JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

La entrega kareta Prado, Arão Noe: PN sei prosesa ba Tribunal

La entrega kareta Prado, Arão Noe: PN sei prosesa ba Tribunal

Prezidenti Parlamentu Nasional  (PN), Arão Noe, promete sei prosesa eis deputadu III lejislatura ne’ebé maka seidauk entrega kareta ho marka Prado, maibé oras ne’e dau-daun kareta refere ho xapa matríkula privadu ona.

Razaun Arão Noe sei prosesa eis deputadu III lejislatura sira ba tribunal, ho intensaun atu dada fila-fali kareta prado ne’ebé maka oras ne’e dau-daun sira seidauk entrega.

“Kareta tuan sira ne’ebé maka eis deputadu sira seidauk entrega, ita sei lori prosesu ba tribunal hodi bele dada fila-fali, sira ne’ebé maka iha ona deputadu sira uza hela por volta prado 30 maka iha ne’e, restu ne’ebé iha li’ur ita sei iha prosesu“, Xefi Órgaun Lejislativu ne’e ba jornalista sira iha PN, Sesta (15-02-2019).

Nia esplika, tanba eis deputadu III lejislatura balun seidauk entrega kareta ho marka prado ne’e maka, PN desidi sosa kareta ba deputadu V lejislatura, tuir nesesidade ne’ebé maka deputadu sira presiza.

“Atu sosa kareta ba deputadu V lejislatura hira, ne’e kompetênsia Sekretariadu Jeral (SekJer) PN maka hatene, liu husi Konsellu Administrasaun no haree husi planu orsamentu privativu PN ninian no momentu aprova OJE, ne’e ha’u iha rai li’ur hela, kuandu OJE privativu PN ninian ne’e haree ba montante no nesesidade hira, ita hola tuir ida ne’e”, haktuir Arão Noe.

Kona-bá kestaun ne’e, iha tinan kotuk, PN reembolsa ona USD8.000 ba eis deputadu III lejislatura atu entrega hikas kareta ho marka prado ne’ebé maka dau-daun ne’e sai preokupasaun públiku ninian, tanba hakarak deputadu V lejislatura uza fali kareta ne’ebé maka eis deputadu sira uza hela ne’e.

Entretantu osan ne’ebé maka PN sei uza hodi sosa kareta foun ba deputadu V lejislatura ho montante USD millaun 1.5. Ety

Lee hotu :   Lere: GAM mak fatór instabilidade

Add to Comments Here!!!!

error: Content is protected.
Secured By miniOrange
You might also like:
Komete krimi arma branka no omisídiu, TDD aplika prizaun preventiva ba arguidu JSF

Tribunal Distrital Díli (TDD) liu husi...

Jeca Smith husu KPK servisu imparsiál ■Estabelese ona iha Suku 24

Adjuntu Autoridade Munisípiu Díli, Jeca Smith,...

Armando Machado: Reestrutura SekJer PN viola regra

Eis Diretór Divizaun Apoiu Parlamentar (DDAP),...

Close