JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Opozisaun ho Governu “soke malu” ■Povu mak sofre no lakon

Opozisaun ho Governu “soke malu” ■Povu mak sofre no lakon

Ekonomista nudar mos Reitor Universidade da Paz (UNPAZ), Lucas da Costa, la senti preokupa ho opozisaun maioria iha Parlamentu Nasional (PN). Importante, opozisaun ho Governu koopera malu atu bele asegura destinu Governasaun to’o tinan lima (2017-2022).

Lucas da Costa afirma katak, se Governu lori programa politika ba PN ho intensaun no orientasaun ba povu nia diak no povu nia interese, maka la iha duvidas atu opozisaun apoia hodi fo sira nia votus konfinasas ba programa Governu nian. Mas, opozisaun ho Governu la junta malu no ida-idak defende nia arogansia politika, autormatikamente sei soke malu iha PN ne’ebe ikus mai Governu bele la seguru no nia implikasaun todan liu mak povu sei sei sofre no lakon boot.

“Hau la dun preokupadu kona ba opozisaun maioria iha PN no Governu minoria. Hau preokupa mak Governu maioria ne’e iha vontade hakarak diak no iha hanoin los para atu rezolve nasaun nia problema ka lae? Se karik sira iha vontade diak, hanoin los, entaun sira bele opozisaun, mais sira sei la hamonu Governu iha dalan klaran. Kuandu hanoin la diak, opozisaun soke malu ho Governu, ikus mai Governu monu iha dalan klaran la’os Governu maka lakon, mas povu Timor tomak lakon,” afirma Prof. DR. Lucas da Costa, hodi responde GMN iha salaun UNPAZ, Sesta (22/09/2017).

Iha fatin ketak, kordenador ONG Lao Hamutuk, Juvinal Dias, hateten, formasaun VII Governu iha baze Konstitusional, bazeia ba artigu 106 hateten katak, Primeiru Ministru hili husi partidu mais votadu ou aliansa maioria parlamentar, klaru katak iha parlamentu nasional partidu FRETILIN no PD nia kadeira menus liu kompara ho partidu sira ne’ebe hili opozisaun.      Maibe, Juvinal aprofunda tan katak, regra Konstitusional mos hateten, partidu ki’ik sira mos tenke kria aliansa, la bele sura kadeira opozisaun deit, maibe haree mos ba aliansa, partidu tolu opozisaun mais sira la forma aliansa, nee signifika sira nafatin minoria.

Lee hotu :   Hasoru kualker situasaun, FRETILIN sosializa an

“Kestaun seluk ne’ebe ami hanoin maka, klaru katak Governu ne’ebe forma ho kadeira 30 iha frazilidade boot ida atu bele monu lalais, maibe depende fali ba FRETILIN atu jere ho didiak atu nune’e Governu ne’e bele dura to’o tinan lima, se laiha komunikasaun politiku ho partidu opozisaun sira bele iha mudansa ba Governu iha tinan oin,” hateten Juvinal Dias.

Lao Hamutuk husu VII Governu tenke halo kritika ba Governasaun sira liu ona, tanba Governasaun tinan sanulu liu ba hatene gasta osan deit, fakar osan arbiru, fo benefisia ba grupu elit deit, la fo prioridade ba setor saude, agrikultura, edukasaun, la konsege kria kampu serbisu. mia

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-24 Fulan-Setembru Tinan-2017

GRANDE ENTREVISTA Hamutuk ho Embaixador Timor-Leste ba Indonezia

FINAL TOUR DE TIMOR 2017

Close