JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu povu tau konfiansa ba PNTL

PN husu povu tau konfiansa ba PNTL

Reprezentante povu iha uma fukun Parlamentu Nasional (PN), husu ba povu tomak atu kontinua tau konfiansa ba Polísia Nasionál Timor-Leste (PNTL), tanba sira maka sai hanesan ajenti seguransa ba Estadu ida ne’e.

“Husu atu povu kontinua fó nafatin ninia konfiansa ba PNTL sira, koserteza ita fiar katak komando jeral mós komesa aprende lisaun barak liu husi situasaun ne’ebé akontese, sira sei halo avaliasaun no hadi’a sira nia instituisaun, tanba ne’e husu ba povu atu kontinua fó nafatin ita nia esperansa no konfiansa ba ita nia PNTL sira”, Xefi bankada Partidu Unidade Dezenvolvimentu Demokratiku (PUDD) ba Grupo Média Nacional (GMN), iha resintu PN, Tersa (27-11-2018).

Nia esplika, ema hotu-hotu senti tristi ho trajedia Kulu-Hun, maibé ho situasaun ida ne’e, komunidade no povu tomak, labele minimiza kapasidade PNTL nian, tanba ema ne’ebé maka komete krimi iha kazu Kulu-Hun nian prosesu tuir lei no akontesimentu ne’e la reprezenta instituisaun PNTL tomak.

“Nune’e, labele tanba ema ida ou rua iha instituisaun laran maka labele exerse ninia funsaun ho diak hanesan seguransa, ita minimiza PNTL hotu, ne’e labele, maibé em jeral ita tenki fó konfiansa nafatin ba ita nia PNTL sira”, haktuir António de Sá Benevides.

Tuir Vise Xefi bankada Partidu Libertasaun Popular (PLP), Francisco de Vasconcelhos, hateten, nasaun Timor-Leste ne’e Estadu direitu demokrátiku, signifika katak lei maka boot liu, nune’e sidadaun hotu-hotu tenki kumpri lei no labele foti asidente iha Kulu-Hun, nuudar argumentu ida hodi kontra fali instituisaun Estadu, tanba PNTL ne’e Estadu nian.

“Ami la konkorda asaun husi membru PNTL balun uza armas fora de oras servisu, halo asaun hodi hamate joven sira, ne’e kontra lei, mais ita husik ba prosesu investigasaun maka la’o, mais saida maka ita eziji ba komunidade sira maka tenki respeitu Polísia, tanba ita hakarak ka lakoi, gosta ka la gosta ne’e seguransa Estadu nian”, hateten Vise Xefi bankada PLP ne’e.

Lee hotu :   Kontrola tasi kosta sul, Governu sei sosa Roo ida ba F-FDTL iha 2019

Husi sorin seluk, deputadu bankada Frente Revolucionario do Timor-Leste Independente (FRETILIN), David Dias Ximenes ‘Mandati’, sujere mós ba sosiedade, komunidade no veteranu sira atu kontinua mantein konfiansa ba PNTL sira, tanba kuandu situasaun iha rai laran la’o ho normal, kada ema ida nia aktividade servisu, eskola no selu-seluk tan sei garantidu.

“Ha’u hakarak husu ba ita nia sosiedade no komunidade sira, sobre tudo veteranu sira tenki halo buat ruma para ita nia seguransa ne’e garantidu fali no labele dezautoriza ita nia Polísia, tanba kuandu ita nia seguransa la’o ho diak ema barak sei tama mai, mezmu ita rai ki’ak, ita nia rai foin maka ukun-an, maibé kuandu seguransa garantidu, ita nia vida sei garantidu”, afirma Mandati.

Antes ne’e, Komandante PNTL munisípiu Díli, Superintendente Xefi, Pedro Belo mós husu ba populasaun iha díli laran, liu-liu joven sira atu kontribui ba estabilidade iha komunidade nia leet.

Labele fó sala intituisaun PNTL

Nune’e mos, Autoridade Lokal sira iha Munisípiu Dili husu ba públiku atu labele fó sala instituisaun Polísia Nasional Timor Leste (PNTL), tanba de’it individu PNTL ida nia atitude.

Xefe Suku Madohi Postu Administrativu Dom Aleixo Munisipiu Dili, Bernadino de Cristo Fereira  husu ba públiku atu respeita instituisaun PNTL, tanba sira mak fó seguransa ba nasaun.

“Husu públiku labele fó sala ba intituisaun PNTL, tanba instituisaun ne’e Estadu mak hari’i. Hafoin akontesimentu iha Kuluhun de Baixu ne’ebé envolve membru PNTL nain 2, públiku fó sala ba instituisaun ho komando PNTL, tanba Instituisaun ne’e Estadu mak Hari’i, dala ruma akontese pesoal ruma  komete krimi iha sosiedade nia leet,  no ida nee la reprezenta instituisaun PNTL”, hateten Bernadino de Cristo Fereira ba GMN iha nia kna’ar fatin Sede Suku Beto Naroman, Tersa (27 /11).

Lee hotu :   PNTL sei atua kriminozu ho rigór ■PN ejizi polísia labele hamamuk postu seguransa

Autoridade Lokal ne’e mós rekomenda ba Governu atu fó apoiu másimu ba instituisaun PNTL,  liu-liu haforsa formasaun ba membru PNTL sira atu nune’e, sira bele iha koñesimentu bainhira halo atuasaun iha terenu.

Nune’e mós Xefi Suku Comoro, Eurico Guteres husu Públiku atu respeita instituisaun PNTL.

“Dala ruma iha frakeza balun ne’ebé mosu,  tanba Governu la fó atensaun sériu hodi dezenvolve mentalidade membru sira”, katak Eurico.

Entretantu Antes ne’e hafoin akontese kazu Kuluhun de Baixo, iha ema balun aproveita situasuan hodi fó sala ba instituisaun PNTL, no husu Governu atu halo reforma instituisaun PNTL, no Komandante Jeral PNTL Komisariu Julio Hornay mós informa ona katak, Komandu iha ona planu atu aplika regra rigorozu iha futuru.ves/aba

Add to Comments Here!!!!

error: Content is protected.
Secured By miniOrange
You might also like:
Alkatiri konsidera VIII Governu laiha poder Estadu ■La partisipa iha debate ne’ebé Xanana sei halo

Eis Primeiru Ministru (PM), VII Governu...

Komemora 28 Novembru, PR Lú Olo: Povu kontinua moris ki’ak no mukit

Prezidenti Republika (PR),Francisco Guteres Lú Olo,...

JORNAL NACIONAL GMNTV KALAN, Loron-26 Fulan-Novembru Tinan-2018

Close