JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Filomeno Paixão bandu PNTL ho F-FDTL lori kilat ba festa

Filomeno Paixão bandu PNTL ho F-FDTL lori kilat ba festa

Ministru Defeza  no Interior Interinu, Filomeno Paixão, bandu membru Polísia Nasionál Timor-Leste (PNTL)  ho FALINTIL  Forsa Defeza Timor-Leste (F-FDTL) lori kilat partisipa iha seremonia festa komunidade nian.

Tuir Ministru ne’e katak, durante ne´e  nia haree membru PNTL balun kumpri duni regra utilizasaun  armas, maibe balun  mak la kumpri.

“Tanba ne´e mak ha´u bolu sira, mai reniaun ne´e,  se lae ha´u la bolu, regra ne´e durante  ne´e balun  utiliza balun la utuliza. Tanba  ne´e mak ténki uniformiza armas.  Iha F-FDTL hatene  ona,  nunka tiru arbiru tiru sa’e mós sukat,  mas iha PNTL sei fraku, balun uza, balun la uza, kuandu la uza konstrui perigu bo´ot ida ba komunidade  ba iha sosiedade porque ema ba festa labele lori kilat, afinal  iha kilat derepenti hemu lanu  naton mosu iha tiru tarutu iha Kuluhun, inves tarutu  sa’e, maibe tarutu tesik fali, ne´e  ohin esplika no leno hotu ba  Polísia ho forsa  hotu-hotu, bainhira mak atu uza kilat, servisu mak uza kilat la servisu labele lori kilat,  ba iha festa ba iha ne´ebé labele lori, lori kilat labele hemu tua, hatais farda  labele hemu tua”,esplika Filomeno Paixão, ba  jornalista sira, Tersa (11/12/18) iha Kuartel Jeneral F-FDTL Fatuhada Díli, wainhira  enkontru ho Komisariu Julio Hornay no ofisiais superior sira PNTL no Xefe Estadu Maior Jeneral Lere Anan Timur.

Filomeno Paixão  esplika, enkontru ne´e nia objetivu mak koalia kona-ba  regra  de empeñamentu bainhira mak atu bele uza kilat atu tiru,  no tiru iha  ne´ebé.

“Agora forsa rua  ne´e sei iha hotu ha´u nia tutela aproveita ha´u nia posizaun ida  ne´e ha´u bolu sira nain rua PNTL ho F-FDTL  tuur hamutuk hotu komesa husi Jenerais no Komisariu sira, ofisiais  supeprior sira husu tuur hamutuk para projeta iha power point kona-ba regra empeñamentu, kona-ba uzu porta de armas, ne´e para sira hatene bainhira mak uza kilat,  bainhira mak labele.  Iha situasaun perigu bele uza gas  no bainhira mak bele uza armas”,dehan Filomeno Paixão.

Lee hotu :   PNTL kaptura ona Domingos Caeiro

Nia dehan, apelu ne´e fó sai ona liu husi enkontru  PNTL ho F-FDTL no ba oin se mak la kumpri regra utilizasaun armas sei hetan sansaun. Maibe enkontru  ne´e ministru planeia sei hala´o tan hodi informa nafatin ba PNTL ho F-FDTL, atu nune´e bele kumpri.

“Ba oin la kumpri la´os de´it sira mak hetan kastigu ka ajenti mak hetan kastigu, mas nia komandante mós hetan kastigu, ne´e para nia  senti, depois bele iha kastigu represaun, bele  advertensia  bele kastigu seluk bele todan liu. Hasai ne´e so ida komete direitu   konserta sei iha samada atensaun ida”,dehan Filomeno Paixão.avi

 

Add to Comments Here!!!!

error: Content is protected.
Secured By miniOrange
You might also like:
PR Lú Olo veta lei atividade fundu petrolíferu

Prezidenti Repúblika (PR), Francisco Guterres ‘Lú...

Oras 1 GMNTV,Hamutuk ho Madre Ydalia Taveras Taveras

HABURAS VIDA ESPIRITUAL GMNTV Edisaun 24

Close