JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Harahun rice cooker, fén simu pankada

Harahun rice cooker, fén simu pankada

Tribunal Distrital Díli (TDD), liu husi Ministériu Públiku (MP) iha Kuarta Feira (09/01) ne’e, tenki akuza arguidu ho ínisial EG, ne’ebé baku lezada ou ninia fén kaben ho ínisial HM iha Becora Au-Hun, ho krimi violensia doméstika ne’ebé previstu iha artigu 145 kódigu penal Timor-Leste.

Tuir Faktus ne’ebé iha TDD lee sai katak iha loron 28, fulan Janeiru, tinan 2018, tuku 01:00 lokraik, lezada atu tein etu uza rice cooker, maibé tanba fiu rice cooker nian kanek, nune’e soke lezada, hodi liki rice cooker monu rahun tiha, nune’e wainhira arguidu fila husi servisu, haree rice cooker rahun tiha, tanba ne’e arguidu hirus, hodi hateten sasan sosa labele estraga de’it.

Hafoin rona liafuan ne’e, lezada hatán dehan fiu rice cooker nian maka soke maka halo ha’u hakfodak maka sasan monu rahun tiha, ho nune’e arguidu baku, tuku, tebe no silu lezada nia liman ba kotuk, halo lezada kedas moras.

Hatan ba deklarasaun ne’e arguidu hateten faktus hirak ne’e, balun loos no balun la-loos, la-loos tanba ha’u kous hela labarik maka nia lori gayun baku ha’u dala tolu, maka ha’u tebe nia dala ida kona iha knotak, liu tiha minute 30, nia kontinua koalia barak, depois de ida ne’e hau han hela nia mai halo hahan fakar hotu, ne’e maka ha’u basa nia dala rua no silu nia liman.

Entretantu iha audensia ne’e mós lezada hateten, ami problema tanba rice cooker rahun, ne’e maka ha’u lori gayun baku dala ida iha nia ain, husi ne’e nia silu hau nia liman ba kotuk.

Lee hotu :   Autoridade indonézia hahú inkéritu ba kazál Timor-oan ■Estadu fo fiar, advogadu TL prontu defende

Rona tiha husi parte rua ninian, TDD husu ba MP ho Defensor Públiku (DP) tama ba alegasaun no iha alegasaun ne’e MP akuza arguidu ho krimi violensia doméstika ne’ebé previstu iha artigu 145 kódigu penal, MP husu ba TDD tanba sira di’ak malu ona, nune’e fó pena no kastigu mínimu ba arguidu.

Husi sorin seluk, parte defeza ninian mós deklara katak, loos duni lezada maka baku uluk arguidu, hodi hamosu problema, maibé tanba sira dame malu ona, parte defeza husu TDD kastigu arguidu tuir aktus ne’ebé maka nia halo ba lezada.

Haree ba ida ne’e, TDD marka fila-fali audiénsia ba loron 25, fulan Janeiru, tuku 04:00 lorokraik, hodi rona desizaun ikus.

Audiénsia julgamentu ne’e prezidi husi juis singular, Antonio do Carmo, MP reprezenta husi Procurador Jeral, Bartolomeu de Araujo, arguidu hetan asisténsia legál husi DP, Jonas Henrique. min

Add to Comments Here!!!!

error: Content is protected.
Secured By miniOrange
You might also like:
PNTL sei hala’o promosaun deviza ba ofisiais no superior

Segundu Komandante Jerál PNTL Komisariu Faustinho...

Governu sei tau matan ba traballador Timor-oan iha estranjeiru

Governu liu husi Ministériu Negósiu Estranjeiru...

Arão Noe: OJE 2019 illegal, lori ba Tribunal Rekursu

Prezidente Parlamentu Nasionál, Arão Noe, husu...

Close