JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Advogadu Indonézia garante sei laiha pena de morte ba kazál Timor-oan

Advogadu Indonézia garante sei laiha pena de morte ba kazál Timor-oan

Advogadu  privadu sidadaun Indonézia, Jeremias Haekase, hateten, nia parte garante sei laiha pena de morte ba kazál Timor-oan ne’ebé detidu iha Atambua, Indonézia, tanba sira lori deit ema nia sasan hanesan pakote droga ne’e iha printer laran, no la’os sira mak konsume.

Tanba ne’e, hanesan advogadu sei halo esforsu tomak hodi defende kazál  Timor-oan ne’e,  wainhira prosesa kazu ne’e ba  iha tribunal Indponézia.

Alende ne’e, kliente ne’ebé atu simu paket ne’e mós Polísia Indonézia no detein ona iha Kupang. Tanba  ne’e, advogadu  ne’e garante  ba kliente nain rua ne’e,  sei laiha pena de morte.

 “Pozisaun  ha’u ninia kliente  iha kazu droga ne’e, nia hanesan kurir lori de’it, ne’e duni ha’u halós deit informasaun katak,   ha’u-nia kliente, tribunal  sei la aplika pena de morte, ha’u prontu  responsavel ba ha’u-nia deklarasaun”,esplika Advogadu  privadu  sidadaun Indonézia, Jeremias Haekase, ba  jornalista  sira Kinta (11/07/19), iha Bairrro-Pite, Díli.

Kazál Timor-oan ne’e, Polísia Indonézia detein tanba deskonfia lori droga ho tipu extasi  musan 4.874, husi Timor-Leste ba  Indonézia.

Jeremias Haekase dehan, dadauk  ne’e nia kliente nain rua JSP  no AS,  detein hela iha sela Polísia  Indonézia,  Atambua-Belu,  no  autoridade seguransa halo ona  teste urin, hatudu sinal negativu, katak, sidadaun Timor-Leste nain rua ne’e la konsumu droga, maibe lori de’it  paket printer droga  husi kompañia JPC International  Morven atu entrega iha kliente ida  iha Kupang-Indonézia, maibe hetan kapturasaun husi Polísia Indonézia.

Nia hatutan, durante  iha Díli,  Jeremias Haekase, akompaña ho  kazál  Timor-oan ninia inan-aman   iha Díli ba hasoru Prokurador Jerál Repúblika, José Ximenes, iha ninia servisu fatin Kolmera Díli hodi koalia kona-ba progresu  kazu kazál  Timor-oan fen ho laen  ne’ebé mak detein iha sela Polísia, Atambua.

Lee hotu :   MUTL ezije PN kria rezolusaun hasai armas PNTL

“”Señor Prokurador Jerál Repúblika fó fiar  mai  ha’u hodi defende  kazál  Timor-oan fen ho laen wainhira tuir julgamentu  iha tribunal Indonézia”,dehan Jeremias Haekase.

Jeremias Haekase hatutan, ba Timor oan sira tomak labele influensia ho informasaun sira ne’ebé mak publika dehan detidu kazál Timor-oan sei kona pena de morte.

“Artigu ne’ebé uza ba ha’u-nia kliente laos pena de morte, maibe artigu ne’ebé mak uza ba ha’u-nia kliente mak Undang-Undang N0.35, Pasal 112 ayat 1 dan 2, Pasal 114 ayat 1 dan 2, Pasal 132 ayat 1 dan 2  Undang-Undang Republik Indonesia  N0.35 tinan 2009 kona-ba narkotika. Husi artigu ne’ebé uza ba ha’u-nia kliente iha ne’eba hatete, Tersangka dalam dugaan pidana memiliki, menyimpan, menyerahkan, dan atau permufakatan jahat untuk melakukan tindak pidana golongan satu bukan tanaman, dengan ancaman pidana paling singkat 4 tahun, paling lama 20 tahun.”dehan Jeremias Haekase.

Kazál  Timor-oan ne’e  detein  iha Kuarta, loron 29, fulan Maiu, tinan  ne’e, mais ou menus tuku 11 meiudia oras Indonézia, tanba deskonfia lori droga ho tipu extasi husi Timor-Leste ba Atambua, Indonézia liu husi liña fronteira Mota-Ain.

Droga hirak ne’e detekta husi x-ray servisu Alfándega Nusa Tenggara Timur, iha fronteira Mota-Ain.avi

Add to Comments Here!!!!

error: Content is protected.
Secured By miniOrange
You might also like:
DIA 11/07/19|| GMNTV LIVE STREAM || JORNAL AS 12

DIA 10/07/19|| GMNTV LIVE STREAM || JORNAL NASIONAL KALAN

DIA 10/07/19|| GMNTV LIVE STREAM || JORNAL AS 12

Close