KM aprova proposta rezolusaun governu sosa kilat ba PCIC

Reuniaun Konsellu Ministru  (KM), Kuarta (11/09), aprova proposta rezolusaun governu, konaba autorizasaun akizasaun arma fogo ba Polisia Cientifika Investigasaun Kriminal (PCIC).

Ministru Prezidénsia Konselu Ministru, Agio Pereira, hato’o lia hirak nee hafoin reuiniaun Konsellu Ministru iha Palasiu  Governu, Díli.

Tuir governante nee katak Korpu Superior husi Polísia kriminal hanesan, misaun hodi servisu hamutuk ho autoridade judisiária, dezenvolve no promove asaun husi prevensaun, detensaun no mos investigasaun husi nia kompeténsia.

Ema númeru rua iha Oitavu Governu Konstitusional nee dehan ba sira ne’ebé komete husi autoridade judisiária kompotente hodi bele asegura sentralizasaun nasionál husi informasaun kriminal no respetiva koordenasaun operasionál no kooperasaun polisial nasionál.

Iha fatin hanesan Ministru Justisa Manuel, Cálceres da Costa,hatete proposta rezolusaun governu, konaba autorizasaun akizasaun arma fogo ba PCIC, Konsellu Ministru aprova ona, no sei koalia ho Ministru Interior konaba ida ne’e.

Polisia Cientifika Investigasaun Kriminal nee hierarkiamente  subordinada iha Ministeriu Justisa nian. Antes nee Ministériu Justisa deside atu hola kilat hamutuk 100 ho nia total orsamentu Dolar Amerikanu 100.000.tos