JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lian membru parlamentu foun, PROMETE SAI IBUN NO TILUN POVU

Lian membru parlamentu foun, PROMETE SAI IBUN NO TILUN POVU

Membru Parlamentu Nacional (PN) IV Lejislatura promete katak, sei sai ibun no tilun ba povu, durante mandatu tinan lima nia laran (2017-2022) no sei hala’o knar no kompetensia tuir lei.

Gabriela Alves husi bankada FRETILIN dehan ”ami hanesan partidu FRETILIN mai hosi membru OPMT, kandidatu hanesan membru parlamentu nasional, partidu Fretilin laos partidu foun, desde uluk kedas nia maka husu independensia ba rai ida ne’e, no iha responsabilidade tomak ba rai ida ne’e, ho dezafiu sira ne’ebé ami hasoru, ho ida ne’e iha 2017 ida ne’e ami nia programa iha nanis ona, lideransa Marí Alkatiri vizaun ba 2017-2022 ne’e iha kedas ona, ami halo ona kompromisu ba povu, iha kampanha no programa ida ne’e ami sei halo tuir, ami tuir nafatin planu ne’ebé partidu prepara tiha ona no ida ne’e maka ami sei implementa iha futuru.

Angelina Maria Sarmento husi bankada PLP dehan, desde lejislatura sira ne’ebé liu ona, ita haree iha parlamentu iha mudansa barak ona, entermus de hala’o sira nia knaar, funsaun no kompeténsia tuir konstituisaun no tuir lei haruka ne’e duni ha’u iha esperansa katak hanesan deputadu foun iha parlamentu nasionál hosi bankada PLP ha’u iha esperansa katak partisipasaun PLP iha PN bele halo balansu iha prosesu polítika iha uma fukun ida ne’e tanba buat barak maka la’o seidauk loos, seidauk tuir nia dalan, seidaukhatuur Timor iha nia fatin lolos tanba ne’e maka PLP mosu atu bele kontribui ba mudansa ba rai ida ne’e, hosi lalaok ida ne’ebé la loos ba loos no hosi ida neébé ladi’ak ba di’ak liutan. PLP mai atu propoin fali proposta lei importante sira ne’ebé maka sai ona kompromisu eleitorál, ne’ebé hato’o ona iha momentu kampanã katak bainhira hetan oportunidade atu ukun ka hetan asentu parlamentár, PLP hakarak halo mudansa liuhosi reforsa proposta de li hirak ne’ebé maka pendentes, proposta de lei sira neébé maka mais prioridade atu hadia nasaun ida neé nia lalaok.

Lee hotu :   Xanana Gusmão: DERROTA IHA ELPAR, SAI LISAUN BA KUADRU PARTIDU

Elvina Sousa Carvalho husi bankada PD dehan “ha’u nia hanoin katak parlamentu ida ne’e kompostu hosi deputadu sira ne’ebé maka dinámiku, hosi partidu ida-idak maibé ho hanoin ida deit atu bele hato’o aspirasaun povu nian ne’e ba iha uma fukun parlamentu nasionál. parlamentu nasionál hanesan fatin ne’ebé di’ak atu lori aspirasaun povu nian ba tinan 5 nia laran”

Domingos Savio Kiik-Oan husi bankada FRETILIN dehan hanesan membru parlamentu foun, ami iha espetativa ida, ami iha esperansa ida katak oinsa maka ami mai atu fó ami nia kontribuisaun atu promove nafatin parlamentu ida neé bele tuir tempu, etapa dezenvolvimentu ne’ebé la’o, dezenvolvimentu mundiál oinsá bele halo adaptasaun, ita nia atitude de servisu ba halo atendimentu ba komunidade ida ne’e i oinsá maka parlamentu ida ne’e bele rona povu nia halerik no oinsá PN bele fó hanoin nafatin ba governu hodi nune’e governu bele taumatan, povu nia susar, terus, ne’ebé tuir objetivu luta ba povu no rai ida ne’e nian.

António Verdial de Sousa husi bankada KHUNTO “Pesoalmente ami nain lima ne’ebé tama iha parlamentu ne’e ami nia hakarak ami mai sai matan, tilun, ibun ne’ebé di’ak ba povu Timor-Leste, sai fiskalizadór ida ne’ebé di’ak iha uma fukun parlamentár, bele reprezenta  povu Timor-Leste hodi haree ba Asuntu oioin, dimensoens oioin, dimensoens reais ne’ebé ita hatene katak liuliu iha parte ekonopmi, sosál, polítika, kultura, defeza, no seguransa, ida ne’e maka ita tenki tau matan hodi serbi ba nasaun, ba di’ak povu Timor-Leste ninian”.

Manuel T. A. de Carvalho husi bankada PD “Hau nia perspetiva no hau nia espetativa ba ba parlamentu ba sesaun ida ne’e ba quarto lejislatura katak sei mosu parlamentu ida ne’ebé maka reprezentativu liu, acumula entidades hotu-hotu nia hanoin, tau hanesan interese nasionál. Parlamentu nasionál mos hanesan órgaun segundu soberano de estadu tanba ne’e maka povu hili atu deputadu ida-ida representa sira ko’alia problema povu nian, ko’alia kona-ba estadu no nasaun nia vida”.

Lee hotu :   XANANA GUSMÃO: CNRT BA OPOZISAUN NO LA KONVIDA PARPOL SELUK FORMA GOVERNU

Vice Parlamentu Nacional, Julio Sarmento Meta-Malik husi bankada PD. ninia vizaun mak atu responde ba fiar ne’ebe povu fo. Simu responsabilidade ne’e tanba povu maka fó kbi’it ne’e mai ita, iha minutu balu ita mós la espera atu sai vise prezidente más depoisde minutu balun, hau nia sekretáriu jerál retira no hau ba okupa nia fatin, eleitu ba meza sai vise prezidente PN. Hau espera katak fiar malu ho prezidente tanba vise prezidente sai kolaboradór ba prezidente, ne’e duni, fasilita malu, ajuda malu, atu lori prosesu tomak iha uma fukun ida ne’e ba futuru ne’ebé maka povu ida ne’e hein hela no ba futuru ne’ebé maka povu ne’e antusiazmu no hakarak atu haree no parlamentu ne’e modelu ba tinan lima ba kuartu lejislatura. Vizaun atu di’ak la di’ak hein kontribuisaun membro deputadu 64 iha parlamentu ami hamutuk bele tanba sei lahanoin bele ho krítikas oioin mas krítikas atu konstroi,atu lori susesu ba povu no rai ida ne’e, tanba ne’e maka hau laiha dúvidas.

José Agostinho dos Santos husi bankada KHUNTO. ninia vizaun mak luta ba nesesidade povu Timot-Leste.  Reprezentante povu atu sai matadalan, ibun no tilun ba populasaun. Tau aas interese nasionál, interese estadu, interese povu, laos interese partidu ou pesoal.

Add to Comments Here!!!!

error: Content is protected.
Secured By miniOrange
You might also like:
Konfiansa povu, FRETILIN LIDERA ORGAUN SOBERANU TOLU

Gloria boot ba partidu FRETILIN ne’ebé...

JORNAL NACIONAL GMNTV Loron-07 Fulan-Setembru Tinan-2017

JORNAL NACIONAL GMNTV Loron-07 Fulan-Setembru Tinan-2017

MEMBRU F-FDTL 500 EXTENDE TAN KONTRATU TO’O 2020

Membrus FALINTIL-Forsa Defeza Timor Leste (F-FDTL)...

Close