PARPOL 5 TAMA IHA NEGOSIASAUN FORMASAUN GOVERNU

Partidu politiku 5 ne’ebe liu bareira 4% hodi hetan asentu iha Parlamentu Nasional (PN) periodu 2017-2022 halo marsa ki’ik ida hodi buka malu no tuur hamutuk, oinsa mak bele konvense malu atu hamutuk forma Governu.

Maske nune’e, Partidu Libertasaun Popular (PLP) deklara ona nia pozisaun dehan, PLP sei la ba Governu no ontinua iha opozisaun atu prepra batalha ba 2022. Eleisaun jeral, foin lalais ne’e, termina ona nia rezultadu katak partidu FRETILIN hetan primiru lugal vensedor maioria simples ho kadeira 23 iha PN, tuir kedas partidu CNRT (kadeira 22), PLP (8), PD (7) no KHUNTO (5). Ho nune’e, partidu FRETILIN iha direitu atu loke komunikasaun ho partidu sira seluk atu koalia ka halo koligasaun ba formasaun Governu.  Wainhira FRETILIN la konsege halo aprosimasaun ho parpol seluk ba formasaun Governu, maka oportunidade tuir mai CNRT bele negosia ho parpol seluk ba formasuan Governu nian.  Espetativa ne’ebe iha no boot liu mak FRETILIN bele koliga ho CNRT atu forma Governu ou FRETILIN bele koliga ho PN no KHUNTO ba formasaun Governu. Enkuantu obsaun ida ne’e la konsege, maka CNRT iha biban ba formasaun Governu hamutuk ho PD no KHUNTO.  Tanba ne’e, fila-falia ba maneira aprosimasaun partidu sira nian atu hamutuk ba formasaun Governu mai ne’e. Prezidenti Conselho Diretiva Nasional (CDN) CNRT, Dionisio da Costa Babo Soares, klarifika katak, parpol sei halo negosiasaun no koligasaun atu difini formasaun VII Governu Konstitusional. “Ami sei tu’ur hamutuk ho  partidu sira seluk no hanoin didiak  bele forma Governu ne’ebe viábel, importante partidu sira nia dever atu bele garante estabilidade hodi nune’e forma Governu la bele monu iha dalan klaran,” hateten Dionisio Babo  ba jornalista iha Parlamentu Nasional, Tersa (1/8/2017).Nia haree katak, partidu ne’ebe deit mak bele konvense malu atu forma Governu  tenke estabelese to’o tinan 5 mai. Esperensia hatudu katak, partidu FRETILIN, CNRT, PD no mos  FRENTI-MUNDANCA  servisu ne’ebe diak. Maibe atu forma  VII Governu iha partidu foun rua mak PLP ho KHUNTO Partidu hotu hakarak asegura estabilidade Nasional lori dezemvolve Timor leste la’o ba oin  importante hau hanoin koligasaun ho  hamutuk ho partidu se deit  la iha problema, hamutuk ho FRETILIN, PD, KHUNTO no partidu seluk maibe difini mak regras no elementos ne’ebe importante.ety