JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Autoridade indonézia hahú inkéritu ba kazál Timor-oan ■Estadu fo fiar, advogadu TL prontu defende

Autoridade indonézia hahú inkéritu ba kazál Timor-oan ■Estadu fo fiar, advogadu TL prontu defende

Autoridade Indonézia nian hahú halo inkéritu ba kazál Timor-oan nain rua nebe detein iha sela polisia Atambua, tanba deskonfia lori droga extasi musan 4.874.

Prokurador Jeral Repúblika José da Costa Ximenes hateten, semana kotuk nia parte delega reprezentante prokurador jeral ho autroidade polísia ba hasoru malu ho Autoridade Polisia Indonézia.

 “Agora saida mak Prokurador Jeral halo ona, ha’u haruka ha’u nia prokurador ida ho autoridade polisial ida, ba hasoru malu ho autoridade polisia Indonézia nian i sira informa katak Indonézia halo ona (SPDP) sira dehan Surat Perintah Dimulai Penyedikan, ita nia karik orden inisiasaun inkeritu nian hahu ona,” hatete Prokuradór Jerál Repúblika (PJR), José da Costa Ximenes ba jornalsita sira hafon enkontru seminál ho Prezidente Repúblika, Segunda (24/06) iha Palasiu Prezidensial Nicolau Lobatu Díli.

Prokuradór Jerál Repúblika dehan inkeritu inisial nee laiha provas bele maka sei iha karta hapara inkeritu nian ba kazál nain rua nee.

“Inisiasau inkeritu nian ne’e oinsa bele para, bainhira iha situasaun rua, ida bainhira nia sai Surat Perintah Penhentian Penyedikan (SPPP) karik ita nian laiha provas, informa ba prezidenti repúblika sira nia pozisaun”, haktuir José Ximenes.

José Ximenes dehan tan autoridade Indonézia nian detein ita nia ema, maibe ita mos kaer sidadaun Filipina ida nebe sai hanesan autor principal ba droga nee.

“Agora ita nian Indonézia kaer ida ne’e no Timor Leste mos kaer sidadaun Filipina ida ho insial JG, Timor Leste nain rua nene’e idenifka ne’e ida naran JSP ho AS ita tenta kontaktu Prokurador Jeral ho autoridade sentral Indonézia nian ne’ebe iha Ministeriu Justisa nia okos para atu haree to’ok kestaun sidadaun Timor oan nain rua ninian,” hateten PJR.

Lee hotu :   Polísia Xina kaptura tan feto Timor nain lima

 “Agora ita haree lai saida mak ami bele halo, ami tenta lai kontaktu ho autoridade sentral koalia tók ho sira sá posibilidade mak bele halo, tanba saida autor prinsipál la’os iha Timor, Timor ne’e uza deit hanesan utulizasaun dalan ka tranzit deit, destinasaun final iha Indonézia mais ema balun iha Timor halo ida ne’e los ka lae, tanba ne’e mak ita kaer hela arguido ida JG iha Timor, tanba ida ne’e,” Dehan, José  Ximenes.

 Sidadaun kazál Timor ho inisiál JSP no AS dadaun ne’e kontinua detein iha sela polísia Atambua Belu Indonézia, desde loron (29/05/2019) hafoin kaptura iha fronteira Mota-ain ho ekstasi musan 4.874 iha printer laran atu lorí ba Kupaun Indonézia.   

Estadu fo fiar, advogadu TL prontu defende

Advogadu Privadu husi JNJ, Pedro Camões, hateten, nia parte disponível no prontu atu defende no sai hanesan advogadu ba kazál Timor-oan na’in rua ne’ebé detidu iha nasaun Repúblika Indonézia (RI), wainhira família no Estadu fo fiar.

“Hanesan Timor-Oan, ha’u prepara no disponível atu defende kazal na’in 2 ne’e kuandu família no Estadu husu, maibé presiza haree mós ba lei Indonezia nini’an, tanba iha situasaun rua ne’ebé la hanesan, tanba Timor iha lei propriu ne’ebé fó dalan ba advogadu estranjeiru hodi fó asisténsia ba sira nia sidadaun, maibé iha Indonezia lei la fó fatin no seidauk iha mekanizmu atu ema estranjeiru bele atua sidadaun ruma a não ser fó apoiu tékniku bele, maibé ne’e kabe ba papel Estadu atu koloka sé de’it mak bele fó apoiu tékniku ne’e em termus de troka informasaun ho advogadu Indonezia ne’ebé fó asisténsia ba kazal na’in 2 ne’e”, Advogadu Privadu husi JNJ ne’e iha TDD, Segunda (24-06-2019).

Lee hotu :   MEJD HUSU DISKULPA BA JORNALSITA SIRA

Nia akresenta, Estadu iha papel atu atu lori fila kazal na’in 2 ne’e, hodi buka meius, tantu liu husi embaixada Timor nian iha Indonezia ou liu husi konsuladu sira.

“Dalan ne’ebé Estadu tenki foti mak primeiru tenki iha kooperasaun, tanba iha prátika Timor-Leste hatudu ona boa vontade hodi koopera ho Indonezia wainhira iha tinan hirak liu ba sidadaun Indonezia balun ne’ebé komete krimi violasaun direitu umanu iha Timor-Leste, maibé Estadu konsege entrega dadur ne’e ba Indonezia, tanba ne’e tempu to’o ona atu Estadu husu fali ninia sidadaun kazal na’in 2 ne’e mai Timor, hodi prosesa tuir lei Timor, segundu karik lei Indonezia la permiti ita atu fó asisténsia ba kazal na’in 2 ne’e, entaun bele mós tau hela ema ruma hodi akompañia advogadu Indonezia ne’ebé fó asisténsia ba kazal na’in 2 ne’e iha ne’ebá, atu nune’e bele halo servisu em kooperasaun hodi fornese informasaun, tantu sobre kazal 2 nia involvimentu iha krimi ne’e no mós kona-bá lei Timor no Indonezia iha prosesu investigasaun, ho nune’e bele fó espasu ba kazal na’in 2 ne’e hodi defende sira nia direitu molok halo akuzasaun hasoru sira, tanba dau-daun ne’e sira iha prosesu investigasaun nia laran hela”, dehan Pedro.

Tuir Advogadu Privadu JNJ nia haree katak, mekanizmu barak mak Estadu presija halo em termus relasaun bilateral ne’ebé hala’i ba akordu no posibilidade ne’ebé iha, tanba Timor iha lei kooperasaun internasional ne’ebé aplika mós iha rai seluk, tanba ne’e ministériu relevante hanesan Ministériu Negosiu Estranjeiru no Kooperasaun (MNEC) no Ministériu Jusitsa (MJ) tenki buka ona meius liu husi lei, maibé ema hotu labele lakon esperansa ba Estadu nia esforsu, tanba dau-daun ne’e iha faze buka meius hodi solusiona kazu ne’e.eus/ita

Add to Comments Here!!!!

error: Content is protected.
Secured By miniOrange
You might also like:
DIA 25/06/19 || GMNTV LIVE STREAM || DADER KMANEK

DIA 24/06/19 || GMNTV LIVE STREAM || JORNAL NASIONAL KALAN

Mundo ho Tetum 8 Juñu 2019

Close