JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur Matan Ruak: Governu Timor-Leste difisil lori fila kazal na’in rua

PM Taur Matan Ruak: Governu Timor-Leste difisil lori fila kazal na’in rua

Primeiru Ministru (PM), Taur Matan Ruak, hatete governu Timor- Leste difisil atu lori fila fali kazal timor- oan nain rua nebe lori droga nebe autoridade Indonesia nian detein hela iha Atambua – Belu, tanba laiha akordu lei extradisaun ho nasaun viziña, Indonesia. 

 “Primeiru ita laiha akordu extradisaun ho Indonesia ne’e signifika katak ne’e sé ita hakarak lori fali mai tenke iha akordu extradisaun, Indonesia labele foti fó deit mai, imposivel, ha’u hanoin ita hein tanba ne’e ita haree evolusaun ne’e lao oinsa”, deklara, Xefe governu hafoin hasoru malu ho Prezidente Repúblika Francisco Guterres Lú Olo, iha Palásiu Prezidensiál Nicolau Lobato, Bairu Pite-Dili, Segunda (10/06/2019).

Xefe Ezekutivu hatutan katak  kestaun justisa nian no Justisa mak haree, maibe Governu sei haree trambitu no saida bele halo para to’o iha kestaun lei extradisaun ne’e.

Sidadaun kazál Timor ho inisiál JSP no AS detein hela iha sela Polísia Atambua – Belu Indonesia, iha loron (29/05/20190 hafoin kaptura iha fronteira mota-ain, tanba deskonfia trafikante droga ekstase musan 4.874 iha printer laran ne’ebé atu lori ba Kupaun, Indonesia.

Antes nee parte Indonesia legaliza aplika pena de morte ba trafikante droga, terorista no korupsaun  no aplika sentensa prizaun perpetua durante tinan 20, wainhira konsidera arguidu iha komportamentu di’ak.

Nunee mos família no sosiedade sivíl sira antes nee husu Governu Timor Leste  atu lori fila sidadaun Timor nain rua ne’ebé deskonfia lori droga ne’e  hodi prosesa tuir lei Timor nian.

Xavi atu lori fila kazal na’in rua tenki iha prova

Diretor Judicial System Monitoring Programe (JSMP), Luis Oliveira Sampaio hateten, xavi atu lori fila kazal Timor-Oan na’in rua (2) ne’ebé detidu iha Atambua-Indonesia mai Timor-Leste maka tenki iha prova, katak sidadaun Filipina na’in tolu (3) maka hakarak lasu duni kazal na’in rua ne’e, tanba tuir informasaun katak, kazal na’in 2 ne’e inosente.

Lee hotu :   LERE BOLU ATENSAUN BA MUTL, KOIDADU HO APROVEITAMENTU ‘INIMIGU’

“Ema hotu konsidera kazal na’in 2 ne’e inosente no iha parte seluk polísia ka’er toman sidadaun Filipina na’in 3 ne’ebé deskonfia lasu ou fó droga ne’e ba kazal na’in 2 ne’e lori tama ba Atambua-Indonesia, karik iha prosesu investigasaun tuir mai maka hetan prova katak, loos duni Filipinu na’in 3 ne’e maka lasu kazal na’in 2 ne’e hodi lori droga tama ba Atambua sein koñesimentu husi kazal na’in 2 ne’e maka Governu tenki halo fali esforsu hodi konvense Governu Indonesia, hodi uza prova husi Filipina na’in 3 ne’e, entaun bele lori fila kazal na’in rua ne’e, maibé prosesu investigasaun ba Filipinu na’in 3 ne’e tenki la-lais, atu nune’e bele hetan prova katak, Filipinu na’in 3 ne’e maka iha intensaun atu lasu kazal na’in 2”, Diretor JSMP ba GMN iha ninia kna’ar fatin, Colmera-Díli, Segunda (10-06-2019).

Nia esplika, nasaun ida-idak iha ninia lei no kona-bá pena ba krimi droga tuir lei Indonesia maka aplika pena de morte no perpetua.

“Kona-bá krimi droga paiz ida-idak iha ninia autoridade no prinsípiu teritorialidade no konserteza krimi ne’e kazal na’in 2 halo iha Indonesia no dalan ne’ebé di’ak ba Governu Timor-Leste atu foti oportunidade maka tenki halais prosesu investigasaun ba Filipinu na’in 3 ne’e, atu nune’e bele hetan la-lais evidensia hodi konvense ho Indonesia”, haktuir Luis Sampaio.

Nia dehan, dau-daun ne’e Timor-Leste seidauk iha akordu extradisaun ho Indonesia no akordu extradisaun tenki halo antes molok akontese kazu hanesan ne’e.

“Akordu labele halo bainhira kazu ne’e akontese ona no akordu extradisaun tenki halo antes ho área espesifiku oi-oin, karik liga ho kazu ne’e maka foin bele deskuti, maibé kazu ne’e mosu tia maka foin halo akordu, entaun labele aplika ba kazal na’in 2 ne’e, tanba akordu halo no tenki aplika ba oin la’os ba fali kotuk”, dehan Diretor JSMP ne’e.

Lee hotu :   SEAACLN propoin US$184.000, Selu veteranus ho estabelese KV

Luis Sampaio sujere, Governu tenki hanoin investe iha área formasaun, fasilidade no hametin koordenasaun entre instituisaun relevante, liu-liu iha área fronteira, atu nune’e bele evita ema uza Timor hanesan fatin transaksaun droga, tanba trafikante hatene katak Timor-Leste hanesan fatin potensia ba transaksaun, la’os sai fatin alvu ba sirkulasuan droga, tanba trafikante sira hatene Timor-Oan seidauk iha kapasidade naton atu sosa droga. Eus/ita

Add to Comments Here!!!!

error: Content is protected.
Secured By miniOrange
You might also like:
DIA 11/06/19 || GMNTV LIVE STREAM || DADER KMANEK

DIA 10/06/19 || GMNTV LIVE STREAM || JORNAL NASIONAL KALAN

DIA 10/06/19 || GMNTV LIVE STREAM || JORNAL AS 12

Close