JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Majen Lere la aseita Governu sosa kilat ba PCIC ■ Líder polítiku sira tenki respeita malu

Majen Lere la aseita Governu sosa kilat ba PCIC ■ Líder polítiku sira tenki respeita malu

Maske, Ministru Justisa Manuel Cárceres hateten Governu sei halo akizisaun sosa kilat ba Polícia Cientéfica Investigação Criminal ( PCIC) hodi fasilita servisu iha terrenu, maibe Xefe Estado Maior Jeneral, F-FDTL, Lere Anan Timor la aseita, tanba PCIC nee ema sivíl.

Xefe Estadu Maior Jeneral F-FDTL Major Jeneral Lere Anan Timur deklara nia parte lá aseita desizaun Governu atu sosa kilat ba Polísia Cientéfiku Investigasaun Criminal (PCIC) no konsidera hanesan ema sivíl.

Jeneral Fitun rua nee aprofunda liutan katak, tuir lei no Konstituisaun, Instituisaun F-FDTL ho PNTL deit mak bele kaer kilat.

“Ida ne’e problema fali, entaun ita kontra fali lei dehan sivíl labele lori kilat ne’e, sé ita tau kilat, Timor bele ho kilat lei ne’e ita la respeita ona, sivil labele kilat, iha Timor só lori kilat Instituisaun rua, F-FDTL ho PNTL ida ne’e deit, seluk kaer kilat ne’e krimi”, peokupa Major Jeneral Lere Anan Timur  hafoin enkontru seminal ho Prezidente Republika, Kuarta (15/05), iha palasio Presidensial.

Iha enkontru ne’e, akompaiña mós husi Vise Xefe Estadu Maior Jeneral F-FDTL Brigadeiru Jeneral Falur Rate Laek no Xefe Estadu Maior Forsa Armada Coronel Coliati.

Entretantu, akizisaun armas ne’e seidauk termina nasaun ne’ebé loloos mak Governu sei sosa, maibé Governu prepara ona orsamentu dolar amerikanu 100.000 atu sosa kilat ba PCIC.

Antes nee Ministru Justisa, Manuel Cárceres hatete sosa kiliat ba PCIC nee aprova Konsellu Ministru no prosesu ona iha aprovisionamentu.

Polícia Cientéfica Investigação Criminal hirakiamente iha Ministeriu Justisa nia okos, tuir Decreto- Lei n.º 15/2014, de 14 de Maio, nebe difini rejime designanadamente ninia atribuisaun sira, organisasaun, funsionamentu, estatutu pesoal ho regulamentu internu no regras deontolojika sira nebe kria âmbitu ba ninia funsaun sira no kompetensia sira.

Lee hotu :   Francisco Borlaco tama prizaun Becora

Líder polítiku sira tenki respeita malu

Xefe Estadu Maior Jeneral FALINTIL – Forsa Defeza Timor Leste (F-FDTL) Major Jeneral Lere Anan Timur  apela ba lider no politiku sira, atu nasaun ne’e bá oin tenke iha nasionalismu, patriotismu, responsabilidade no respeitu malu.

Major Jeneral Lere Anan Timur  koalia lia hirak nee  hafoin informa servisu instituisaun F-FDTL ba Prezidenti Repúblika Francisco Guterres Lú Olo, iha Palasio Prezidensial Nicolau Lobato, Bairu Pite Dili, Kuarta (15/05/2019).

Xefe Estadu Maior Jeneral FALINTIL – Forsa Defeza Timor Leste (F-FDTL), Major Jeneral Lere Anan Timur, hato’o asuntu ne’e, tamba lá konkorda ho atitude husi membru Parlamentu Nasional balun ne’ebe hasai liafuan makas hasoru xefe Estadu Francisco Guterres Lú Olo.

Xefe Estadu Maior Jeneral nee dehan situasaun segurana nian diak hela, só politiku sira mak sabaraut hela, tanba ita moris iha demokrasia, liberdade, demokrasia dehan ita ultrapasa ne’e mak dehan ultra demokratismu, ultrasa pasa liberdade dehan liberalism.

Veteranus FALINTIL 24 anos nee preokupa liutan membru Parlamentu Nasional sira lahatudu maturidade politika ne’ebe diak ba públiku.

“Ha’u preokupa ne’e ha’u koalia bebeik, ha’u la’os politiku, politik ba estabilidade nasional, prozemplu imi hotu akompaña situasaun parlamentu ne’eba sira atu tuku malu, tolok malu, malkriadu tama iha ne’eba hotu, tanba ba deit deputadu ida ne’ebe que hanoin lalo’os, fiu kotu”, preokupa Lere.

Veteranu Grau un nee dehan, “Lá respeitu Prezidenti ninian orgaun soberanu, nia kompetensia ida, ne’e demais ha’u nudar lideransa seguransa no defeza, apela ba lider no politik sira respeita malu ne’e mak importante liu, sé hau nia kompetensia ha’u haruka kaer ona Guntur iha parlamentu ne’eba ne’e, más laiha ne’e kompetensia orgaun seluk ninian” .

Lee hotu :   Problema Kompañia JYL Constuction rezolvidu

Esi Komandante FALINTIL rejiaun um iha tempo resistensia nee husu ba lider no politik sira atu kuidadu no labele akontese tán ba dala rua.

“Ha’u husu para labele akontese tán, repete pasiensia ha’u dehan ne’e mál nesesariu, prozemplu uluk Kalbuady tun husi avaiun ne’ene Ha’u mak polisia, komandante polisia haruka kaer tiha husu ba Tribunal ba renova mandadu, renova ka larenova nia kazu ne’e iha ona, nusa nia ba fali Parlamentu sira ne’e mak kria instabilidade nasaun ninian no ami lakohi sai vitima,” deklara, Major Jeneral Lere Anan Timur.

Ho nune’e, Major Jeneral Lere Anan Timur husu ba lidera sira tenke nafatin komunga nasionalismu no patriotism iha sira nia fuan no laran.

“Dala ida tán ha’u husu ba ita nia lider sira, politik sira tenke hanoin didiak atu lori nasaun ne’e bá oin tenke iha nasionalismu, patriotismu tenke makas responsabilidade ba idak-idak nia instituisaun no respeitu malu i ita tenke hamutuk,” hateten Lere.

Iha enkontru ne’e, akompania mos husi Vise Xefe Estadu Maior Jeneral F-FDTL, Brigadeiru Jeneral Falur Rate Laek no Xefe Estadu Maior Forsa Armada, Coronel Coliati.Eus

Add to Comments Here!!!!

error: Content is protected.
Secured By miniOrange
You might also like:
DIA 15/05/19 || GMNTV LIVE STREAM || JORNAL NASIONAL KALAN

DIA 16/05/19 || GMNTV LIVE STREAM || DADER KMANEK

ARNLV kondena grupu balun halo kobransa Ilegal

Asosiasaun Rezistensia Nasional Libertasaun dos Veteranus...

Close