JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: GAM mak fatór instabilidade

Lere: GAM mak fatór instabilidade

Xefe Estadu  Maior Jeneral F-FDTL Major Jeneral, Lere Anan Timur, konsidera, Grupu Arte Marsiál (GAM) mak sai fatór instabilidade iha rai-laran, liu-liu iha semana kotuk akonteste konfrontasaun entre GAM iha Aldeia Bauro, Suku Leorema, Postu Administrativu Bazartete, Munisípiu Liquiça.

“Artemarisiais ne’e la’os ita ukun a’an mak mosu ou Portugés nia tempu mak mosu, mas mosu iha Indonézia nia  tempu. Agora  ida ne’e mak governu presiza haree, porque sira ne’e mak ita bele dehan fatór instabilidade, porque foin lalais iha Leorema nai’n rua mate, na’in tolu kanek, sunu uma 13 no motor 7.  Agora ha’u kestiona, artemarsiais sunu ka krimi organizadu, sé armartesiais mak sunu apezar governu seidauk rekoñese iha  ninia líder, konformi sira informa katak,  KORK (Kmanek Oan Rai Klaran) ho PSHT (Persaudaraan Setia Hati Terate), sé artemarsiais  husu sira, sira ne’e artemarsiais husi ne’ebé? sé mak nia Xefi, ténki husu ida ne’e”, esplika Xefe Estadu  Maior Jeneral F-FDTL Major Jeneral Lere Anan Timur, ba  jornalista sira Tersa (09/07/19), hafoin enkontru  konsellu  seguransa  defeza ho Prezidente Repúblika, Francisco Guterres ‘Lú Olo’ iha Palásiu Prezidensial, Bairro-Pite, Díli.

Lere hatutan, agora dadauk  la’os tempu atu oho malu, kuandu  grupu arte marsiál mak kontinua halo problema, forsa armada ho Polísia hamutuk sei atua.

Líder másimu instituisaun  ne’e mós akresenta katak, dadauk ne’e servisu departementu Jota II, (intelejen),  servisu hela iha terenu identifika hela  fatin sira konsidera risku ba konflitu, pur izemplu iha Díli nomós iha foho.

“Hanesan Polísia Nasionál Timor-Leste nian, hanesan bain-bain  ha’u dehan ita labele konfia deit atuasaun violentu, ita presiza mós iha medida  preventiva, labele  represiva deit, envés de ita halo naran barak Unidade Intervensaun Rápida (UIR), que  naran oin-oin deit la rezolve buat ida, Polísia Komunitária ne’e mak ténki iha, sira-nia misaun mak apoiu konvivénsia loron kalan ho  ita-nia komunidade,  manan sira-nia simpatia hodi bele respeita no hadomi, kuandu ita uza deit violénsia ita nunka rezolve problema”,dehan Lere Anan Timur.

Lee hotu :   Tinan ne’e, UPF kaptura membru arte-marsiais liu 120

Konfrontu iha Liquiça, Polísia Nasionál Timor-Leste, Unidade Espesiál Polísia (UEP) detein ona suspeitu nain ida,  submete ona ba primeiru interogatóriu  no  Tribunal Distrital Díli aplika prizaun preventiva ba suspeitu, no dadauk ne’e  iha ona prijaun Bekora, Díli.

PN lakohi fó kulpa ba GAM

Reprezentante povu iha Parlamentu Nasionál (PN), konsidera kazu omisídiu  ne’ebé akontese iha Postu Administrativu Leorema, Munisípiu Liquiça, la’os entre Grupu Arte Marsiál (GAM) sira, maibé entre juventude sira.

Tanba ne’e, Segundu Vise Prezidenti Parlamentu Nasionál, Luis Roberto husu parte relevante, atu labele fó kulpa ba GAM, tanba GAM seidauk reativa.

“Akontesimentu iha Liquiça ne’ebé rezulta ema na’in rua mate no balun kanek, sunu mós uma 13, ida ne’e balun interpreta katak, ne’e husi grupu arte marsiais, maibé tuir ha’u nia haree, ita hotu hatene katak, arte marsiais ne’e taka tiha ona, bazeia ba rezolusaun númeru 16 ne’ebé sai katak, arte marisias nia atividade ne’e seidauk reativa, tanba ne’e, akontesimentu iha fatin ne’eba ne’e, signifika katak juventude sira ne’ebé mak inklui iha problema ne’e, iha lei para atu prosesa, ita labele fó todan ba arte marsiais, tanba arte marsiais agora dadaun ne’e seidauk reativa, ne’e taka tiha ona, tanba dehan labele atu eziste tan iha Timor-Leste, tanba sa mak ita kontinua dun ba arte marsiais, liu-liu iha líderansa balun mós ko’alia atu fó xamada ba lideransa arte marsial nian, arte marsial ne’e seidauk reativa, tanba ne’e la’os arte marsiais mak halo, maibé juventude sira mak hamosu buat ida ne’e. Tanba ne’e, husu kontribuisaun husi komunidade sira hotu, no ba ita-nia seguransa, buka oinsa para bele tau atensaun ba asuntu ne’e, para kontrola situasaun ne’e, kotinua di’ak ba futuru”, afirma Luis Roberto iha nia intervensaun, liu husi sesaun plenária Tersa (09/07/2019).

Lee hotu :   LERE BOLU ATENSAUN BA MUTL, KOIDADU HO APROVEITAMENTU ‘INIMIGU’

Segundu Vise Prezidente Parlamentu ne’e mós rekomenda ba deputadu komisaun B ne’ebé trata asuntu defeza no seguransa, atu bele tu’un direita ba fatin akontesimentu kazu omisídiu  iha Liquiça, hodi bele buka dadus konkreta.

“Husu mós komisaun B ne’ebé halo tratamentu asuntu defeza no seguransa, atu bele to’o iha fatin ne’eba, para bele foti mós dadus konkreta ruma, para bele apoiu ka koopera ba justisa”, tenik Luis Roberto.

Iha biban hanesan, deputadu CNRT, Domingos Lemos mós reforsa tan, iha tempu mosu akontesimentu sira iha baze, difikulta tebes membru PNTL atu halo atuasaun ho lais, tanba transporte laiha, no balun kondisaun ladun favoravel atu halai ba tama fatin área rural sira.

Tanba ne’e nia parte husu Governu atu bele tau atensaun ba kondisaun membru PNTL nian.

“ Foin lalais ne’e, iha fulan kotuk, problema ida mosu iha Suku rua iha Ermera, polísia sira kewalahan ho transporte, para bele ba atua, problema ne’ebé mak mosu, iha momentu ne’e sira telfone ba Prezidente Autoridade, Prezidente Autoridade kontaktu liña sektorais sira iha Munisípiu Ermera atu bele apoiu transporte ba ita-nia seguransa para bele ba atua problema ida ne’e, maibé realidade to’o kalan sira labele hetan kareta ida ho kondisaun di’ak atu nune’e sira bele to’o iha terrenu, fatin ne’ebé mak akontese problema. Kestaun ne’e sériu uitoan, husu ba ministru defeza no seguransa atu bele haree asuntu ida ne’e, tanba transporte ne’e sai fatór importante ba ita-nia PNTL sira atu halo atuasaun, bainhira mosu problema iha tempu ne’ebé ita la espera”,akresenta reprezentante povu ne’e.

Hatan ba preokupasoens husi reprezentante povu sira ne’e, Ministru Reforma Lejislativa no Asuntu Parlamentar, Fidelis Magalhães, informa, nia parte sei hatutan ba ministériu relevante, atu bele tau atensaun ba kestaun ne’e.avi/say

Add to Comments Here!!!!

error: Content is protected.
Secured By miniOrange
You might also like:
Opozisaun akuza AMP uza forsa maioria altera lei RAEOA-ZEESM ■Vise PPN konsidera opozisaun ‘bobar lia’

Bankada opozisaun FRETILIN no Partidu Demokrátiku...

DIA 10/07/19|| GMNTV LIVE STREAM || DADER KMANEK

Jornal Semanário GMNTV Edisaun 7 Jullu 2019

Close