JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Horta husu governu buka advogadu defende kazal Timor-oan detein iha Atambua

Horta husu governu buka advogadu defende kazal Timor-oan detein iha Atambua


Eis Prezidente Repúlika Timor-Leste, José Ramos Horta husu ba Governu atu buka advogadu  hodi defende kazal Timor-oan nain rua ne’ebé polisia Atambua-Indonézia detein, tamba lori droga ho tipu estasi husi Timor ba Atambua.

José Ramos Horta hato’o asuntu ne’e hafoin halo abertura ba programa angariasaun fundu ONG FOKUPERS iha Balapasu Díli, foin lalais.

Premiadu nobel da paz ne’e hatete, Prokuradória Jerál  Repúblika Timor-Leste tenke haree lalais kazu ne’e hodi justifika autor prinsipal ba kazu refere.

“Kona-ba ita nian sidadaun rua ne’e, buat ne’ebe hau lé iha jornal, parese que sira la hatene, sira sai vítima ema entrega mala ka para lori to’o kupang. Agora governu ita nian tenke haré advogadu ida que di’ak, advogadu ita nian rasi kne’ebé ho esperensia ho advogadu Indonézia para defende kazal timor oan rua ne’e,” hateten Premiadu Nobel da Paz , José Ramos Horta.

Timor-oan nain rua ne’e detein ona iha sela polísia Atambua Belu-Indonézia iha loron 29 fulan Maiu tinan ne’e, tamba deskonfia lori tama droga ho tipu extasi musan 4,874 husi Timor-Leste ba Atambua Indonézia liu husi  fronteira Mota Ain.

Joven Bairro Pite husu Governu responsabiliza

Juventude suku Bairro Pite hamutuk ho família husu ba Governu atu responsabiliza, liu husi buka solusaun no akordu extradisaun ho nasaun Indonesia, atu nune’e lori fila kazal na’in rua (2) ne’ebé deskonfia hatama droga ba Indonezia no hetan kapturasaun husi Polisi Republik Indonesia (POLRI) iha Atambua, foin la-lais ne’e.

“Ami husu ba Prezidenti atu toma responsabiliza ba sidadaun na’in 2 ne’e, oinsa buka alternativu hodi salva sira husi pena de morte tuir lei Indonezia no husu mós ba Governu bele kria akordu extradisaun ho Indonezia atu protejz sidadaun Timor na’in 2 ne’e”, porta voz, Mariquito de Jesus ba GMN liu husi konferensia imprensa iha aldeia Frecat, suku Bairro Pite, Sábadu (08-06-2019).

Lee hotu :   Nomeasaun Xefi Estado Maior F-FDTL la´os segredu

Juventude husi suku Bairo Pite ne’e husu mós ba Governu atu tau atensaun ba servisu Alfándega no Polísia Nasional Timor-Leste (PNTL) ninian, atu nune’e bele evita droga tama iha Timor-Leste.

“Ami husu mós ba Tribunal atu fó pena ne’ebé adekuadu ba sidadaun estranjeiru ne’ebé involve iha kazu droga, atu nune’e laiha espasu ba sira hodi hala’i sees husi justisa iha Timor Leste”, dehan Mariquito.

Husi sorin seluk, Prezidenti Asosiasaun Majistratura Timor-Leste (AMTL), Antonino Gonçalves sujere ba Governu tenki kria meius liu husi akordu extradisaun, atu nune’e bele lori kazal na’in 2 ne’e mai fali, enkuantu la’e kazal na’in 2 sei tuir prosesu julgamentu iha Indonezia no tuir lei Indonezia pena ba krimi droga maka pena de morte no perpetua.

“Governu maka tenki involve hodi lori sira na’in 2 mai, maibé presiza ita hatene katak, krimi ne’ebé kazal na’in 2 komete ne’e iha Indonezia konserteza julga iha ne’ebá no konsekuensia ba kazal nain 2 ne’e maka hetan pena de morte no perpetua, tanba ne’e Governu maka tenki halo diálogu ho Indonezia, tanba sira na’in 2 hanesan Timor-Oan, karik iha posibilidade atu julga iha Indonezia no sira nain 2 kumpri pena ne’e iha Timor de’it, nune’e bele proteze kazal na’in 2 ne’e”, dehan Antonino.To’o notísia ne’e hatún seidauk hetan konfirmasaun ho parte Governu. Ito/Ita

 

Add to Comments Here!!!!

error: Content is protected.
Secured By miniOrange
You might also like:
Projetu tasi mane sei lori dezenvolvimentu TL ba oin

Desculpe, este conteúdo só está disponível...

DIA 10/06/19 || GMNTV LIVE STREAM || DADER KMANEK

DIA 07/06/19 || GMNTV LIVE STREAM || DADER KMANEK

Close