JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Finzidu sai doutor, FC hatán iha TDD

Finzidu sai doutor, FC hatán iha TDD

Arguidu ho inisial FC tenki ba hatán iha Tribunal Distrital Díli (TDD), tanba bosok no halo finzi sai doutor hodi halo tratamentu saúde ba lezadu nia moras no husu osan.

Tuir akuzasaun husi Ministériu Públiku (MP) ne’ebé lee sai husi juíz prezidi katak, iha tinan 2016, lezadu ba vizita nia oan feto Manuela Aráujo iha uma Becuse-Díli, to’o iha ne’abá arguidu túr hela iha nia oan feto nia uma, lezadu foin hakat tama uma laran arguidu FC husu kedas ba lezadu katak tiu moras ka? Nune’e lezadu hatán, sim há’u moras duni no arguidu responde, tiu há’u doutor bele halo tratamentu ba tiu nia moras no iha momentu ne’e kedas arguidu halo teste ba lezadu nia isin hodi ka’er no koko iha liman, maibé la uza material médiku no arguidu esplika ba lezadu katak, lezadu hetan moras iha kabun kidun ne’ebé fatuk ona no kabás bubu hala’i ba kanuruk, tanba ne’e lezadu mós hetan kedas tratamentu hanesan sona aimoruk iha tempu kalan durante fulan ida.

Iha fali tinan 2017, arguidu lori lezadu ba konsulta iha HNGV hodi hasa’i Ray X no doutor sira pasa reseita arguidu foti hotu resibu aimoruk inklui rezultadu médiku nian, ho nune’e arguidu komesa husu osan ba lezadu nia família hodi sosa aimoruk no durante fulan ida arguidu husu osan hamutuk USD988, maski nune’e husi tratamentu ne’ebé arguidu halo ba lezadu la hetan rezultadu ne’ebé di’ak, maibé aumenta grave liu tan no ikus mai família deskobre katak, arguidu la’os ema doutor, maibé arguidu servisu iha Ministériu Edukasaun.

Lee hotu :   Filomeno Paixão: Sei la la tolera kriminozu iha TL ■Krimi aumenta iha Díli

Konsekuensia husi arguidu FC nia hahalok ne’e prezudika lezadu nia saúde ne’ebé aumenta grave liu tan.

Tanba ne’e MP akuza arguidu FC ba prátika krimi rua hanesan uzurprasaun ba funsaun no burla simples, ne’ebé previstu iha artigu 195 no 266, husi kódigu penal Timor-Leste.

Hatán ba akuzasaun ne’e arguidu FC deklara, faktu loos hotu no konfesa katak, nia bosok duni lezadu, katak nia doutor, ho nune’e bele hetan osan husi lezadu.

“Ha’u arepende ba hahalok hotu ne’ebé há’u halo hodi bosok arguidu katak, há’u doutor, maibé realidade há’u la’os doutor no há’u promete sei la halo tan iha futuru no promete prontu atu selu nia (lezadu) nia osan fazeadamente”, deklara arguidu iha audénsia ne’e.

Hafoin rona husi arguidu FC, TDD tetu katak, la presiza rona husi lezadu, tanba arguidu konfesa hotu faktu ne’ebé iha, hodi deklara katak, akuzasaun loos hotu, tanba ne’e TDD desidi submete ba alegasaun, nune’e iha alegasaun MP husu ba TDD atu tetu molok foti desizaun, relasiona ho indenimizasaun.

Entretantu parte defeza husu ba TDD atu foti desizaun ne’ebé adekuadu, justu no tetu mós kona-bá indenimizasaun.

Hafoin alegasaun juíz prezidi marka fali audénsia ba loron 10, fulan Abril, tinan ne’e, hodi rona leitura akordaun.

Audénsia julgamentu ne’e prezidi husi juíz singular, Eusebio Xavier, MP reprezenta husi prokurador, Hipolito Santa no arguidu hetan asisténsia legal husi defensór públiku, Jonas Henrique. ita

Add to Comments Here!!!!

error: Content is protected.
Secured By miniOrange
You might also like:
Responde situasaun emerjensia, SEPS koopera ho ajensia internasional

Sekretáriu Estadu Protesaun Sivíl, Alexandrino de...

Orientasaun estudante foun UNTL hahú iha Abril

Reitor Universidade Nasional Timor-Lorosa’e (UNTL) Francisco...

KRAM aprezenta relatoriu arte marsiál nian ba PM

Komisaun Regulador Arte Marsiál, Kinta (28/03),...

Close