JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PCIC sei utiliza pistola caliber 9×99 mm ■Camilo Ximenes: La presiza kilat

PCIC sei utiliza pistola caliber 9×99 mm ■Camilo Ximenes: La presiza kilat

Governu aprova lei Ministerial númeru 33/2017, de 24 Maio, hodi sosa kilat ho tipu pistola caliber  9×19 ba Polícia Científica Investigação Criminal (PCIC).

Tuir relatóriu  komunikadu  imprensa    ne’ebé mak GMN simu,  husi Diretór Ezekutivu Fundasaun Mahein João Belo, Sesta (17/05/19), esplika diploma Ministerial N.o 33/2017 de 24 de Maio Aprova o Tipo e o Calibre das Armas de Fogo de Serviço do Pessoal da Polícia Científica de Investigação Criminal (PCIC).

Diploma ne’e nia objetu aprova tipu no kalibre arma fogu ne’ebé bele utiliza husi pessoal PCIC, tuir termu sira iha lei, nomós regra sira akizisaun, distribuisaun no uzu nian. Ho Diploma Ministerial ne’e define tipu kalibre ba arma fogu ne’ebé pessoal PSIK iha direitu atu uza ho tipu pistola kalibre 9 X 19 mm.

Nune’e iha aniversariu PSIK ba dala-lima 14 Maiu 2019 Ministru Justisa fo sai liu husi media nasional sira katak Konsellu Ministru aprova ona pedidu husi PSIK hodi hola pistola ka kalibre arma fogu no daudaun ne’e iha faze aprovizionamentu.

Alende ne’e, Dekretu-Lei N.º 21/ 2014 de 6 de Agosto 1.ª Alteração ao Decreto-Lei n.º 15/2014, de 14 de Maio, Orgânika PCIC Hatuur PCIC hanesan korpu superiór polísia kriminál, ne’ebé organiza tuir ierarkia iha Ministru Justisa nia mahon ho autonomia administrativa, finanseira no patrimoniál.

Husi dispozisaun lei kriasaun PCIC  nian difine mós uzu no porte arma husi membru PCIC.

Tuir artigu 20 autoridade polísia kriminál sira, pesoál investigasaun kriminál no pesoál ausiliár investigasaun kriminál nian iha direitu ba uzu no porte ba kilat servisu nian, kalibre no tipu ida-ne’ebé diploma ministerial Ministro da Justisa nian. Husi dispozisaun artigu 20 nian, Ministériu Justisa iha loron 24 Maiu 2017 hasai ona diploma ministerial ida hodi define kona-bá arma fogu ne’ebé sei hola ba pessoal PCIC sira.

Tuir relatóriu FM ne’e,  iha Nesesariu ka lae PCIC lori kilat? PCIC nia natureza sientífika, ho apoiu laboratóriu Polísia sientífika nian, nu’udar sentru prinsipál liu ne’ebé fó apoiu ba investigasaun kriminál no garantia ne’ebé metin no rai didi’ak buat hirak ne’ebé sai nu’udar prova, no responsável ba rekolla, tratamentu no ezame ba vestíjiu krime nian no perísia forense, hodi hatán buat hotu-hotu no hatán nafatin ba nesesidade investigasaun kriminál sientífika no ho konfiansa.

Lee hotu :   Ekipa koordenada prende atributu PSHT iha Mota-Ain ■Kartaun identidade tau bandeira merah putih

 Nune’e  PCIC maka halo deit investigasaun ba krime grave, organizada ka kompleksa.

Misaun husi PCIC  nian maka atu fó tulun ba autoridade judisiál sira, dezenvolve no promove asaun prevensaun, detesaun no investigasaun hirak ne’ebé hola parte iha ninia kompeténsia ka hirak ne’ebé autoridade judisiál kompetente sira fó ba nia, hanesan asegura sentralizasaun nasionál ba informasaun kriminal.

Nomos ninia koadjuvasaun ba autoridade judisiariu sira, PCIC  fó tulun ba autoridade judisiál sira iha prosesu sira ne’ebé iha relasaun ho krime sira ne’ebé delega ba nia atu halo investigasaun ka bainhira husu ba nia atu foti medida sira ne’ebé iha molok julgamentu no rekere kuiñesimentu ka meiu tékniku espesiál sira.

Iha prosesu penal PCIC sei atua iha diresaun nia mahon no sei la’o tuir Ministériu Públiku ka juís prosesu nia lala’ok.
Haree husi natureza, misaun no koadjuvasaun PCIC nian hanesan “Polísia sientífika” tuir definisaun iha leten iha âmbitu investigasaun kriminal nian signifika katak ita tenke dezenvolve liu investigasaun ida sientifika.

Tamba interpretasaun ne’ebe “sala” nune’e ninia dezenvolvimentu mós sees husi ninia natureza, misaun no koadjuvasaun lolos. Katak ita la dezenvolve “investigasaun sientífika” maibe dezenvolve liu “servisu polisial”,dehan João Almeida.

Tamba ne’e la nesesariu PCIC atu lori kilat maibe importante liu tenke investe iha sira nia kuiñesementu sientifika no tekniku investigasaun nian no ho apoiu ekipamentu sira ne’ebé modernu no tuir padraun ida sientifika nian hanesan, laboratoriu hodi halo testu ka exame ba objetu sira ne’ebé ema utiliza hodi halo krime.

Exemplu, kazu kontentor sia (9) ne’ebé autoridade seguransa sira prende iha Janeiru 2018, lolos ida ne’e PCIC maka halo testu ka exame ba substansia ka materia prima PCC. Maibe tamba Timor-Leste seidauk iha laboratoriu propriu hodi halo testu ka exame ba substansia hirak ne’e. Nune’e tenke utiliza kooperasaun sira ne’ebé iha hodi ba testu iha Indonézia.

Ho ida ne’e, nesesariu tebes atu dezenvolve PSIK iha kapasidade investigasaun sientifika ida hodi tulun autoridade judisiariu sira iha prosesu penal nian. Nune’e PSIK bele atua tuir ninia natureza no nia misaun ne’ebé atribui ba sira iha ambitu investigasaun krime grave, organizada ka kompleksa.

Lee hotu :   FACEBOOK HALO FEN LAEN LORI MALU BA TRIBUNAL

Aumenta kilat, investe ba problema

Konsellu Ministru aprova ona pedidu PCIC nian ho Diploma Ministerial N.o 33/2017 de 24 de Maio Aprova o Tipo e o Calibre das Armas de Fogo de Serviço do Pessoal da PCIC no daudaun ne’e iha faze aprovizionamentu hodi sosa kilat tamba ejijensia servisu nian iha terenu ka risku sira bainhira hala’o servisu. Perguntas ba ita hotu, serake ejijensia ne’e ita ténke aprova lalais diploma ruma hodi kilat?

Mentalidade husu funu naruk ka konflitu armadu ne’ebé Timor-Leste hakat liu, no to’o agora seidauk rekopera lolos husi trauma. Ninia konsekuensia ita forma institusaun kiik ka bo’ot tenke ho kilat. Nune’e mós ita rezolve violênsia sempre ho violênsia. Iha sorin seluk, tinan-tinan efeitu husi utiliza sala kilat sai preokupasaun boot no rezulta vitima kanek, mate no trauma husi kilat ne’ebé sosa ba institusaun sira Estadu nian. Problema ida ne’e to’o agora seidauk rezolve ho diak, iha tempu hanesan ita harii institusaun foun sira ho kilat.

Ita tenke aprende husi akontesementu sira iha pasadu kona-bá utiliza sala kilat no kontrola kilat. Exemplu iha fulan Novembru 2018 kazu Kulu-Hun – Dili, ema na’in tolu mate no na’in lima seluk kanek tamba konsekuensia husi utiliza sala kilat no kilat ne’ebé deskontroladu. Ne’e hanesan exemplu ida katak institusaun sira ne’ebé harii kle’ur ona, ne’e mos sei nafatin problema ho utiliza sala kilat no kontrolu ba kilat.

Tanba ne’e, institusaun foun hanesan PCIC no la ho mekanismu no prosedementu sira ne’ebé bele kontrola no nia utilizasaun, kilat ne’e rasik sei sai risku no ameasa bainhira sei hala’o sira nia kna’ar ho kilat.

Tetu ba risku sira ne’e, ho populasaun Timor-Leste ne’ebé ho deit 1.2 milaun (Sensus 2015), institusaun hotu-hotu la’os tenke forma ho kilat. Nomós númeru kilat ne’ebé iha, labele hanesan ho númeru populasaun.

Ho ida ne’e Fundasaun Mahein (FM) rekomenda ba Ministériu Justisa halo revizaun ba Organika PSIK nian hodi hatuurPCIC nia mandatu tuir lolos nia misaun iha âmbitu investigasaun sientífika.

Lee hotu :   Lere rekomenda ba MDS foun hadia F-FDTL Fo lovour boot ba povu tomak

Rekomenda ba Ministériu Justisa halo alterasaun ba Organika PCIC nian kona-bá utiliza kilat no Diploma Ministerial ne’ebé aprova tipu kalibre arma fogu ka pistola ne’ebé sei hola ba PCIC. Rekomenda ba Ministériu Justisa investimentu ba PCIC konsentra iha hasa’e kuiñesmentu pesoal sira PSIK nian iha area investigasaun, testu ka exame tuir padraun sira sientífika nian.

Alende ne’e Fundasaun Mahein rekomenda ba Komisaun A no Komisaun B Parlamentu Nasional bolu Ministru Jusitisa justifika kona-bá razaun sira hola kilat ba PSIK hodi klarefika ba polêmika ne’ebé daudaun ne’e espalla iha públiku

Iha parte seluk, observador Politiku seguransa, atual Dekanu Siensias Sosiais UNTL, Camilo Ximenes Almeida, hateten,  la presiza PCIC kaer kilat, tanba   iha ona instituisaun PNTL no F-FDTL.

Tuir Camilo Ximenes Almeida, wainhira   PCIC atu uza kilat Governu ténki tetu didiak, tanba  iha lei konstituisaun RDTL artigu 146/   no 147 defini ona katak F-FDTL  sira halo misaun ba ameasa externa no PNTL hala’o  kna’ar hodi garante seguransa interna.

Tanba  ne’e  Camilo Ximenes Almeida, konsidera la fundamentu, Governu atu sosa kilat ba PCIC hodi hala’o servisu Governu  presiza  tetu didiak .

“Ha’u hanoin Governu presiza tetu didiak para aban bairua ita nia  membru PCIC  ne’ebé mak rekrutadu presiza treinu mós kilat ninian para oinsa mak bele uza armas, labele  sivil derpenti de’it kaer kilat”,dehan Camilo Ximenes Almeida.

Camilo Ximenes Almeida akresenta, seguransa la’o diak sé Governu kria kampu de traballu iha Timor ne’ebé mak mak barak liu no  labele husik ba Korea no ba Australia.

 “Hamenus  ita nia joven sira imigra ba rai liur kria kampu de traballu barak iha ne’e, ha’u hanoin ida ne’e bele hakmatek ona. Ha’u bele dehan karik la presiza PCIC kaer kilat”,dehan Camilo Ximenes Almeida.

Antes ne’e DiretórNasionál PCIC  Vicente  Fernandes de Brito hateten,  Governu sei halo akizasaun ba arma ho tipu pistola besik atus ida ho montante 100.000  dolar.

Maibe Xefe Estadu Maior Jeneral  F-FDTL Major Jeneral Lere Anan Timur  la konkorda sosa kilat ba PCIC.  Enkuatu deputadu sira iha iha uma fukun  Parlamentu Nasionál, husu ba Governu atu tetu didiak  wainhira sosa arma sira ne’e.avi

 

Add to Comments Here!!!!

error: Content is protected.
Secured By miniOrange
You might also like:
DIA 17/05/19 || GMNTV LIVE STREAM || JORNAL AS 12

Stock aimoruk iha SAMES sufisiente ba HNGV no sentru saúde sira

Diretora Ezekutivu  Servisu Autonomia Medikamentos e...

Eskola São Pedro Komoro lansa website Biblioteka online

Eskola Baziku no Sekundariu São Pedro...

Close