JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Filomeno Paixão kondena suspeitu lori motor tama aeroportu-laran

Filomeno Paixão kondena suspeitu lori motor tama aeroportu-laran

Ministru Defeza no Interior Interinu, Filomeno Paixão, kondena suspeitu  ne’ebé  lori motor halai tama ba Aeroportu Internasionál Prezidente Nicolau Lobato hodi duni tuir aviaun Srwijaya.

Tan ne’e governante ne’e, promete sei loke prosesu investigasaun ba suspeitu ne’e.

“Ha’u sei investiga  kazu  ne’e ho didiak, ne’e sinal ida, portantu dala ita hanoin dehan ema  ne’e atu ba para de’it iha liur,  afinal   ema ne’e  ho motor tama liu ba iha aeroportu  laran. Ohin ha’u temi tiha ona  kona-ba krimi organizadu kona-bá terorizmu  buat sira ne’e bele halai ba iha ne’ebá, sé aviaun la’o hela mak ida ho motor ba atravesa ne’e fó dezastre boot ida”,esplika Ministru Defeza no Interior Interinu Filomeno Paixão, hafoin partisipa grande entrevista  iha studio  2  GMN Bebora Díli, Segunda (14/10/19)

Insidente  ne’e akontese Segunda (14/10/19)  mais oumenus tuku 1 liu minutu 40 oras Timor-Leste, wainhira  suspeitu ne’e kondus motor Revo ne’ebé mak laiha sapa matrikula hodi   tama ba  aeroportu laran, aselera nia motor  duni tuir aviaun Sriwijaya, maibé seguransa sira duni tuir konsege kaptura. No dadauk  ne’e suspeitu  detein hela   iha sela detensaun Polísia  atu submete ba prosesu investigasaun.

Tuir informasaun ne’ebé GMN hetan katak, suspeitu ne’e frustradu ho nia namorada ne’ebé deside ba eskola iha Indonézia, no suspeitu ne’e orijin husi Ermera.

Prosesa ho seríu

Prezidente Parlamentu Nasionál (PPN), Arão Noe Amaral husu Governu liu husi ministériu interior no autoridade relevante sira, atu bele hola medidas no halo investigasaun kle’an, atu nue’e labele fó rizku ba Timor-Leste nia polítika relasaun internasionál, inklui aktu ne’e mos ameasa ba ema nia vida.

Lee hotu :   Tama Natal ahi mate, PN husu Governu investiga EDTL

“Ida ne’e grave tebes, foin primeira vez akontese iha mundu, tuir loloos asuntu ne’e labele akontese, tanba ne’e nia impaktu  bo’ot tebes, ba ema atus resin ne’ebé viajen uza aviaun. Tanba ne’e, relasaun ho asuntu ne’e, la’os investiga de’it ema ida tama ne’e maibé, investiga mós seguran sira ne’ebé husik nia tama mós tenki investiga, no tama husi ne’ebé. Tanba ne’e ha’u husu ba ministru interior tau atensaun ba ida ne’e, nune’e mós parte seguransa tenki investiga, tanba sa mak sira husik liu ema ne’e tama to’o iha aeroportu laran, ida ne’e grave ba Estadu no nasaun, tanba kuandu ida ne’e akontese ne’e, ameasa ida ba Estadu, sa tan ita-nia kampu aviasaun ne’e, internasionál, la’os aviaun rai laran de’it mak tama  iha ne’ebá. Tanba ne’e mak grave tebes liga ba polítika relasaun internasionál, tanba ema bele iha dúvidas bainhira atu tama mai iha ita-nia rain, kuandu ho akontesimentu sira hanesan ne’e”, deklara Prezidente PN, Arão Noe ba jornalista sira iha PN, Tersa (15/10/2019).

Líder másimu órgaun lejisladór ne’e mós husu ministériu relevante sira, atu bele tau atensaun sériu liutan, nune’e labele akontese tan situasaun hanesan ne’e iha futuru, tanba akontesimentu hanesan ne’e, nu’udar dúvidas bo’ot ba ema estranjeiru atu mai Timor-Leste.

“ Ha’u husu ministériu relevante sira, primeiru tenki fó sansaun ba ema ne’ebé tama, tanba ida ne’e hanesan krime ida ne’ebé nia halo, nune’e mós sira ne’ebé seguransa iha momentu ne’eba ne’e tenki responsabiliza hotu, para nune’e labele akontese tan. Se frakeza ne’e iha liñas ruma, presiza haforsa servisu, tanba ne’e mak husu autoridade sira ne’ebé ka’er jestaun ba ida ne’e, tenki aumenta seguransa, no tau ema ho kualidade no responsabilidade, para nune’e labele akontese tan, tanba ida ne’e bele lori dúvidas bo’ot, ba ema ne’ebé hakarak mai vizita Timor, motor ida mak tama to’o fali kampu aviasaun laran ne’e grave tebes. Tanba ne’e husu para halo investigasaun kle’an ba asuntu ne’e”, tenik Arão Noe.

Lee hotu :   MP HALAO SEMINÁRIU INTERNASIONAL HO ICCBA

Akontesimentu ne’e, akontese iha  Segunda loron 14 fulan Outubru tinan ne’e, iha Aeroportu internasionál Nikolau Lobato Komoro Díli.avi/say

Add to Comments Here!!!!

error: Content is protected.
Secured By miniOrange
You might also like:
PNDS-YBT kapasita ema ho defisiensia Timor-Oan iha Kupang

Programa Nasional Dezenvolvimentu Suku (PNDS) Timor-Leste,...

MNEK sei aprezenta embaixadór pendente iha KM

Ministru Negósiu Estranjeiru no Koperasaun (MNEK),...

PR Lú Olo simu karta kredensial husi embaixadór haat

Prezidente Repúiblika (PR), Francisco Guterres ‘Lú...

Close