JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu soe bebé iha Lahane Osidental, Mario lakohi entrega ba bebé nia inan

Kazu soe bebé iha Lahane Osidental, Mario lakohi entrega ba bebé nia inan

Bazeia ba despaixu Tribunal Distrital Díli (TDD), iha Sesta, loron 7, fulan ne’e, Prokuradora, Bemvinda do Rosário ho Defensor Públiku, Estaque Guterres akompaña ho Polísia Nasional Timor-Leste (PNTL) ba iha sentru saude Vera Cruz hodi ezekuta orden TDD katak provizoriumente bebé tenki hela ho ninia inan, atu nune’e bele fó susu, maibé Mario Nunes nu’udar ema ne’ebé hili bebé lakohi entrega bebé, tanba konsidera ninia inan oho ona no la merese atu fó fila ba inan.

Defensor Públiku, Estaque Guterres informa ema hotu tenki hakru’uk ba lei ne’ebé iha, hodi koopera ho justisa, atu nune’e bele kumpri desizaun tribunal ninian, tanba hakarak ka lakohi tenki entrega duni bebé ne’e ba ninia inan, bazeia ba desizaun tribunal iha primeiru interogatóriu.

“Klaru que akontese duni, no tuir deklarasaun arguida iha tribunal katak, momentu ne’ebá nia ba partu duni, maibé iha minutu balun, nia husik hela bebé hodi ba foti neras hodi taka, maibé wainhira nia seidauk to’o fatin Mario Nunes maka to’o uluk hodi hetan bebé ne’e, maibé arguida rasik laiha intensaun atu soe ninia oan, tanba ne’e prosesu ba arguida kontinua lao hodi hein investigasaun, maibé tribunal nia desizaun iha primeiru interogatóriu maka aplika medida koasaun aprezentasaun periódika ba arguida no kona-bá bebé ne’e tenki entrega ba família no inan, atu nune’e bele fó susu, tanba ne’e ohin ami mai para husu ba ema ne’ebé hetan bebé ne’e, atu entrega ho voluntariumente”, Estaque Guterres ba GMN wainhira ezekuta despaixu tribunal iha Sentru Saúde Vera-Cruz, Sesta (07-06-2019).

Nia esplika, desizaun tribunal foka liu ba direitu labarik ne’ebé sei ki’ik no presiza inan nia susu no kona-bá prosesu ba hahalok arguida ninian kontinua la’o ho investigasaun.

Lee hotu :   Australia oferese embarkasaun rua ba VII governu

Iha fatin hanesan, Mario Nunes hanesan ema ne’ebé hetan bebé nafatin iha komitmentu hodi la fó bebé ba família, tanba konsidera bebé nia inan oho ona nia no la merese atu fó fila ba inan.

“Ha’u nia hakarak bebé ne’e hela ho ha’u no nia inan, inklui família bele ba haree de’it iha ha’u nia uma, maibé kuandu atu foti fila ne’e ha’u la fó”, dehan Mario.

Husi sorin seluk, Membru Konsellu Suku Lahane Osidental, Romano Pereira la konkorda ho desizaun tribunal, tanba fó fali protesaun ba inan ne’ebé soe tiha bebé no ikus mai rekoñese fali nia oan.

“Kuandu inan ne’ebé soe ona ninia bebé, maibé ikus mai rekoñese fali no tribunal konsidera aktu ida ne’e loos, entaun loke tiha odamatan komarka, atu nune’e inan ne’ebé kastigu, tanba soe bebé bele sai hotu, nune’e lei  ne’e fo mós protesaun ba sira”, hateten Romano.

Entretantu Xefi Suku Lahane Osidental, Fransisco Smith husu ba ninia komunidade atu kumpri despaixu tribunal ninian no entrega bebé ba família, atu nune’e ninia família maka responsabiliza.

Antes ne’e, iha loron 6, fulan ne’e, iha primeiru interogatóriu TDD aplika aprezentasaun periódika semana ida dala ida ba bebé nia inan ou arguida ho inisial IRP no Ministériu Públiku (MP) promove arguida komete krimi abandona labarik, tanba abandona ona ninia oan iha Teca-Hudi Laran, suku Lahane Osidental.

Tuir informasaun, aktu refere inan husi bebé ou arguida IRP halo mais ou menus tuku ida meiudia, oras Timor-Leste, iha loron 4, fulan ne’e, iha suku Lahane Osidental, munisípiu Díli. ita/mya

Add to Comments Here!!!!

error: Content is protected.
Secured By miniOrange
You might also like:
Sistema demokrasia iha TL sai ezemplu ba mundu

Timor-Leste (TL) nu’udar nasaun ki’ik ne’ebé...

Trafikante droga hatene TL nia frakeza “Governu akompaña nafatin nia sidadaun na’in rua iha Atambua”

Prezidenti Asosiasaun Majistratura Timor-Leste (AMTL), Antonino...

Semana oin, Aviaun TransNusa hahú voo Kupaun-Díli

Semana oin (14/06), Aviaun TransNusa husi...

Close