JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia hana Teo ho rama ambon, PNTL kaptura membru PSHT na’in 8

Deskonfia hana Teo ho rama ambon, PNTL kaptura membru PSHT na’in 8

PNTL Munisípiu Díli kaptura  suspeitu  nain 8, ne’ebé mak diskonfia halo planu   hodi tiru vitima Teo  ho  rama ambon iha área Aimutin, Postu Administrativu  Dom Alexio Munisípiu Díli iha loron loron  hat fulan Fevereiro tinan ne’e.

Entre suspeitu nain 8 ne’e, suspeitu nain 5 Polísia kaptura iha  Dili iha  Domingu (10/02/19)  no nain ida entrega a’an ba Polísia iha Segunda (11/02/19) iha Kuartel PNTL Díli, no iha Tersa (12/02/19)  oras tuku 4 madrugada Polísia Díli ba  kaptura tan suspeitu  nain rua iha área Gariwai no Wailili, Munisípiu Baucau.

Alende ne’e Polísia prende  mos rama ambon ho fiska ho   besi beton samurai, dimah no atributu artemarsiais ne’ebé mak  Governu taka ona.

Suspeitu  hirak  ne’e iha ona Kuartel PNTL Munisípiu Díli,  ne’ebé sei kumpre detensaun oras 72 hodi submete ba prosesu investigasaun.

“Ita kaptura suspeitu sira relasiona ho kazu  4 de Fevereiro akontese iha Aimutin, ema hana komunidade Teo   ne’e mak kontinuasaun ita kaptura suspeitu sira ne’e no suspeitu seluk hana ema no tá ema,  ita hein mandadu kuandu  iha,  ita sei kaptura  suspeitu ne’ebé mak gosta  kria instabilidade  iha Díli, Baucau no munisípiu seluk halo ema la hakmatek”,esplika Komandante Jerál PNTL Komisariu Júlio Hornay, ba jornalista sira Tersa (12/02/19) iha Kuartel PNTL Díli.

Julio Hornay hatutan,  forsa seguransa ho ninia kompetensia  tomak  ne’ebémak lei fó sei halo atuasaun ida forte hodi kommbate no kaptura suspeitu involve aktu krimi  sira akontese dadauk hanesan rama ambon.

“Ita sei kontinua halo atuasaun  forte liu atu buka tuir ninia hun husi  ne’ebé para  ita bele sobu no bele kaer,  ida  ne’e mak misaun forsa Polísia nian husu apoiu nafatin komunidade hadomi rai ida ne’e atu fó informasaun hodi ita bele kaptura suspeitu sira ne’ebémak gosta kria instabilidade”, Júlio Hornay.

Lee hotu :   MP halo rekerementu reforma ba desizaun TR anula suspende prokurador nain hitu

Líder másimu  PNTL ne’e hatutan,  kazu rama ambon akontese iha semana kotuk iha Díli halo komunidade  moris la seguru.

“Ita hotu senti katak,  kapital ida ne’e sai fali mafiozu, fatin bandalismu ninian, fatin kriminozu hodi sira halo asaun. Kapital ida ne’e ema hotu tantu nasionál no internasional  mai  vizita  ita hotu  iha responsabilidade atu asegura”, Júlio Hornay.

Tanba ne’e Júlio Hornay,  promete sei hasae liu tan operasaun garante seguransa iha nasaun ne’e no sei la  tolera aktu krimi  iha nasaun ne’e.

Entretantu tuir vitima Teo hetan hana ho rama ambon iha parte hirus matan iha Aimutin Díli loron 4 fulan ne’e oras nee saude rekopera  no alta ona  husi Hospital Nasionál Guido Valadares (HNGV).

Enkuantu lei armas brankas númeru 5/2017/ bandu  total kualker sidadaun atu kaer sasan kroat hodi hamate no hakanek ema seluk.avi

Add to Comments Here!!!!

error: Content is protected.
Secured By miniOrange
You might also like:
MOP kria ekipa Task Force atende komunidade afeta husi dezastre natural

Vise Ministru Obras Publikas, Nicolau L.F....

SEAACLN sei estabelese monumentu ba eroi ne’ebé seidauk hetan nia ruin

Secretário Estado Assuntos Antigos Combatentes Libertação...

DIA 12/02/19 || GMNTV LIVE STREAM || DADER KMANEK

Close