JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kontinua mosu krime, PN sei bolu MDS ho KomJer PNTL justifika

Kontinua mosu krime, PN sei bolu MDS ho KomJer PNTL justifika

Komisaun ‘B’ Parlamentu Nasionál (PN) ne’ebé trata asuntu ba Defeza no Seguransa, iha tempu badak sei bolu Ministru Defeza no Seguransa (MDS), Filomeno Paixão ho Komandante Jerál (KomJer) PNTL, Komisáriu Faustino da Costa, hodi bele  justifika situasaun seguransa rai laran relasiona kazu krime ne’ebé sei kontinua mosu iha kapitál Díli no Munisípiu balu.

“Ami rona akontesementu bebeik liu-liu iha Díli nomós Munispiu sira, husi komisaun ‘B’ ami nia hakarak, ami sei bolu Ministru Defeza no Seguransa ho Komandante Jerál PNTL, e ami hakarak husu oinsa mak ema oho malu no hana malu bei-beik, tamba ohin loron ami nia hakarak entrega poder ba polísia, polísia tenke hala’o ninia knár para kontrola ninia povu ne’e. Ami husu mos Xefe Suku, Xefe Aldeia sira no veteranu sira atu kolabora ho PNTL fó seguransa ba povu tomak iha nasaun ida ne’e”, deklara  Vise Xefe Komisaun ‘B’ PN, Cornelio Conceição Gama ‘L-7’, iha PN, Tersa (28/05/2019).

Vise xefe komisaun ‘B’ núdar mós veteranu kombatente libertaun nasionál, Cornelio Gama ‘L-7’ preokupa ho atual situasaun seguransa rai laran, tamba sempre akontese konfrontasaun no ema deskuiñesidu kontinua halo agresaun fíziku hasoru maluk Timor-oan rasik nomos ema estranjeiru balu iha Timor-Leste ne’ebé akontese iha fulan Maiu tinan ne’e, iha Díli nomós Munisipiu balu.

Iha sorin seluk deputadu, Marito Mota husi bankada FRETILIN konsidera,   promesa Komandante Jerál PNTL, Komisáriu Faustino da Costa ne’ebe antes ne’e dehan PNTL sei fó seguransa máximu hodi garante estabilidade rai laran ne’e la akontese.

“Situasaun ne’ebé mak akontese iha Baucau no iha Hotel Timor nian oin, haree no akompaña kuandu Komandante Jerál PNTL foun simu pose nia promete katak, sira atu ativa membru sira 24 horas, nune’e movimentu públiku mos 24 horas, maibe realidade iha tempu kalan, haree patruliamentu polisia mínimu teb-tebes. Situasaun ida ne’e ha’u hanoin membru sira tenke tuir buat ne’ebe komandante jerál promete ona, e tenke kontrola servisu membru nian iha terenu”,afirma deputadu Marito Mota.

Lee hotu :   PR sei promulga kandidatu Vise Xefe Estadu Maior F-FDTL

Enkuantu iha Domingo (26/05/2019), kazu joven ida  ho naran Franky Akino ho idade  26 hetan tà husi ema deskoñesidu, besik postu Tránzitu  Jardim Hotel Timor nia oin no katana sabit belit metin hela iha vítima ninia kakorok.

No iha loron hanesan iha munisipiu Baucau, postu administrativu Vemase,  akontese mós kazu konfrontu entre joven hodi rezulta ema ida mate.

Atuasaun PNTL ba konflitu rigór deit iha média

Maske antes ne’e Komandu Polisia Nasional Timor-Leste (PNTL) deklara katak, sei halo atuasaun ho rigór ba ema kriminozu sira, maibé Diretor Ezekutivu Fundasaun Mahein (FM), João Almeida, konsidera deklarasaun komandu PNTL nian ne’e iha média televizaun deit, maibé iha terenu laiha.

 “Atuasaun rigór ida oinsa?  violensia ne’ebé akontese ne’e ninia rezultadu ne’e ema mate, to’o agora atuasaun rigór ne’e iha televizaun katak ho deit deklarasaun ne’ebé akontese, ho deklarasaun atuasaun ne’ebé ho rigór maibé terenu ema mate, kanek no sunu uma no prezensa polísia nian laiha ate agora suspeitu ba kazu sira ne’e seidauk kaptura”, deklara João Almeida, ba GMN iha nia kna’ar fatin Fomentu-Díli, Tersa (28/05/2019).

João Almeida esplika, violensia ne’ebé akontese iha Díli, no mós akontese iha Baucau ne’e kuaze semana ida nia laran rezulta ema nain 2 mate no daet to’o mai Díli.

“Ita hotu hatene katak  hanesan horseik ema kanek, hodi bainrua ema ida kanek iha postu polisia nia oin, ne’e signifika servisu polisia nian barak liu iha televizaun, tanba ko’alia barak iha televizaun barak maibé medidas sira konkreta atu bele asegura sidadaun sira nia seguransa ne’e menus liu”,afirma João Almeida.

Lee hotu :   F-FDTL presiza osan ba sira nia nesesidades

Nia hatutan, husi kazu sira ne’ebe mak kontinua akontese ne’e Komandante sira iha PNTL tenke foti responsabilidade ba kazu sira ne’e, katak tenke hahu ona medida seguransa ninia ba akontesimentu sira  liu-liu medida prevensaun ne’e tenke haforsa atu nune’e komunidade sira bele moris hakmatek.

“Porque iha situasaun ikus-ikus ne’e husi grupu sira mak kontrola komunidade, iha ne’ebé violensia ne’e aumenta liu tan, I medida sira husi polisia ne’e laiha ikus mai hahu husi Baucau hadaet to’o iha Díli, i Díli sai sentru nanis ona no resposta polisia nian bainhira iha akontesimentu agora medida preventiva ne’e la masimu,”tenik director ezekutivu FM. Ito/Aes

Add to Comments Here!!!!

error: Content is protected.
Secured By miniOrange
You might also like:
DIA 28/05/19 || GMNTV LIVE STREAM || JORNAL NASIONAL KALAN

DIA 29/05/19 || GMNTV LIVE STREAM || DADER KMANEK

DIA 28/05/19 || GMNTV LIVE STREAM || JORNAL AS 12

Close