JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AJAR kritika Xanana Gusmão

AJAR kritika Xanana Gusmão

Diretór Asia Justice And Right (AJAR), José Luis Oliveira, halo krítika Ba eis Primeiru Ministru, Kay Rala Xanana Gusmão, neébé foin lalais ba sobu lutu iha área Kaitehu, Munisípiu Likisa, tanba la satisfeitu ho desizaun Tribunal ne’ebé ba taka fali dalan iha área refere hodi impede kompãnia internasional China Harbour labele dulas fatuk britas hodi konstroi Portu Tibar ba interese nasionál.

José Luis Oliveira hatete, ba sidadaun hotu ne’ebé senti prejudikadu ho desizaun Tribunal kona-ba kazu ruma, presiza halo fali rekursu ba Tribunal, labele ba halo intervensaun arbiru. Luis Oliveira mos husu ba sidadaun hotu tenki hakrúk ba konstituisaun no desizaun ne’ebé fó sai husi Tribunal.

 “Hotu tenki hakrúk ba desizaun. Ha’u lamentavel tebes intervensaun husi ita-nia Maun Boot Kay Rala Xanana Gusmão. Dalaruma ita la satisfeitu ho desizaun tribunal, maibé iha dalan seluk, dalan ne’e mak dalan rekursu atu kontesta fali desizaun tribunal, la’os fali ho maneira muturabu fali, no ita halo justisa ho ita nia liman rasik, ne’e ladun diak”,deklara José Luis Oliveira ba GMN iha nia kna’ar fatin Farol, Díli, Sábadu (14/09/2019).

Luis Oliveira esplika, intervensaun ne’ebé Kay Rala Xanana Gusmão halo ne’e sei enkoraja liu tan ema balun depois atu la respeita orgaun soberanu tribunal sira, nune’e mós la enkoraja atu fiar katak solusaun ba problema refere tenke liu husi via pasífika, via judisial iha nasaun ne’e.

Tanba ne’e, nia dehan, ninia implikasaun ba futuru sei enkoraja ema atu halo tuir nia hakarak no konsidera justisa la vale ona, signifika katak ema ne’ebé forte  mak bele goja justisa maibé ema ne’ebé fraku kontinua hanesan ne’e.

Lee hotu :   PCIC kontinua prosesa money laundry ho droga ■ Governu mantein sosa pistola ba PCIC

Nia realsa, ho hahalok sira hanesa mós atu enkoraja ema hodi viola konstituisaun, tanba tuir artigu 118 alina 3 ne’e hateten, katak dezisaun trbunala mak dezisaun ne’ebé aas no entidade hotu tenke kumpri, iha konstituisaun laran ne’e dehan nune’e, se ita lakonkorda halo rekursu.

“La’os dezisaun tribunal tún tiha ona polísia tau tiha liña depois ita ba sobu ne’e ladun diak, ida ne’e  ita nasaun ne’e sai muturabu liu tan. Tuir lolos ema líder ida hatudu ezemplu diak, atu halo buat ruma tenke tetu didiak, tenke juiju molok ita halo asaun no reasaun ne’ebé que ita halo mós tenke ho edukativu, eduka ema seluk, la’os reasaun ne’ebé enkoraja jerasaun tuir mai sai aat liu”,tenik José Luis Oliveira.

Maske nune’e, tuir estudante Universidade Nasional Timor-Lorosa’e, Elvis da Silva, hatete, intervensaun líder karismátiku Kay Rala Xanana Gusmão, tún ba sobu lutu iha área Kaitehu, Munisípiu Likisa, foin lalais ne’e hodi empreza internasional China Harbour bele hala’o fali servisu ne’e kapás tebes, no la’os problema bo’ot ida. Xanana hatudu hanesan ne’e ba públiku hodi hamós tiha mafia sira iha justisa nia laran hodi nune’e labele prejudika fali Estadu.

“Durante Timor-Leste ukun-an to’o agora ne’e máfia iha justisa (Mafia Hukum), ne’e Estadu nunka tau importánsia hodi kombate, lahatene lei mak fraku hodi kombate máfia justisa hirak ne’e ka nusa? Juiz sira iha Tribunal ne’eba ne’e mos la’os santo ho santa be moos hotu deit. Sorti maun bo’ot Xanana tún ba sobu tiha lutu ne’e mak Ministru Justisa, Manuel Cárceres foin dehan, dokumentu ba rai ne’e iha hela ha’u nia meja hodi análiza. Se maun bo’ot Xanana la sobu karik, dokumentu ne’e kala la análiza ona karik,” dúvida Elvis hodi haree ba servisu orgaun judisiária sira no mos Governu ninian durante ne’e.

Lee hotu :   SISTEMA JUDISIÁRIU TL LA’O LA TUIR KONSTITUISAUN

Tanba ne’e ba oin, nia husu ba Estadu atu kria lei ida rigorozu hodi haree kestaun sira hanesan ne’e hodi labele mosu preokupasaun públiku nian katak, iha máfiozu barak iha Tribunal, no orgaun judisiariu sira.

Kay Rala Xanana nu’u líder karismátiku no nasionalista puru  buka atu tane aas interese nasional no interese Estadu nian, foin lalais foti inisiativa sobu tiha lutu ne’ebé taka dalan ba Konstrusaun Portu Tibar. Portu Tibar ne’e projetu Estadu ne’ebé parseria empreza públiku no privadu ne’ebé halo ho objetivu atu fo benefisiu ba Estadu Timor-Leste.

“Portu Tibar ne’e ba interese nasional, la’os ba ha’u nia pesoal. Ne’ebé Tribunal hakarak mai kaer, ha’u mak ne’e”,dehan Xanana Gusmão foin lalais.

Kona-ba rai disputa ne’e rasik, laiha koñesimentu husi Diresaun Terras Propriedade Munisípiu Likisa. Dokumentu sukat rai, tranzasaun venda no kompra, dokumentu troka naran husi vendedór ba kompradór, no dokumentu notariadu sira seluk produs hotu iha Díli. Enkuantu rai disputa ne’e tama ba kompetensia DTP Munisípiu Likisa nian.

Antes ne’e mos, Ministru Justisa, Manuel Cárceres, rejeita la’os broker ba projetu Portu Tibar ne’e no nia sei kee sai máfia sira iha Terras Propriedade no sei duni sai sira hotu kedas.

Antes ne’e mos Manuel Cárceres iha koñesimentu kona-ba disputa entre Marino Emterprise ho China Harbour relasiona ho aluga ba rai refere.Aes

Add to Comments Here!!!!

error: Content is protected.
Secured By miniOrange
You might also like:
Uma-kain 1237 sei asesu Solar Panel

Ministériu Obras Públikas asina akordu ho ...

TL-RI sei hakotu disputa fronteira iha Oecusse

Ministru Negósiu Estranjeiru no Kooperasaun (MNEK),...

PM Taur kansela planu rekrutamentu membru PNTL foun

Primeiru Ministru (PM),  Taur Matan Ruak,...

Close