JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL la autoriza manifestasaun durante selebra Loron Konsulta Popular  Ativista sira dada bandeira OPM

PNTL la autoriza manifestasaun durante selebra Loron Konsulta Popular  	Ativista sira dada bandeira OPM

Komandante Operasionál Nasionál, Polísia Nasional Timor-Leste (PNTL), Superintendente Xefi, Pedro Belo, la autoriza grupu ruma atu halo manifestasaun durante selebrasaun Loron Konsulta Popular 30 de Agosto ba dala-20, tanba konvidadu husi rai liur barak maka sei partisipa iha selebrasaun loron importante nee.

“PNTL husu ba joventude, estudante no povu doben Timor-Leste mai ita hotu hamutuk asegura seguransa ba komemorasaun 20 anos, Loron Konsulta Popular 30 de Agosto no chegada misaun INTERFET iha Timor-Leste, atu nune’e aktividade bele la’o ho seguru, iha harmonia nia laran”, hatete Komandante Operasionál Nasionál PNTL ba jornalista sira iha Kuartel Jeral PNTL, Kuarta (28-08-2019), Díli.

Pedro Belo esplika, razaun PNTL la autoriza parte ruma halo manifestasaun durante komemorasaun loron konsulta popular ba dala 20 ne’e, tanba konvidadu barak husi rai liur mós partisipa iha serimonia refere iha Tasi-Tolu, Díli.

“Estadu Timor-Leste konvida bainaka barak mak sei partisipa iha serimonia refere hamutuk ho komunidade sira iha Tasi-Tolu no dau-daun ne’e konvidadu barak mak to’o ona iha Díli, tanba haree ba importansia komemorasaun loron konsulta popular ne’e, mak PNTL bandu mós grupu, organizasaun no movimentu sira atu halo manifestsaun no marsa da paz iha kapital Díli no iha munisípiu, alende ne’e bandu mós hato’o petisaun ba bainaka no embaixada  sira iha Díli, bainhira la kumpri PNTL sei atua tuir lei númeru 1/2016 kona-bá liberdade reuniaun no manifestasaun, tanba artigu 10 avizu priviu pontu 1 to’o 4 no pontu 1 ema ne’ebé mak atu realiza reniaun  ba públiku ténki fó avizu liu husi hakerek mínimu loron 4 nia laran ba polísia, iha avizu ne’e tenki asina husi  promotor na’in 5 ne’ebé tau sira nia naran no hela fatin no provizaun”, tenik Pedro Belo.

Lee hotu :   MDS rekomenda governu asegura FM

Alende ne’e, aktivista internasional husi nasaun Indonesia, Nancy Inamoni ho ninia kolega sira dada bandeira Bintang Kejora husi Organisasi Papua Merdeka (OPM), iha jardin Borja, Farol-Díli, hodi hatudu solidaridade ba Papua Osidental atu bele hetan independensia no sira dada bandeira ne’e hafoin partisipa festival solidaridade ne’ebé organiza husi soseidade sivil Timor-Leste.

“Ami nia kolega sira iha Timor-Leste mak konvida ami mai iha Timor-Leste, hodi fó solidaridade ba Papua ho Maluku atu bele hetan independensia”, dehan Nancy Inamoni.

Husi sorin seluk, reprezentante aktivista Timor-Leste, Domingos de Andrade hateten, sira sei la organiza manifestasaun no sei la hato’o petisaun ruma, maibé sei fó solidaridade ba komunidade Papua Osidental bele hetan ukun rasik-án.

“Kona-ba manifestasaun ha’u la hatene, maibé ko’alia kona-bá solidaridade  Timor-Leste ninia independensia la monu hanesan fitun husi lalehan, la moris hanesan du’ut manulai, hetan mak solidaridade husi maluk internasional sira, tanba ne’e Timor-Leste labele sai oportunista, Timor-Leste tenki fó fali solidaridade ba rai ne’ebé mak hetan hela presaun ka hetan hela invazaun husi nasaun seluk, Porexemplu Papua Osidental,  Republik Maluku Selatan (RMS) ne’ebé mak luta hela atu hetan sira nia independensia”, dehan Domingos de Andrade.

Entretantu festival solidaridade hodi komemora loron konsulta popular 30 Agosto ne’e, hala’o iha jardin Borges ne’e, hetan seguransa husi Polísia Nasionál Timor-Leste. Avi

Add to Comments Here!!!!

error: Content is protected.
Secured By miniOrange
You might also like:
PM Taur fó Onra ba timor-oan sira nebe mate iha 1999

Primieru Ministru, Taur Matan Ruak lori...

TR konsidera inkonstitusional PN iha alternativa rua solusiona LAP – LFP

Tribunal Rekursu (TR), deside artigu balu...

Dia 28/08/2019 || GMNTV LIVE STREAM || JORNAL AS 12

Close