JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ema oho sidadaun Xinés ida iha Bairu-pite ■ Na’in rua seluk hetan sona iha Aimutin ho Delta

Ema oho sidadaun Xinés ida iha Bairu-pite ■ Na’in rua seluk hetan sona iha Aimutin ho Delta

Ema deskoñesidu oho sidadaun Xinés ida ho naran Tan lin Xue hodi soe hela iha estrada públiku husi diresaun Hudi-Laran Suku Bairo-Pite, Postu Administrativu Dom Alexio, Munisípiu Díli.
Sidadaun Xinés Tan lin Xue, servisu nu’udar doutor espesialista iha klínika Bailling, Fatuhada.
Kazu omisídiu ne’e akontese Segunda (25/03/19), tuku rua madrugada oras Timor-Leste. Iha tuku haat madrugada, Polísia Munisípiu Díli halo patrullamentu to’o kedas iha fatin akontesimentu, hodi dada Police line hafoin rekolla mate-isin ne’e lori ba rai iha mortuariu Hospital Nacional Guido Valadares (HNGV) hodi submete ba prosesu autopsia.
Alende kazu omisídiu ne’e, tuir informasaun ne’ebé mak GMN hetan husi Polísia Eskuadra Dom Alexio, relata mós katak, iha Domingu (24/03/19) mais ou menus tuku 10 kalan, ema sona malu iha área Aimutin obralan fatin.
Nune’e kazu seluk, ema deskoñesidu sona tan komunidade ida iha área Elemloi, Delta Postu Administrativu Dom Alexio, Munisípiu Díli, Segunda (25/03/19) tuku ida madrugada oras Timor-Leste.
Vítima na’in rua agora dadauk hala’o ona tratamentu iha HNGV.
Relasiona ho kazu hirak ne’e parte Komando PNTL Díli seidauk esplika motivu husi akontesimentu refere.
Enkuantu lei númeru 5/2017, armas brankas bandu ema kaer sasan kro’at hodi hakanek no habadak ema seluk ninia vida.
HNGV seidauk halo autopsia ba mate-isin Tan Lin Xue
Nune’e mos, Hospital Nacional Guido Valadares (HNGV), liu husi Unidade Forensik, seidauk halo autopsia ba mate isin Tan Lin Xue, sidadaun Xinéss ne’ebé ema deskuñesidu oho iha área Bairo Pite, iha oras tuku hat madrugada, tanba seidauk hetan autorizasaun husi Ministériu Públiku (MP).
Pesoal Forensik HNGV, Filomena hateten, oras ne’e dadauk parte HNGV hein hela mandadu autopsia husi Ministériu Públiku, bainhira sira hatun karta autorizasaun, mak HNGV sei halo autopsia .
“Mate isin lori mai ohin dader tuku hat madrugada, mas ami labele halo autopsia , tanba ami seidauk simu mandadu autopsia husi Ministériu Públiku, ami hein de’it bainhira mak karta ne’e mai, ami bele halo autopsia hodi entrega ba família”, Hateten Filomena ba GMN iha nia servisu fatin Bidau Díli, Segunda (25/3/2019).
Filomena haktuir, normalmente mate isin hotu bainhira lori ba HNGV, sei tau hotu iha mortuáriu, maibé oinsa prosesu autopsia ne’e tenki liu husi prosesu lubuk ida, liu-liu tenki hetan karta autorizasaun husi Ministériu Públiku.
Iha fatin hanesan, Ayen hanesan matebian Tan Lin Xue nia kolega informa, matebian Tan Lin Xue, sai husi uma iha loron segunda oras tuku ida liu minutu sanolu resin rua kalan, sem lori dokumentus privadu ruma hanesan pasaporte no seluk tan, inklui telefone.
“Nia ha’u nia kolega, nia sai husi uma iha oras tuku ida madrugada, no nia ba ne’ebé ami lahatene, nia lalori buat ida, nia lori de’it mak osan tuju ribu dolar, nia lalori pasaporte, lalori telefone, nia sai husi uma to’o la fila no ohin dader ona mak ami foin rona ema baku mate nia”, hateten Ayen ho tanis.
Ayen haktuir, matebian Tan Lin Xue, hala’o servisu iha Timor ho profisaun hanesan Dr. espesialista iha Clinika Privadu Baillinc Fatuhada Comoro, ho durasaun tempu tinan rua ona.
“Nia dutor, nia servisu iha klinika privadu Baillinc Fatuhada Comoro, ami lahatene motivu nia mate ne’e, ohin dadersan ona mak ami foin rona no agora ami hakarak mai haree mas ema la fó ami tama”, haktuir Ayen.
Tuir observasaun jornalista GMN iha HNGV, unidade forensic nota katak, kolega husi matebian Tan Lin Xue, mai naba-naba hodi haree direta kondisaun mate isin nian, maibé parte HNGV la autoriza tanba seidauk hetan autorizasaun husi MP.
PN kestiona situasaun seguransa iha TL
Deputadu bankada KHUNTO iha Parlamentu Nasionál (PN), António Verdial, kestiona seguransa iha Timor-Leste, liu-liu iha Díli laran ne’ebé sempre mosu hana malu no oho malu entre joven no grupu arte marsiál sira.
Reprezentante povu ne’e kestiona asuntu ne’e, relasiona ho akontesimentu ema deskoñesidu oho sidadaun Xinés ida iha Bairo Píte, iha Segunda (25/03/2019) madrugada ne’e.
Deputadu ne’e husu servisu seguransa, atu bele servisu ho másimu, nune’e povu hotu bele senti moris seguru iha era independensia nia laran.
“Tenki halo patrullamentu ne’ebé efetivu, nune’e povu ne’e bele moris hakamatek no senti iha seguru nia laran. Ohin dader (horseik dader) ita akompaña media sosial katak, iha ema deskoñesidu ne’ebé oho sidadaun Xinés ida iha Hudi laran Bairo Píte. Husi uma fukun ida ne’e, nu’udar reprezentante povu, nafatin hateten katak, keta iha krime organizadu ruma karik?. Ha’u husu ba autoridade seguransa PNTL espesífikamente ba polísia komunitáriu, atu bele servisu no tama iha kooperasaun, koordenasaun no kolaborasaun di’ak ho autoridade lokal sira, atu nune’e, ita bo’ot sira bele hamutuk hodi garante estabilidade,nune’e ema hotu ne’ebé mai husi rai liur, inklui ita povu Timor-Leste rasik bele moris iha seguransa nia laran”, lamenta António Verdial.
Alende ne’e, deputadu bankada FRETILIN, David Dias Mandati, senti preokupa ho situasaun seguransa iha Timor-Leste, tanba bele afeita ba ema estranjeiru ne’ebé atu mai investe ka paseiu iha Timor-Leste.
“Karik mak akontese hanesan ne’e bebeik, ema lamai, ita-nia turismu mate ona”, kestiona Mandati.
Hatan ba preokupasaun sira ne’e, reprezentante Governu, Sekretáriu Estadu Komunikasaun Sosial, Mericio Juvinal dos Reis hateten, nia parte sei informa ba ministériu relevante, atu bele tau atensaun ba asuntu ne’e.
“ Seguransa jerál di’ak hela, ne’e mak ita-nia ministru defeza informa iha konsellu ministru, maibé sei iha kazu balun mak foin akontese,
Ami sei informa ministru defeza no seguransa atu bele tau atensaun, hamutuk ho ita-nia PNTL”, responde Akara.
Entretantu, iha Segunda madrugada horseik, akontese ema deskoñesidu oho sidadaun Xinés ida iha Bairo Píte.
Alende ne’e, mosu mós akontesimentu sunu uma, hana malu no tuda malu entre juventude sira iha Munisípiu Baucau, inklui sidade Díli iha inisíu tinan 2019 ne’e.avi/ola/say

Lee hotu :   PNTL hein delegasaun MP lori fila Tiago ho Chang Fong

Add to Comments Here!!!!

error: Content is protected.
Secured By miniOrange
You might also like:
DIA 25/03/19 || GMNTV LIVE STREAM || JORNAL AS 12

ONG Belun husu UNTL fo teste ba estudante RS

Ofisial Generu ONG Belum, Feliciano Araujo,...

Sanitasaun Largo Lecidere la funsiona

Maske Largo Lecidere fatin Públika ba...

Close