JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sérgio Hornai: CAC detein funsionáriu ADN tanba uza kareta Estadu la tuir regra

Sérgio Hornai: CAC detein  funsionáriu ADN tanba uza kareta Estadu la tuir regra

Komisáriu Comissão Anti Corrupção (CAC), Sérgio Hornai, deklara, CAC detein funsionáriu tékniku Ajensia Dezenvolvimentu Nasionál (ADN) husi Indonézia, ho naran Harunu Padmo Wipoyo, tanba utiliza kareta Estadu la tuir regra no servisu propriu tuir lei haruka.

Ho nune’e, Sérgio Hornai husu ba entidade hotu atu labele jeneraliza situasaun hodi justifika argumentu, maibé tenki halo definisaun karik iha servisu urjenti ruma ne’ebé fora husi oras servisu, tenki iha autorizasaun propriu husi instituisaun ba utilizasaun viatura Estadu, tanba CAC detein ema wainhira identifika utiliza kareta Estadu la tuir regra.

“Ha’u hakarak halo esklaresimentu uitoan katak, CAC la’os detein funsionáriu ADN, maibé detein infrator ne’ebé uza patrimóniu Estadu fora husi oras servisu iha Sábadu no Domingu no konkretamente iha operasaun konjunta ikus ne’e, konsege detekta funsionáriu nasional ka internasional ne’ebé halo hela funsaun iha Timor-Leste, maibé utiliza patrimóniu Estadu la tuir fins ba servisu propriu tuir lei haruka, tanba iha momentu ne’ebá locos de leitos detekta katak, dokumentu komprovativa laiha no karik fins husi utilizasaun kareta ne’e ba servisu, entaun laiha problema, maibé tula fali família mak problema, tanba ekipa konjunta identifika iha iregularidade balun, maibé finalidade mak ita hotu hakarak asegura utilizasaun patrimóniu Estadu husi kada funsionáriu Estadu, tantu nasional ka internasional ho ninia finalidade ba apoiu servisu Estadu, tanba ne’e labele jeneraliza situasaun ne’e hodi justifika ita nia argumentu, maibé tenki halo definisaun karik iha servisu urjenti ruma ne’ebé fora husi oras servisu tenki iha autorizasaun propriu husi instituisaun ba utilizasaun viatura Estadu ni’an hirak ne’e”, Komisáriu CAC ne’e ba GMN iha ninia kna’ar fatin, Farol-Díli, Tersa (02-07-2019).

Lee hotu :   Alfândega prende tua ho sigaru ilegál ■PNTL detein ona suspeitu

Sérgio Hornai esplika, prosesu investigasaun ba kazu infrasaun hirak ne’e la’o hela no dau-daun ne’e, CAC konsege halo ona auto partisipasaun ba iha Ministériu Públiku.

“Tuir dekretu lei númeru 23/2015 no númeru 8/2009, CAC iha kompetensia atu tau matan, asegura no garante prosesu investigasaun kriminal ba krimi ne’ebé ho natureza korupsaun no utilizasaun patrimóniu Estadu kabe hodi halo prevensaun no hola medida represivu atu bele sujeita ba prosesu investigasaun, tanba ne’e finalidade husi operasaun konjunta ne’e rasik atu minimiza potensia ba krimi no ba utilizasaun patrimóniu Estadu ne’ebé la’os uza ba fins de propriu nesesidade servisu”, dehan Komisáriu CAC ne’e.

Tuir dadus husi CAC, hahú iha fulan Maiu to’o agora operasaun konjunta konsege detein no halo ona fragante de leitu ba infrator hamutuk 16, identifikasaun pesoal ba ema 33 no hirak ne’ebé submete ona ba MP hamutuk 49, ba kareta hamutuk 20 no motor 29.

Antes ne’e, Adjuntu Diretór Jeral, Ajensia Dezenvolvimentu Nasionál (ADN), Rui Lourenço da Costa, senti lamentavel ho atuasaun ekipa Comissão Anti Corrupção (CAC) ninia’n ne’ebé detein ona funsionáriu tékniku ADN husi Indonézia, ho naran Harunu Padmo Wipoyo, tanba deskonfia utiliza kareta Estadu iha loron Domingu.ita

Add to Comments Here!!!!

error: Content is protected.
Secured By miniOrange
You might also like:
TR anula desizaun ba Emília Pires, Deolindo: Presiza TDD haree fila-fali

Tribunal Rekursu (TR) desidi anula kazu...

DIA 02/07/19 || GMNTV LIVE STREAM || JORNAL NASIONAL KALAN

DIA 02/07/19 || GMNTV LIVE STREAM || JORNAL AS 12

Close