JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dada kadoras mai TL, Lere: Labele tau todan de’it ba Xanana

Dada kadoras mai TL, Lere: Labele tau todan de’it ba Xanana

Xefi Estadu Maior Jeneral FALINTIL-Forsa Defeza Timor-Leste (F-FDTL), Major Jenerál (MaJen) Lere Anan Timur hateten, prosesu sosa asaun husi kompañia petrolífera ConocoPhilips ho Shell realiza ona, maibé dada kadoras mina mai Timor-Leste (TL) presiza kontribuisaun ema hotu nian hodi labele tau todan deit ba líder nasionalista, Xanana Gusmão.

Xefi Estadu ne’e dehan asaun ConocoPhilips ho Shell sai ona asaun Estadu Timor-Leste ninian, maibé prosesu dada kadoras mina mai TL, presiza kontribuisaun ema hotu ni’an, ho nune’e Lere Anan Timur husu ba dirijenti hotu atu la bele tau todan de’it ba lider Karismátiku Kay Rala Xanana Gusmão.

 “Ações ida ne’e sei difisil duni no difisil liu iha parte tékniku ne’ebé maka sei naruk no sei kle’ur, presiza Timor-Oan hotu nia kontribuisaun, la bele fó todan de’it ba ita nia maun bo’ot Xanana Gusmão, maibé ba Timor-Oan, dirijenti, no mós Joventude hotu atu bele iha susesu ba futuru, di’ak ba povu, ba ita nia rai TL”, Lider Máximu instituisaun F-FDTL ne’e ba GMN hafoin partisipa misa iha igreja Santo Antonio Motael, Sábadu (20-04-2019).

Prosesu ida ne’e mai husi mehi Timor-Oan hotu-hotu ninian no iha loron 17, fulan Abril, tinan ne’e, reprezentante Espesial Governu, Kay Rala Xanana Gusmão asina tan akordu hodi sosa asaun ConocoPhilips ho Shell ho osan montante USD millaun 650.

Liu husi asaun ne’ebé maka TL sosa ona husi kompañia ConocoPhilips ho Shell TL sai nu’udar na’in ba konsórsiu (Joint Venture) ba kampu mina no gás Greater Sunrise, tanba TL nia asaun maka boot liu, kompara ho kompañia Woodside no Osaka Gas.

Lee hotu :   Júlio Alfaro nia oan prontu lori kazu disputa rai ba Tribunal

Antes ne’e mós akordu atu sosa asaun husi kompañia petrolífera ConocoPhilips ho montante USD millaun 350 ne’e, reprezentante espesial Governu, Kay Rala Xanana Gusmão no prezidenti kompañia ConocoPhilips Cris Wilson, iha loron 29, fulan setembru, tinan 2018, iha Hotel Condrat Nusa-Dua Bali, Indonesia.

Entretantu akordu atu sosa asaun husi kompañia petrolífera Shell ninian asina iha loron 21, fulan Novembru, tinan 2018 iha fatin ne’ebé hanesan, ho akordu ne’e loke dalan luan ba TL iha explorasaun kampu Greater Sunrise, tanba oras ne’e dau-daun TL maka ho pursentu maioria. min

Add to Comments Here!!!!

error: Content is protected.
Secured By miniOrange
You might also like:
PR sei tetu antes fó pose ba membru governu remodela

Prezidente Repúblika (PR), Francisco Guterres 'Lú...

DIA 22/04/19 || GMNTV LIVE STREAM || DADER KMANEK

Ema tuda Igreja Balide, Madre ida kanek ■PNTL detein suspeitu na’in haat

Ema kriminozu sira tuda Igreja Balide,...

Close