JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Disputa rai iha Kaitehu, Advogadu ME aseita MJ bongkar mafia

Disputa rai iha Kaitehu, Advogadu ME aseita MJ bongkar mafia

Advogadu Privadu husi Marino Enterprise (ME), Pedro Apariçio hateten, nia parte aseita ho Ministru Justisa (MJ), Manuel Carcéres nia deklarasaun katak, iha tempu badak sei bongkar sai mafia iha Diresaun Terras no Propriedade, atu nune’e iha futuru labele akontese tan problema disputa rai ne’ebé mosu iha iha Kaitehu, munisípiu Liquiça, entre kompañia ME no China Harbour.

“Iha duni mafia justisa, liu-liu iha Diresaun Terras no Propriedade, ha’u hanesan advogadu rekoñese iha duni servisu mafia iha Diresaun Terras no Propriedade, tanba iha funsionáriu balun que fó informasaun laloos, tanba uluk rai ne’ebé iha área Kaitehu ne’e sira dehan Estadu ni’an hotu, hodi fó hatene ba China sira katak, rai sira iha Kaitehu ne’e Estadu ni’an, maibé ikus mai Sekretáriu Estadu Terras no Propriedade, inklui Ministru tun iha terenu hodi rekoñese katak, iha duni rai privadu ne’ebé partensia ba komunidade ni’an no ikus mai fahe rai sira ne’e ba rua no ida ne’ebé iha foho leten partensia ba Estadu no ida kraik ne’e rai privadu ema na’in 17 ni’an, maibé funsionáriu sira iha Terras no Propriedade mak fó hela deit informasaun hodi hakerek surat ba Primeiru Ministru (PM) katak, ami nia rai ne’e mos partensia ba Estadu, tanba ne’e, ha’u aseita ho MJ ne’ebé hateten atu bongkar sai mafia iha justisa, liu-liu iha Diresaun Terras no Propriedade, tanba servisu la ho onestidade, maibé la’os sira hotu, maibé iha ida ou rua, liu-liu hirak ne’ebé kaer kargu importante sira”, Advogadu Privadu husi ME ne’e ba GMN iha Tribunal Distrital Díli, Segunda (23-09-2019).

Pedro Apariçio informa, iha duni mafia iha Diresaun Terras no Propriedade, tanba iha kazu rai barak ne’ebé iha hela prosesu mediasaun, hodi defini estatutu rai, maibé iha kotuk funsionáriu Diresaun Terras no Propriedade fó ba kompañia ou ema seluk arenda.

Lee hotu :   PN hakarak PR eleitu mak nomeia PTR no PJR foun

“Iha prosesu barak akontese ona, exemplu ha’u nia rai deit mós rezolve hela iha Terras no Propriedade, hodi halo mediasaun hodi defini estatutu rai, maibé iha fatin seluk funsionáriu Terras no Propriedade fó tiha fali ba ema seluk arenda, entaun iha duni mafia, tanba laiha onestidade servisu no simu subornu husi liur, tanba sira halo asaun ne’e mós iha motivu ou keta ema mak fó osan ba sira hodi halo buat hirak ne’e ka oinsa no kuandu ema ne’ebé servisu loos wainhira nia superior rekoñese ona katak, rai ne’e privadu, entaun funsionáriu sira tenki halo tuir, la’os superior desidi oin seluk no funsionáriu halo fali buat seluk”, tenik Advogadu Privadu husi kompañia ME ne’e.

Antes ne’e MJ, Manuel Carcéres hateten, iha tempu badak sei bongkar sai mafia iha justisa nia laran.

Relasiona ho problema ne’e, jornalista tenta halo konfirmasaun ho parte Diresaun Terras no Propriedade, maibé lakohi fó komentariu. ita

Add to Comments Here!!!!

error: Content is protected.
Secured By miniOrange
You might also like:
PM Taur hato’o sentidu kondelénsia ba família kongregasaun Saleziana

Primeiru Ministru Taur Matan Ruak, hato’o ...

PN husu PNTL investiga estudante ne’ebé halo agresaun hasoru Nina

Deputadu bankada Partidu Demokratiku ( PD...

Ramos Horta: PN labele obstakuliza asaun diplomátika PR nian ba rai-liur

Eis Prezidente Repúblika (PR), José Ramos...

Close