JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sivíl baku tan membru PNTL rua “Provoka iha facebook sei kaptura”

Sivíl baku tan membru PNTL rua  “Provoka iha facebook sei kaptura”

Membru Polísia Tránzitu ida husi Munisípiu Díli hetan baku husi joven sira iha Tasitolu, Díli no ajenti Polísia  ida husi Oecusi hetan mos baku  husi joven sira to’o lori ba hospital.

Entre kazu rua ne’e, ida akontese iha Tasitolu,  deskonfia joven balun baku Polísia  ne’e  iha ninia uma. No ajenti Polísia  Oecussi hetan baku hafoin partisipa iha festa ida.

Enkuantu membru Polísia  Tránzitu  iha Díli  ne’e mak Ajenti Xefe Felis de Deus no membru Polísia  Oecussi ninia identidade seidauk mensiona tanba seidauk hetan konfirmasaun husi Komando PNTL Oecussi.

Kazu rua ne’e ida Tasitolu  akontese Sesta (31/11/12) mais ou menus tuku 4 lorokraik oras Timor-Leste no Oecussi akontese iha tempu kalan.

“Kuandu media sosial mak provoka demais para hamanas nafatin situasaun, problema ne´e sira la tau separasaun, sira nafatin ba instituisaun PNTL mak ami nia parte sei bolu ema sira ne´ebé mak buka atu provoka nafatin PNTL iha facebook para ami loke prosesu  i ami sei haruka sira ba Tribunal. Iha akontesimentu  iha Kuluhun ne´e  mosu provokasaun iha fatin-fatin entaun iha reaksi ne´e mosu ona. Ami nia membru PNTL  balun sai ona vitima, foin dadauk iha Ponte Komoro i nune´e mós iha iha Tasitolu horikalan mós iha indikasaun ema halo agresaun fiziku hasoru ami nia maluk balun iha Díli laran,  La´os de´it ida ne´e maibe akontese mós iha Ocussi joven sira baku ami nia maluk PNTL ida mós too tama Hospital”,esplika Komandante PNTL Munisipiu Díli Superintendente Xede Pedro Belo ba jornalista sira Sabadu (01/12/18) wainhira hala’o vizita ba Atauro.

Tuir Pedro Belo, kazu sira ne’e akontese mai husi provokasaun  ne’ebé mak ema sempre koalia iha facebook la ho kronolojia akontesimentu problema nia hun, maibe gosta kritika mak Polísia nia sala,  entaun ema ne´ebé mak la komprende gosta halo asalta membru Polísia sira.

Lee hotu :   Ohin, aniversáriu ba dala 18 tranformasaun forsa guerilla FALINTIL ba F-FDTL

“Tanba ne´e mak sira la kontrola sira nia liafuan sira ne´e mak ami nia ekipa investigasaun sei too iha sira nia fatin para foti sira deklarasaun”, dehan Pedro Belo.

Ho akontesimentu hirak ne’e Pedro Belo dehan,  la’os komunidade lakon fiar,  lideransa komunitaria sira iha Díli laran maioria nafatin mantein fiar ba Polísia, ema ida  ne´ebé lakon fiar ba PNTL ne´e iha intrese maka´as  iha situasaun ida ne´e,  iha intrese ne´ebé mak dala ruma Polísia atu impede sira ninia movimentu balun, entaun ida ne´e sira la gosta komesa  ho situasaun ida ne´e sira aproveita koalia a´at instituisaun PNTL,  maibe realidade komunidade iha Díli laran komunidade nafatin ijize  Polísia   atu halo nafatin patrulhamentu.

“Kalan-kalan ami nia  sentru informasaun sempre simu kontaktu husi komunidade sira atu husu ba Polísia  atu  halo atuasaun lalais ne´e signifika komunidade nafatin konfiansa ba PNTL,”dehan Pedro Belo.

Antes  ne’e Ajenti Xefe António Carmona mos hetan tuda husi joven sira iha Aldeia Moris Foun C hafoin halo atuasan ba problema entre joven sira aldeia refere.

Joven Leopa baku membru F-FDTL ida ulun nakfera

Nune’e mos, Joven sira iha Adeia Leopa, Suku Dato, Postu Administrativu Likisa Vila, Munisípiu Likisa halo agresaun fiziku ba membru FALINTI Forsa Defeza Timor-Leste (F-FDTL), Pascoal dos Santos, to’o ulun nakfera. Kazu ne’e akontese iha Sábadu loron 30 fulan Novembru tinan ne’e.

Informasaun ne’ebe GMN hetan katak, kazu refere akontese wainhira vitima no suspeitu sira partisipa festa kazamentu ida iha Suku Dato, maibe iha oras tuku 04:00 madrugada joven sira baku vitima to’o ulun nakfera no vitima evakua kedas ba Hospital Nasional Guido Valadares (HNGV) hodi halo tratamentu intensivu.

Lee hotu :   Labarik hetan VD ho abuju seksual hamutuk 38

Hafoin kazu ne’e akontese F-FDTL husi unidade Polisia Militar (PM) to’o kedas iha fatin akontesimentu hodi halo atuasaun no kaptura suspeitu nain 6, no oras ne’e dadaun suspeitu refere detein hela iha sela PM hodi halo prosesu investigasaun tuir lei.

Sugundu Komandante Polisia Nasional Timor Leste (PNTL) Munisípiu Likisa Superintendente Assistente, Eduardo Campos, liu husi via telefone hateten, Segunda (ohin-Red) PM sei entrega suspeitu nain 6 ba komandu PNTL Munisípiu Likisa hodi halo prosesa kazu ne’e tuir lei.

“Kona-ba akontesimentu ne’ebe akontese iha sábadu foin lalais ne’e, ha’u labele fo informasaun ne’ebe detallu, tanba kazu ne’e polisia militar mak halo atuasaun, tanba ne’e ha’u labele fo informasaun kona-ba asuntu ne’e ”, afirma Eduardo Campos.

Sugundu Komandante PNTL Munisípiu Likisa haktuir, kazu ne’e komandu F-FDTL husi unidade PM mak hatene, tanba Pascoal dos Santos hanesan membru F-FDTL ne’ebe iha komponente naval, tanba  ne’e Eduardo Campos la esplika detalla konaba akontesimentu ne’e, no akontesimentu refere  PM mak halo atuasaun.

Nia dehan, bainhira komandu PM entrega ona suspeitu sira ba komandu PNTL Likisa mak nia foin esplika detalla kazu refere, no to’o oras ne’e dadaun nia parte seidauk bele esplika detalla, tanba prosesu tomak sei iha komandu F-FDTL nia liman.

Hafoin PM kaptura suspeitu sira no detein iha sela detensaun PM,  GMN tenta atu halo konfirmasaun ba asuntu ne’e, maibe komandu F-FDTL la autoriza atu fo informasaun, tanba sei iha hela prosesu nia laran. Avi/Aes

Add to Comments Here!!!!

error: Content is protected.
Secured By miniOrange
You might also like:
KM aprova rezolusaun ba TL Cement, Aprova mos saláriu décimo terceiro

Reuniaun Konsellu Ministru extraordinária, Kinta (29/11/2018),...

PR Lú Olo: Nicolau Lobato moris fila-fali iha ema nia konsiensia

Prezidente Republika (PR), Francisco Guterres ‘Lú...

Misa semana dahuluk tempu adventu, Padre Emanuel husu kompañia nain selu traballador ho justu

Padre Paroquia, São José Operário Aimutin,...

Close