Hotél Timor seidauk iha kontratu ho Governu TL

Ministru Justisa, Manuel Cárceres da Costa, hatete, Hotél Timor ne’ebé okupa ona tinan barak hodi halo negósiu, maibe to’o oras ne’e dadaun seidauk iha kontratu ida ho Governu atu selu arrendamentu ba Estadu.

Maske nune’e ,ministru justisa Manuel Cárceres da Costa ,halo ona komunikasaun ativu no aproximasaun ho dirijente Hotél Timor atu selu arrendamentu ba kofre Estadu.

Liu husi enkontru ho Primeiru Ministru Taur Matan Ruak, ohin iha PG Ministru Manuel Cálceres  da Costa mós informa ba Xefe Governu konaba kontratu arrendamentu ho hotél Timor nian.

“Agora dadauk ,dirijente Hotél Timor ,Tiago Barata,koopera diak tebes ho ministeriu justisa” ministru justisa Manuel Cárceres da Costa, hafoin hasoru malu ho Primeiru Ministru Taur Matan Ruak, iha Palasiu Governu.

Ministru Manuel Cárceres ,halo ona enkontru dala barak ho dirijente Hotél Timor no sei kontinua nafatin hodi buka solusaun ba kestaun ne’e.

Hotel Timor inisiu konstroi iha tinan 1972 no hahu loke iha tinan 1976 ho naran Hotel Mahakota too Setembru tinan 1999 hafon tempo okupasaun termina iha Timor Leste. Nu’udar parte ida husi akordu entre Fundasaun Oriente, governu Timor – Leste halo renovasaun iha loron 20 fulan Maiu 2002.tos