hamutuk, kuandu estabilidade láiha ne’e kadoras mós la mai, be ita oho malu, tuku malu, orsida ba tiru malu, la mai. Tanba kadoras mai ne’e la’os Timor-oan mak mesak servisu de’it”,hateten Lere Anan Timur, ba Jornalista sira iha Palásiu Prezidensial Nicolau Lobato, Bairo Pite-Díli, Kuarta (21/11/2018).

Lere aprofunda katak, kadoras mai Timor-Leste, Timor-oan sira presiza servisu ho kompañia internasional sira, tanba haree ba rekursu umanu Timor-oan sei naton.

Nune’e, Lere Anan Timur husu Timor-oan hotu tenke hamutuk atu dada kadoras GS mai Timor-Leste, liu husi kontribui ba paz.

Tanba ne’e, tuir Lere Anan Timur, bainhira dezenvolvimentu atu la’o diak nasaun tenke moris iha seguransa ne’ebé diak.

Entretantu to’o oras ne’e públiku kontinua preokupa ho akontesimentu iha Kuluhun de Baixo, nune’e mos iha sorin seluk Movimentu Universitariu Timor Leste, kontinua hala’o manifestasaun kontra desizaun Parlamentu Nasionál sosa kareta foun ba deputadu kinta lejislatura to’o hetan rezultadu.Eus   

Lee hotu :   FRETILIN husu líder ParPol lori fila Emilia Pires

Add to Comments Here!!!!

error: Content is protected.
Secured By miniOrange
You might also like:
TDD deside prizaun preventiva no TIR ba arguidu kazu Kuluhun

Tribunal Distrital Díli (TDD) iha Kuarta...

Família halót ona mate isin trajédia Kuluhun ■Provizóriu arguidu 4 fila ba vida sivíl

Família  vítima husi trajédia Kuluhun de...

JORNAL NACIONAL GMNTV MEIU DIA, Loron-21 Fulan-Novembru Tinan-2018

Close