UEP detein suspeitu ida lori sasan kro’at

Unidade Espesial  Polísia (UEP) detein tan suspeitu ida ho inisial JS iha Ponte Komoro 3, tanba lori sasan kro’at.

Suspeitu ne’e detein, wainhira, operasaun membru UEP, liu husi área  Ponte Komoro III  Sabdu (22/06/19) kalan.

Suspeitu ne’e, entrega ba Polísia Eskuadra Dom Alexio, hodi submete ba prosesu investigasaun no detein iha sela detensaun Polísia Munisípiu Díli.

“Ita hatene sé mak kontra lei númeru 5/2017, armas brankas prosesu ténki la’o, depois detein suspeitu durante oras 72, depois aprezenta ba iha tribunal hodi tuir primeiru interogatóriu”,esplika Komandante Jerál PNTL Komisáriu Faustino da Costa, ba jornalista sira, Segunda (24/06/19), iha Sentru Formasaun Polísia Komoro Díli.

Antes  ne’e mós Unidade Espesial Polísia Seksaun Anti Terrorismu detein joven nain rua, iha Rotunda Komoro tanba lori sasan kro’at.avi